ଦିନକରେ ୧୪, ୫୧୬ ପଜିଟିଭ୍‌ ଚିହ୍ନଟ; ୪ ଲକ୍ଷ ପାଖାପାଖି ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା

ନୂଆଦିଲ୍ଲୀ: ଦେଶରେ ଦିନକୁ ଦିନ ସାଂଘାତିକ ହେଉଛି କରୋନା ସ୍ଥିତି। ଆକ୍ରାନ୍ତଙ୍କ ସଂଖ୍ୟା ବହୁଳ ଭାବରେ ବଢ଼ିବାରେ ଲାଗିଛି। ଦିନକରେ ୧୪, ୫୧୬ ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୩୭୫ଜଣଙ୍କ ମୃତ୍ୟୁ ହୋଇଛି। ଏଥିସହ ଦେଶରେ କରୋନା ମୃତ୍ୟୁସଂଖ୍ୟା ୧୨,୯୪୮କୁ ବୃଦ୍ଧି ପାଇଛି। ସେହିଭଳି ଆକ୍ରାନ୍ତଙ୍କ ସଂଖ୍ୟା ୩ ଲକ୍ଷ ୯୫ ହଜାର ୪୮ରେ ପହଞ୍ଚିଛି।

ବର୍ତ୍ତମାନ ଦେଶରେ ୧ଲକ୍ଷ ୬୮ ହଜାର ୨୬୯ ଆକ୍ରାନ୍ତ ଚିକିତ୍ସିତ ହେଉଥିବା ବେଳେ ୨ଲକ୍ଷ ୧୩ ହଜାର ୮୩୧ ସୁସ୍ଥ ହୋଇଛନ୍ତି। ମହାରାଷ୍ଟ୍ରରେ ୧ ଲକ୍ଷ ୨୪ ହଜାର ୩୩୧ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୫୮୯୩ ଜଣଙ୍କ ମୃତ୍ୟୁ ହୋଇଛି।

ଦିଲ୍ଲୀରେ ୨୦୩୫, ଗୁଜରାଟରେ ୧୬୦୮ଓ ତାମିଲନାଡୁରେ ୬୬୬ ଜଣଙ୍କ ମୃତ୍ୟୁ ହୋଇଛି।  ପଶ୍ଚିମବଙ୍ଗ- ୫୨୯, ମଧ୍ୟପ୍ରଦେଶ- ୪୯୫, ଉତ୍ତରପ୍ରଦେଶରେ ୪୮୮ଜଣଙ୍କ ମୃତ୍ୟୁ ହୋଇଥିବା କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ସୂଚନା ମିଳିଛି।

ଗତକାଲି ମଧ୍ୟ ଦିନକରେ ୧୩, ୫୮୬ କରୋନା ପଜିଟିଭ୍‌ ଚିହ୍ନଟ ହୋଇଥିଲେ। ମୃତ୍ୟୁ ସଂଖ୍ୟା ୩୩୬ ଜଣଙ୍କ ଜୀବନ ଯାଇଥିଲା। ଆଜି ଏହି ଦରରେ ଆଉ ହଜାରେ ଆକ୍ରାନ୍ତ ବଢ଼ିଯାଇଛନ୍ତି।

 

You might also like