ଜାମ୍ମୁ-କାଶ୍ମୀରରେ ସର୍ଚ୍ଚ ଅପରେସନ ବେଳେ ସହିଦ ହେଲେ ୩ ଯବାନ

ଶ୍ରୀନଗର: ରବିବାର ସୀମାରେ ଆତଙ୍କବାଦୀ ସର୍ଚ୍ଚ ଅପରେସନ ଚାଲିଥିବା ବେଳେ ୩ ଯବାନ ସହିଦ ହୋଇଛନ୍ତି। ଜାମ୍ମୁ ଓ କାଶ୍ମୀର କୁପୱାରା ଜିଲ୍ଲାର କେରନ୍ ସେକ୍ଟର ଏଲ୍‌ଓସିରେ ସର୍ଚ୍ଚ ଅପରେସନ ଚାଲିଥିଲା। ଏହି ସମୟରେ ଅନୁପ୍ରବେଶ କରିବାକୁ ଚେଷ୍ଟା କରୁଥିବା ଆତଙ୍କଦାଦୀ ସହିତ ଯବାନଙ୍କର ମୁକାବିଲା ହୋଇଥିଲା। ଏଥିରେ ଦୁଇ ଆର୍ମି ଯବାନଙ୍କ ସହିତ ଜଣେ ବିଏସ୍‌ଏଫ୍ ଯବାନ ସହିଦ ହୋଇଛନ୍ତି।

ସୀମାରେ ଆତଙ୍କବାଦୀଙ୍କ ଅନୁପ୍ରବେଶ ଯୋଜନାକୁ ପଣ୍ଡ କରିବା ପାଇଁ ଅପରେସନ ଜାରି ରଖିଛି ସେନା। ଆଜି ଏହା ପୂର୍ବରୁ ଦୁଇଜଣ ଅନୁପ୍ରବେଶକାରୀଙ୍କୁ ଗୁଳି କରିଥିଲା ସେନା। ଅନୁପ୍ରବେଶକାରୀମାନେ ସୀମାରେ ପ୍ରବେଶ କରୁଥିବା ବେଳେ ପାଟ୍ରେଲିଂ କରୁଥିବା ଯବାନଙ୍କ ସହିତ ସାମ୍ନାସାମ୍ନି ହୋଇଥିଲା ବୋଲି ଜଣେ ପ୍ରତିରକ୍ଷା ପ୍ରବକ୍ତା ସୂଚନା ଦେଇଛନ୍ତି।

 

You might also like