ଫାରୁକ୍‌ ଓ ଓମାର ଅବ୍‌ଦୁଲ୍ଲାଙ୍କୁ ଭେଟିଲେ ଦଳୀୟ କର୍ମୀ

ଶ୍ରୀନଗର: ଜମ୍ମୁ କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଏବଂ ନ୍ୟାସନାଲ୍‌ କନଫରେନସ(ଏନସି)ର ଅଧ୍ୟକ୍ଷ ଫାରୁକ୍ ଅବ୍‌ଦୁଲ୍ଲାଙ୍କୁ ଆଜି ନିଜ ଦଳର ୧୫ ଜଣିଆ ପ୍ରତିନିଧି ଦଳ ଭେଟିଛନ୍ତି।

ଫାରୁକଙ୍କୁ ତାଙ୍କ ଶ୍ରୀନଗର ବାସଭବନରେ ଓ  ପୂର୍ବତନ ମୁଖ୍ୟମନ୍ତ୍ରୀ ତଥା ଦଳର ଉପାଧ୍ୟକ୍ଷ ଓମାର ଅବ୍‌ଦୁଲ୍ଲାଙ୍କୁ ଷ୍ଟେଟ୍‌ ଗେଷ୍ଟ ହାଉସରେ ଏନସି ପ୍ରତିନିଧି ଦଳ ଭେଟିଛନ୍ତି।

ଅଗଷ୍ଟ ୫ରେ ଜମ୍ମୁ କାଶ୍ମୀରରୁ ଧାରା ୩୭୦ ଉଚ୍ଛେଦ ହେବା ପରେ ଏହି ଦୁଇ ନେତା ଗୃହବନ୍ଦୀ ରହିଛନ୍ତି। ହିଂସା ଆଶଙ୍କା ଯୋଗୁ ଅନେକ ନେତାଙ୍କୁ ଜମ୍ମୁ ପ୍ରଶାସନ ବନ୍ଦୀ କରି ରଖିଛି। ଯେଉଁଥିରେ ପିଡିପି ମୁଖ୍ୟ ତଥା ପୂର୍ବତନ ମୁଖ୍ୟମନ୍ତ୍ରୀ ମେହବୁବା ମୁଫତି ମଧ୍ୟ ଅନ୍ତର୍ଭୁକ୍ତ।

ଗତକାଲି ଫାରୁକ୍ ଏବଂ ଉମରଙ୍କୁ ଭେଟିବା ପାଇଁ ଏନସି ନେତା ରାଜ୍ୟପାଳ ସତ୍ୟ ପାଲ୍ ମଲ୍ଲିକଙ୍କୁ ଭେଟି ଅନୁମତି ମାଗିଥିଲେ। ଏହାପରେ ରାଜ୍ୟପାଳ ଅନୁମତି ଦେଇଥିଲେ।

ଧାରା ୩୭୦ ଉଚ୍ଛେଦକୁ ୨ ମାସ ପୂରଣ ହୋଇ ସାରିଛି।

ଆହୁରି ପଢ଼ନ୍ତୁ

You might also like