କାର୍ପେଟ କାରଖାନାରେ ବିସ୍ଫୋରଣ

ବିସ୍ଫୋରଣରେ ୧୧ ଜଣଙ୍କ ମୃତ୍ୟୁ,ଏନ୍‌ଡିଆର୍‌ଏଫ୍ ଟିମ୍‌ ପକ୍ଷରୁ ଉଦ୍ଧାର କାର୍ଯ୍ୟ ଜାରି

ଉତ୍ତରପ୍ରଦେଶ : ଉତ୍ତରପ୍ରଦେଶର ଭଦୋହୀ ଜିଲ୍ଲାରେ ଅଘଟଣ। ଏକ କାର୍ପେଟ କାରଖାନାରେ ବିସ୍ଫୋରଣ ହୋଇ ୧୧ ଜଣଙ୍କ ମୃତ୍ୟୁ ହୋଇଛି। କାରଖାନା ପରିସରରେ ଥିବା ଖୋଲା ସ୍ଥାନକୁ ବେଆଇନ୍‌ ଭାବେ ବାଣ ତିଆରି ପାଇଁ ବ୍ୟବହାର କରାଯାଉଥିଲା। ତେଣୁ ବାଣରୁ ଏହି ବିସ୍ଫୋରଣ ହୋଇଥିବା ପ୍ରାଥମିକ ତଦନ୍ତରୁ ଜଣାପଡିଛି।

ବିସ୍ଫୋରଣର ମାତ୍ରା ଏତେ ଅଧିକ ଥିଲା ଯେ ନିମିଷକ ମଧ୍ୟରେ କାରଖାନାଟି ଧ୍ୱଂସସ୍ତୁପରେ ପରିଣତ ହୋଇଥିଲା। ବିସ୍ଫୋରଣର ପ୍ରଭାବରେ ପାଖରେ ଥିବା ତିନିଟି ଘର ମଧ୍ୟ ଭାଙ୍ଗିଯାଇଛି। ପ୍ରଶାସନ ପକ୍ଷରୁ ଯୁଦ୍ଧକାଳୀନ ଭିତ୍ତିରେ ଉଦ୍ଧାର କାର୍ଯ୍ୟ ଚାଲିଛି। ଧ୍ୱଂସସ୍ତୁପ ତଳେ ଆହୁରି କିଛି ଲୋକ ଚାପି ହୋଇ ରହିଥିବା ଆଶଙ୍କା କରାଯାଉଛି।

ଏନ୍‌ଡିଆର୍‌ଏଫ୍ ଟିମ୍‌ ପକ୍ଷରୁ ଉଦ୍ଧାର କାର୍ଯ୍ୟ ଚାଲିଛି। ଅନ୍ୟପକ୍ଷରେ ବିସ୍ଫୋରଣର କାରଣ ସମ୍ପର୍କରେ ଫରେନ୍‌ସିକ୍‌ ଟିମ୍‌ ଅନୁଧ୍ୟାନ କରୁଛି।

You might also like