ଧୂଳି ପୋଛି ପୋଛି ଥକିଗଲେଣି କି, ତେବେ ଆପଣାନ୍ତୁ…

କରୋନା ମହାମାରୀ ହେତୁ ଅଧିକାଂଶଙ୍କ ଘରୁ କାମବାଲୀ ଆଦିଙ୍କୁ ବାହାର କରିଦିଆ ଯାଇଛି। ଏନେଇ ଅଫିସ୍ କାର୍ଯ୍ୟ ସହିତ ସମସ୍ତେ ଘରୋଇ କାର୍ଯ୍ୟର ଭାର ମଧ୍ୟ ବହନ କରୁଛନ୍ତି। ଏପରି ପରିସ୍ଥିତିରେ, ଯଦି ଆପଣ ପ୍ରତିଦିନ ଆସବାବପତ୍ର ସଫା କରି କରି ନୟାନ୍ତ ହୋଇ ଯାଉଛନ୍ତି, ତେବେ ଭାବନ୍ତୁ ନାହିଁ ଯେ ଏଭଳି ଅସୁବିଧା କେବଳ ଆପଣ ଭୋଗୁଛନ୍ତି।

ବାସ୍ତବରେ, ସହର କି ଗାଁ, ଆଜିକାଲି ସବୁ ସ୍ଥାନରେ ଗଛ କଟାଯାଉଛି ଏବଂ ନିର୍ମାଣ କାର୍ଯ୍ୟ ଦ୍ରୁତ ଗତିରେ ଚାଲିଛି। ଯେଉଁଥିପାଇଁ ଘର ଧୂଳିରେ ପରିପୂର୍ଣ୍ଣ ହେଇଯାଉଛି। ଯେତେବେଳେ ଆପଣ କିମ୍ବା ଘରର ସଦସ୍ୟ ଧୂଳି କିମ୍ବା ଡଷ୍ଟ୍ ଆଲର୍ଜିର ଶିକାର ହୁଅନ୍ତି ସେତେବେଳେ ଅସୁବିଧା ବଢିଯାଏ। ଏହି ପରିସ୍ଥିତିରେ ଧୂଳି ସଫାକରିବା ଅଧିକ ଗୁରୁତ୍ୱପୂର୍ଣ୍ଣ ହୋଇଯାଏ। ତେଣୁ, ଆସନ୍ତୁ ଜାଣିବା ଯେ କେଉଁ ଟିପ୍ସ ଗ୍ରହଣ କରି ଘରକୁ ପ୍ରବେଶ କରୁଥିବା ଧୂଳିକୁ ସଫା କରିପାରିବା ଏବଂ ଡଷ୍ଟ୍ ଆଲର୍ଜିରୁ ମୁକ୍ତି ପାଇବା।

୧. କୁଲିଂ ସିଷ୍ଟମର ଫିଲ୍ଟର ପରିବର୍ତ୍ତନ କରିବା ଆବଶ୍ୟକ

ଯଦି ଆପଣ ଘରକୁ ଧୂଳିମୁକ୍ତ ରଖିବାକୁ ଚାହାଁନ୍ତି, ତେବେ ଏହା କରିବାର ଅତି ସହଜ ଉପାୟ ହେଉଛି କିଛି ମାସ ମଧ୍ୟରେ ଘରେ ବ୍ୟବହୃତ ଏସି, କୁଲର ଇତ୍ୟାଦିର ଫିଲ୍ଟର ପରିବର୍ତ୍ତନ କରିବା। ସେଗୁଡ଼ିକ ମଧ୍ୟ ମହଙ୍ଗା ନୁହେଁ ଏବଂ ଏହା ଆପଣଙ୍କ ଘରେ ଥିବା ଧୂଳିକୁ ପ୍ରାୟ ୩୦ ରୁ ୪୦ ପ୍ରତିଶତ ହ୍ରାସ କରିପାରେ।

୨. ବାୟୁ ବିଶୋଧନକାରୀ ବ୍ୟବହାର

ବାୟୁମଣ୍ଡଳରୁ ଧୂଳିକଣାକୁ ଏଡାଇବା ପାଇଁ ଆପଣ ବଜାରରୁ ବାୟୁ ବିଶୋଧନକାରୀ ଆଣିପାରିବେ। ଏହାକୁ ଘରର ମଝିରେ ରଖନ୍ତୁ, ଆପଣ ଦେଖିବେ ଯେ ଘରର ବାୟୁରୁ ଧୂଳି ଆପେ ଆପେ ଫିଲ୍ଟର୍ ହେଉଛି। ଏହା ଘରକୁ ଶତପ୍ରତିଶତ ଧୂଳିମୁକ୍ତ ରଖିପାରେ। ଯଦି ଆପଣ କାମରେ ବ୍ୟସ୍ତ ରହୁଛନ୍ତି ଆଉ ଧୂଳି ସଫା କରିବାକୁ ଆପଣଙ୍କ ପାଖରେ ସମୟ ନାହିଁ ତେବେ ଏହା ଆପଣଙ୍କ ପାଇଁ ସର୍ବୋତ୍ତମ ବିକଳ୍ପ ହୋଇପାରେ।

୩. ପୋଛା ବ୍ୟବହାର

ଯଦି ଆପଣଙ୍କର ଡଷ୍ଟ୍ ଆଲର୍ଜି ଅଛି, ତେବେ ଡଷ୍ଟିଂ ବଦଳରେ ପୋଛା ବ୍ୟବହାର କରିବା ଭଲ। ଆପଣ ଦୁଇ ଗ୍ଲାସ୍ ପାଣି ଏବଂ ଚାରି ଚାମଚ ଭିନେଗାରକୁ ଏକ ସ୍ପ୍ରେ ବୋତଲରେ ରଖି ଯେଉଁସବୁ ସ୍ଥାନକୁ ସଫା କରିବାକୁ ଚାହୁଁଥାନ୍ତି ସେଠାରେ ସ୍ପ୍ରେ କରନ୍ତୁ ଏବଂ ଏକ କପଡା ଦ୍ଵାରା ପୋଛନ୍ତୁ। ଏଭଳି ଆପଣ ଘରର ପ୍ରତ୍ୟେକ କୋଣକୁ ସଫା କରିପାରିବେ। ଏଭଳି କରିବା ଦ୍ୱାରା ଧୂଳି ଉଡିବ ନାହିଁ ଏବଂ ଆପଣ ନିଜକୁ ଡଷ୍ଟ୍ ଆଲର୍ଜିରୁ ରକ୍ଷା କରିବାରେ ମଧ୍ୟ ସକ୍ଷମ ହେବେ।

୪. ଭାକ୍ୟୁମ୍ କ୍ଲିନର୍ ବ୍ୟବହାର

ଘରର ପରଦା, ବେଡ୍ ସିଟ୍, ସୋଫା, ଟେବୁଲ୍, ଫ୍ରିଜ୍, ସେଲଫ୍, କବାଟ ଇତ୍ୟାଦି ସଫା କରିବା ପାଇଁ ଆପଣ ଭାକ୍ୟୁମ୍ କ୍ଲିନର୍ ବ୍ୟବହାର କରିପାରିବେ। ଏହା ଦ୍ଵାରା ଆପଣ କେବଳ ଅଳ୍ପ ସମୟ ମଧ୍ୟରେ ଘର ସଫା କରିବେ ନାହିଁ, ଆପଣ ଧୂଳି ସହ ମଧ୍ୟ କମ୍ ସଂସ୍ପର୍ଶରେ ଆସିବେ।

୫. ଚାଦର-ତକିଆ ଇତ୍ୟାଦିର ସଫା

ଆପଣ ଦିନରାତି ବ୍ୟବହାର କରୁଥିବା ଶଯ୍ୟା ଓ ତକିଆ ଆଦି ପ୍ରତିଦିନ ଧୂଳି, ମଇଳା, ଝାଳ, କେଶ ଇତ୍ୟାଦି ସଂସ୍ପର୍ଶରେ ଆସିଥାଏ। ଏପରି ପରିସ୍ଥିତିରେ, ପ୍ରତି ସପ୍ତାହରେ ଏସବୁ ସଫା କରିବା ଅତ୍ୟନ୍ତ ଜରୁରୀ।

You might also like