କେଜ୍ରିୱାଲଙ୍କ ଉପହାର: ଦିଲ୍ଲୀବାସୀଙ୍କୁ ଆଉ ଦେବାକୁ ପଡ଼ିବନି ବକେୟା ପାଣି ବିଲ

ନୂଆଦିଲ୍ଲୀ: ବିଧାନସଭା ନିର୍ବାଚନ ପୂର୍ବରୁ ଦିଲ୍ଲୀରେ କ୍ଷମତାସୀନ ଅରବିନ୍ଦ କେଜ୍ରିୱାଲ  ଆଜି ନିଜର ଭୋଟ ବ୍ୟାଙ୍କକୁ ସୁଦୃଢ଼ କରିବାକୁ ବଡ଼ ଘୋଷଣା କରିଛନ୍ତି। ପୂର୍ବରୁ ୨୦୦ ୟୁନିଟି ଯାଏ ବିଜୁଳି ଜାଳିଲେ କୌଣସି ଅର୍ଥ ଦେବାକୁ ପଡ଼ିବ ନାହିଁ ବୋଲି ଘୋଷଣା କରିଥିବା ମୁଖ୍ୟମନ୍ତ୍ରୀ କେଜ୍ରିୱାଲ ଏବେ ଆଉ ବଡ଼ ପଦକ୍ଷେପ ନେଇଛନ୍ତି। ଏବେ ସେ ଦିଲ୍ଲୀବାସୀଙ୍କୁ ବାକି ରହିଥିବା ପାଣି ବିଲ୍‌ରୁ ମୁକ୍ତ କରିବା ପାଇଁ ଘୋଷଣା କରିଛନ୍ତି। ଅର୍ଥାତ ପାଣି ବିଲ୍‌ର ଅର୍ଥ ବକେୟା ରଖିଥିବା ଲୋକମାନେ ଏହାକୁ ଆଉ ପୈଠ କରିବେନାହିଁ। କିନ୍ତୁ ଯେଉଁମାନଙ୍କ ଘରେ ପାଣି ମିଟର ଲାଗିଥିବ, ସେହିମାନେ ହିଁ ଏହି ଯୋଜନାର ଲାଭ ଉଠାଇ ପାରିବେ।

ଆଜି ଏକ ସାମ୍ବାଦିକ ସମ୍ମିଳନୀରେ ଦିଲ୍ଲୀ ମୁଖ୍ୟମନ୍ତ୍ରୀ କେଜ୍ରିୱାଲ କହିଛନ୍ତି, “ବିଲ୍ ଅର୍ଥ ଛାଡ଼ କରିବା ଯୋଜନା ନଭେମ୍ବର ୩୦ ଯାଏ କାର୍ଯ୍ୟକାରୀ ହେବ। ୨୦୧୯ ମାର୍ଚ୍ଚ ୩୧ ଯାଏ ବାକି ପଡ଼ିଥିବା ବିଲ୍ ବାବଦ ଅର୍ଥକୁ ଛାଡ଼ କରାଯିବ। ବର୍ତ୍ତମାନ ୧୦.୫ ଲକ୍ଷ ଲୋକ ଇ, ଏଫ, ଜି,ଏଚ୍ ଶ୍ରେଣୀରେ ରହିଛନ୍ତି। ସେମାନେ ବାକି ରଖିଥିବା ପାଣି ବିଲ୍‌କୁ ଶତ ପ୍ରତିଶତ ଛାଡ଼ କରାଯିବ।

ସେହିପରି ଏ ଓ ବି ଶ୍ରେଣୀରେ ଥିବା ଲୋକଙ୍କ ପାଇଁ ୨୫% ବିଲ୍ ବାବଦ ଅର୍ଥ ଏବଂ ସି କ୍ୟାଟାଗୋରୀରେ ଥିବା ଉପଭୋକ୍ତଙ୍କୁ ୫୦% ଅର୍ଥର ରିହାତି ଦିଆଯିବ। ମୁଁ ଖୁବଶୀଘ୍ର ଏ ସମ୍ପର୍କରେ ଦିଲ୍ଲୀରେ ପାଣି ବ୍ୟବହାର କରୁଥିବା ଲୋକଙ୍କୁ ଚିଠି ଲେଖି ଅବଗତ କରାଇବି।

ଯେଉଁମାନେ ଏହାର ଫାଇଦା ନେବାକୁ ଚାହୁଁଛନ୍ତି, ସେମାନେ ନିଜ ଘରେ ପାଣି ମିଟର ଲଗାଇବା ଉଚିତ। ଏଥିସହ ସମସ୍ତ ସୂଚନା ଜଲ ବୋର୍ଡ ଠାରୁ ମଧ୍ୟ ଜାଣି ରଖନ୍ତୁ। ଏହି ନୂଆ ଯୋଜନା ଦ୍ୱାରା ଦିଲ୍ଲୀର ପ୍ରାୟ ୧୩ ଲକ୍ଷରୁ ଅଧିକ ଲୋକ ଫାଇଦା ପାଇବେ। ”

କେଜ୍ରିୱାଲ ଏହି ନୂଆ ଘୋଷଣା କରିବା ବେଳେ ଲୋକଙ୍କୁ ପାଣି ମିଟିର ଲଗାଇବାକୁ କହିଛନ୍ତି। ଏହାଦ୍ୱାରା ୬୦୦ କୋଟି ଟଙ୍କା ବଞ୍ଚି ପାରିବ ଏବଂ ଦେଶର ଅର୍ଥନୀତି ସୁଦୃଢ଼ ହେବ ବୋଲି ଦୃଢ଼ୋକ୍ତି କରିଛନ୍ତି।

ଆହୁରି ପଢ଼ନ୍ତୁ

ଝିଅ ବାହାଘରରେ ଖର୍ଚ୍ଚ କରିଥିଲେ ୪୮୫ କୋଟି, ଏବେ ଦେବାଳିଆ

ଖଣ୍ଡାରେ କାଟିଲେ ବର୍ଥ ଡେ’ କେକ୍‌, ଘରୁ ଉଠାଇ ନେଲା ପୋଲିସ୍‌

ବାପାଙ୍କୁ ପିଟିପିଟି ମାରିଦେଲା ୧୬ ବର୍ଷର ଝିଅ

ବୟସ ୧୪, ଉଚ୍ଚତା ୭ ଫୁଟରୁ ଅଧିକ

ନା ଅଛି ମୋବାଇଲ୍‌ ନା ଚପଲ, ତଥାପି ନିର୍ବାଚନ ଲଢ଼ୁଛନ୍ତି ୭୨ ବର୍ଷୀୟ ବୃଦ୍ଧ

ସପିଂ ମଲ୍‌ରେ ଭୟଙ୍କର ଅଗ୍ନିକାଣ୍ଡ

ଆମେରିକାରେ କରୋନା ଆକ୍ରାନ୍ତଙ୍କୁ ଦିଆଯିବ ରେମେଡସିଭିର୍

୧୦ ଟଙ୍କାରେ ବିରିୟାନୀ ବିକୁଥିଲେ, ଉଠାଇ ନେଲା ପୋଲିସ୍‌

ଆଶ୍ୱସ୍ତିର ଖବର; କୋଭାକ୍ସିନକୁ ମିଳିଲା ତୃତୀୟ ପର୍ଯ୍ୟାୟ କ୍ଲିନିକାଲ ଟ୍ରାଏଲ ଅନୁମତି

ପିଆଜ ଚୋରି କରି ବନ୍ଧା ହେଲେ

ମାଗଣାରେ ଦେଶବାସୀଙ୍କୁ ମିଳିବ କରୋନା ଭ୍ୟାକ୍‌ସିନ !

ଯାତ୍ରୀମାନଙ୍କ ପାଇଁ ଖୁସି ଖବର; ଭିସା ନିୟମରେ କୋହଳ କଲେ କେନ୍ଦ୍ର ସରକାର

You might also like