ବିନା ଅସ୍ତ୍ରୋପଚାରରେ କିଡ୍‌ନୀ ଷ୍ଟୋନ୍‌ରୁ ପାଇପାରିବେ ମୁକ୍ତି

ଭୁବନେଶ୍ୱର: କିଡ୍‌ନୀରେ ଷ୍ଟୋନ୍‌ ବା ପଥର ହେଲେ ସାଧାରଣତଃ ଅସ୍ତ୍ରୋପଚାର ଦ୍ୱାରା ଏହାର ଉପଶମ କରାଯାଇଥାଏ ।   ହେଲେ ଏହାର ଘରୋଇ ଉପଚାର ମଧ୍ୟ ରହିଛି, ଯାହାକୁ ବ୍ୟବହାର କରି କିଡ୍‌ନୀରୁ ପଥର ସମସ୍ୟାକୁ ଦୂର କରାଯାଇପାରିବ। ତା’ହେଲେ ଆସନ୍ତୁ ଜାଣିବା ସେହି ଉପଚାରଗୁଡ଼ିକ ବିଷୟରେ।

୧. ଅଧିକ ପାଣି ପିଅନ୍ତୁ। ଅଧିକ ପାଣି ପିଇଲେ ୟୁରିନ୍‌ ମାଧ୍ୟମରେ ଶରୀରରୁ ବିଷାକ୍ତ ପଦାର୍ଥକୁ ବାହାରିଥାଏ। ଜଣେ ସୁସ୍ଥ ମଣିଷ ଦିନକୁ ୭ ରୁ ୮ ଗ୍ଲାସ୍‌ ପାଣି ପିଇବା ଉଚିତ। ତେବେ କିଡ୍‌ନୀ ସମସ୍ୟା ଥିଲେ, ଅଧିକ ପାଣି ପିଅନ୍ତୁ। ପାଣି ଷ୍ଟୋନ୍‌କୁ ବାହାର କରିବାରେ ସାହାଯ୍ୟ କରିବ।

୨. ଲେମ୍ୱୁ ରସରେ ଅଳ୍ପ ଅଲିଭ୍‌ ଅଏଲ୍‌ ମିଶାଇ ପିଅନ୍ତୁ। ଏହା କିଡ୍‌ନୀ ଷ୍ଟୋନ୍‌ ପାଇଁ ବହୁତ ଉପକାରୀ ଘରୋଇ ଉପଚାର। ଲେମ୍ୱୁ ଓ ଅଲିଭ୍‌ ଅଏଲ୍‌ର ମିଶ୍ରଣ ଆପଣଙ୍କ କିଡ୍‌ନୀରେ ଥିବା ଷ୍ଟୋନ୍‌କୁ ଭାଙ୍ଗିବାରେ ସାହାଯ୍ୟ କରିବ।

୩. ପ୍ରତିଦିନ ସେଓ ରସ ପିଅନ୍ତୁ। ଏଥିରେ ଥିବା ସାଇଟ୍ରିକ୍‌ ଏସିଡ୍‌ କିଡ୍‌ନୀ ଷ୍ଟୋନ୍‌କୁ ଛୋଟ ଛୋଟ ଖଣ୍ଡରେ ପରିଣତ କରିବାରେ ସାହାଯ୍ୟ କରିଥାଏ। ଏପରିକି ସେଓ ରସ ଷ୍ଟୋନ୍‌କୁ ସମ୍ପୂର୍ଣ୍ଣ ଭଲ ମଧ୍ୟ କରି ଦେଇଥାଏ। ସେଓ ରସ ପିଇବା ସମୟରେ ଧ୍ୟାନ ଦିଅନ୍ତୁ। ଦୁଇ ଚାମଚ ଗରମ ପାଣି ସହିତ ସେଓ ରସ ମିଶାଇ ପିଅନ୍ତୁ। ଏହାକୁ ପିଇବା ସମୟରେ ଡାକ୍ତରଙ୍କ ସହିତ ପରାମର୍ଶ କରନ୍ତୁ।

୪. କର୍ଣ୍ଣ ହେୟାର୍‌ ବା ମକା ଭିତରେ ଥିବା କେଶ ଭଳି ଅଂଶ କିଡ୍‌ନୀ ଷ୍ଟୋନ୍‌ ଦୂର କରିବା ପାଇଁ ଖୁବ୍‌ ଉପକାରୀ। ଏହାର ବ୍ୟବହାର ଦ୍ୱାରା ଅଧିକ ପରିସ୍ରା ଲାଗିଥାଏ ଓ  ପରିସ୍ରା ଯୋଗେ ଷ୍ଟୋନ୍‌ ଛୋଟ ଛୋଟ ଖଣ୍ଡରେ ବାହାରି ଯାଇଥାଏ। କର୍ଣ୍ଣ ହେୟାର୍‌କୁ ପାଣିରେ ଫୁଟାଇ ଏହାର ପାଣି ପିଅନ୍ତୁ।

ଏସବୁ ଘରୋଇ ଉପଚାର କରିବା ପୂର୍ବରୁ ଡାକ୍ତରଙ୍କର ପରାମର୍ଶ ଅବଶ୍ୟ ନିଅନ୍ତୁ।

ଆହୁରି ପଢ଼ନ୍ତୁ

କେଶ ଝଡ଼ିବା ବନ୍ଦ କରିବ ଏହି ସବୁ ଘରୋଇ ଉପଚାର

ଆଲ୍‌ମାରୀରେ ଥିବା ପୋଷାକରୁ ଗନ୍ଧ ବାହାରୁଥିଲେ….

ଶୀତରେ ତ୍ୱଚା ଶୁଷ୍କ ହୋଇଯାଉଛି କି ? କିପରି ଏହାର ଯତ୍ନ ନେବେ , ଜାଣନ୍ତୁ

ଡୋଳାରେ ଥିବା କଳାଦାଗରୁ ହୋଇପାରେ କ୍ୟାନସର୍‌

ମାଟି ହାଣ୍ଡି ପୋସ୍ତ ଚିକେନ୍‌

କଦଳୀ ଫୁଲ ଖାଇଲେ ଏହି ସବୁ ଲାଭ ମିଳିଥାଏ

ଏହି ୩ଟି ପ୍ରାଣାୟମ ଉଚ୍ଚ ରକ୍ତଚାପ ପାଇଁ ରାମବାଣ

ଘରେ ଔଷଧ ପ୍ରସ୍ତୁତ କରନ୍ତୁ, ଆଣ୍ଠୁଗଣ୍ଠି ଯନ୍ତ୍ରଣାରୁ ମୁକ୍ତି ପାଆନ୍ତୁ

ବର୍ଷକୁ ଦେଢ କୋଟି ଜୀବନ ନେଉଛି ଷ୍ଟ୍ରୋକ୍‌, କେମିତି ବର୍ତ୍ତିବେ ଏଥିରୁ ଜାଣନ୍ତୁ

ରସୁଣକୁ ଏମିତି ଖାଇଲେ ନିୟନ୍ତ୍ରିତ ହେବ ଉଚ୍ଚ ରକ୍ତଚାପ

୧୫ ମିନିଟ୍‌ର ଅନୁଲୋମ-ବିଲୋମ ପ୍ରାଣାୟମ ବରଦାନ ସାବ୍ୟସ୍ତ ହୋଇଥାଏ…ଏହିସବୁ ସମସ୍ୟା ପାଖ ମାଡ଼ିନଥାଏ

ଏହି କାମ କରୁଛନ୍ତି କି ? ସେଥିପାଇଁ ମୁହଁରେ ବାହାରୁଛି ବ୍ରଣ

You might also like