ବିନା ହେଲମେଟ୍‌ରେ ଗାଡ଼ି ଚଳାଇ ଯାଇଛି ୪୩,୬୦୦ ଜୀବନ

ନୂଆଦିଲ୍ଲୀ : ନୂଆ ଟ୍ରାଫିକ୍‌ ନିୟମ ଓ ଜୋରିମାନା ଆଦାୟକୁ ନେଇ ସାରା ଦେଶରେ ହାହାକାର ସୃଷ୍ଟି ହୋଇଛି। କିଛି ରାଜ୍ୟ ନୂଆ ଟ୍ରାଫିକ୍‌ ନିୟମ ଲାଗୁ କରିବାକୁ ମଧ୍ୟ ଚାହୁଁନାହାନ୍ତି। ତେବେ ଟ୍ରାଫିକ୍‌ ଉଲ୍ଲଙ୍ଘନର ଭୟଙ୍କର ସ୍ଥିତି କ’ଣ ହୋଇପାରେ, ତାହା ୨୦୧୮ରେ ଘଟିଥିବା ସଡ଼କ ଦୁର୍ଘଟଣା ତଥ୍ୟ ବୟାନ କରୁଛି।

ମିଳିଥିବା ରିପୋର୍ଟ ଅନୁଯାୟୀ, ୨୦୧୮ରେ ୪୩,୬୦୦ ଜଣ ବିନା ହେଲମେଟ୍‌ରେ ଗାଡ଼ି ଚଳାଇ ଦୁର୍ଘଟଣାରେ ପ୍ରାଣ ହରାଇଛନ୍ତି। ୨୦୧୭ରେ ବିନା ହେଲମେଟ୍‌ରେ ୩୫,୯୭୫ ଜଣଙ୍କ ଜୀବନ ଯାଇଥିଲା।

ବାଇକ୍‌ ପଛରେ ବିନା ହେଲମେଟ୍‌ରେ ବସିଥିବା ଲୋକଙ୍କ ମୃତ୍ୟୁସଂଖ୍ୟା ୧୫,୩୬୦। ଏଥିରୁ ସ୍ପଷ୍ଟ ଯେ କେବଳ ବାଇକ୍‌ ଚାଳକ ନୁହନ୍ତି, ପଛରେ ବସୁଥିବା ବ୍ୟକ୍ତିବିଶେଷମାନେ ମଧ୍ୟ ହେଲମେଟ୍‌ ପିନ୍ଧିବା ଜରୁରୀ। କେନ୍ଦ୍ର ସରକାର ନୂଆ ଆଇନ୍‌ରେ ଏହି ବ୍ୟବସ୍ଥା କରିଛନ୍ତି। କିନ୍ତୁ ଗୁଜରାଟ ଓ ଝାରଖଣ୍ଡ ଭଳି ରାଜ୍ୟ ପଛରେ ବସିଥିବା ବ୍ୟକ୍ତିଙ୍କ ପାଇଁ ହେଲମେଟ୍‌ ବାଧ୍ୟତାମୂଳକ ନୁହେଁ ବୋଲି ଘୋଷଣା କରିଛନ୍ତି।

ବିନା ହେଲମେଟ୍‌ରେ ଗାଡ଼ି ଚଳାଇ ଉତ୍ତର ପ୍ରଦେଶରେ ସର୍ବାଧିକ ୬ ହଜାର ୨୦ ଜଣ ଲୋକ ସଡ଼କ ଦୁର୍ଘଟଣାରେ ପ୍ରାଣ ହରାଇଛନ୍ତି। ଗୁଜରାଟରେ ବିନା ହେଲମେଟ୍‌ରେ ଗାଡ଼ି ଚଳାଇ ୯୫୮ଙ୍କ ଜୀବନ ଯାଇଥିବା ବେଳେ ବିନା ହେଲମେଟ୍‌ରେ ପଛରେ ବସିଥିବା ବ୍ୟକ୍ତିଙ୍କ ମୃତ୍ୟୁସଂଖ୍ୟା ୫୬୦ ରହିଛି। ଝାରଖଣ୍ଡରେ ଏହି ସଂଖ୍ୟା ଯଥାକ୍ରମେ ୭୯୦ ଓ ୪୫୦। ମହାରାଷ୍ଟ୍ରରେ ବିନା ହେଲମେଟ୍‌ରେ ଗାଡ଼ି ଚଳାଇ ୫,୨୩୨ ଓ ତାମିଲନାଡୁରେ ୫୦୪୮ ଜଣ ବ୍ୟକ୍ତିଙ୍କ ମୃତ୍ୟୁ ଘଟିଛି।

ଅନ୍ୟପକ୍ଷରେ କାର୍‌ରେ ସିଟ୍‌ ବେଲଟ୍‌ ନ ବାନ୍ଧି ଡ୍ରାଇଭରଙ୍କ ସମେତ ୨୪ ହଜାର ୪ଶହ ଲୋକଙ୍କ ଜୀବନ ଯାଇଛି। ୨୦୧୭ରେ ଏହି ସଂଖ୍ୟା ୨୮,୯୦୦ ଥିଲା। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା ସିଟ୍‌ ବେଲଟ୍‌ ନ ବାନ୍ଧି ୧୫,୧୦୦ ଜଣ ଯାତ୍ରୀ ପ୍ରାଣ ହରାଇଥିବା ବେଳେ ଡ୍ରାଇଭରଙ୍କ ସଂଖ୍ୟା ୯,୩୫୦ ରହିଛି।

ଆହୁରି ପଢ଼ନ୍ତୁ

ଫିଲ୍ମ ‘ABCD’ ଫେମ୍‌ ଆକ୍ଟର କିଶୋର ଅମନ୍ ଗିରଫ, ଡଗ୍ସ ଜବତ

ଧାର୍ଯ୍ୟ ସମୟ ଆଗରୁ ଶେଷ ହୋଇପାରେ ମୌସୁମୀ ଅଧିବେଶନ

ରାଜ୍ୟସଭାରେ କୃଷି ବିଲ୍‌କୁ ବିରୋଧ କଲା ବିଜେଡି

ରାୟୁଡୁଙ୍କ ଧମାକା: ମୁମ୍ବାଇକୁ ଚକମା ଦେଲା ଚେନ୍ନାଇ

ଅନ୍ତିମ ଯାତ୍ରାରେ ବାହାରିଲା INS ବିରାଟ

କରୋନା ଆରୋଗ୍ୟ ହାର: ଆମେରିକାକୁ ପଛରେ ପକାଇ ଭାରତ ଆଗରେ

ଲକ୍‌‌ଡାଉନ ସମୟରେ ସ୍ୱତନ୍ତ୍ର ଶ୍ରମିକ ଟ୍ରେନ୍‌‌ରେ ୯୭ ଶ୍ରମିକଙ୍କ ମୃତ୍ୟୁ ଘଟିଛି

ସାମ୍ବାଦିକଙ୍କ ସମେତ ଚୀନ ଓ ନେପାଳ ନାଗିରକ ଗିରଫ; ଚୀନ ଗୁଇନ୍ଦା ସଂସ୍ଥାକୁ ଦେଉଥିଲେ ଗୁପ୍ତ ଖବର

COVID-19କୁ ନେଇ ବଢ଼ିଲା ଚିନ୍ତା; ରୂପ ବଦଳାଇ ସୁସ୍ଥ ହୋଇଥିବା ରୋଗୀଙ୍କ ଶରୀରରେ ପୁଣି ସଂକ୍ରମିତ ହେଉଛିି

୨୪ ଘଣ୍ଟାରେ ୯୩, ୩୩୭ କରୋନା ଆକ୍ରାନ୍ତ ଚିହ୍ନଟ

ରେଡ୍‌ ବେଳେ ୯ ଆତଙ୍କବାଦୀ ଗିରଫ, ଦେଶରେ ବଡ଼ ଧରଣର ହମ୍‌ଲା ପାଇଁ କରିଥିଲେ ଯୋଜନା

କରୋନା ଭ୍ୟାକ୍‌ସିନ୍‌ ପରେ ଔଷଧ ତିଆରି କଲା ଋଷ

You might also like