• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Pramod Behera

ଶରୀରରେ ପ୍ରୋଟିନର ଅଭାବକୁ ପୂରଣ କରିବା ପାଇଁ ଲୋକମାନେ ଚିକେନ୍, ମଟନ୍, ଅଣ୍ଡା ଆଦି ଖାଇଥାନ୍ତି। ସେହିଭଳି ଶରୀରକୁ ମଧ୍ୟ ମାଛ ଦରକାର। ଆମିଷ ଖାଉଥିବା ବ୍ୟକ୍ତି ଯଦି ନିୟମିତ ମାଛ ଖାଏ ତେବେ ଶରୀରକୁ ସୁସ୍ଥ ରଖାଯାଇପାରିବ। ଏହା ସହିତ ମାଛ ଖାଇବା ଦ୍ୱାରା ସ୍ମୃତି ଶକ୍ତି ମଧ୍ୟ ଉନ୍ନତ ହୋଇଥାଏ। ଅନେକ ଥର ଡାକ୍ତରମାନେ ମଧ୍ୟ ଏକ ନିର୍ଦ୍ଦିଷ୍ଟ ରୋଗରେ ମାଛ ଖାଇବାକୁ ପରାମର୍ଶ ଦିଅନ୍ତି। ଆପଣ ନିଶ୍ଚିତ ଭାବରେ ମାଛର ଉପକାରିତା ବିଷୟରେ ଅନେକ ଥର ଶୁଣିଥିବେ, କିନ୍ତୁ ଆଜି ଆମେ ଆପଣଙ୍କୁ ଏକ ବିଶେଷ ପ୍ରକାରର ମାଛ ବିଷୟରେ କହିବାକୁ ଯାଉଛୁ। ତାହା ହେଲା ‘ସାଲମନ ମାଛ’। ସାଲମନ ମାଛର ଉପକାରିତା ଜାଣିବା ପରେ, ଆପଣ ନିଶ୍ଚିତ ଭାବରେ ଏହାକୁ ନିଜ ଖାଦ୍ୟରେ ଅନ୍ତର୍ଭୁକ୍ତ କରିବେ। ତେବେ ଆସନ୍ତୁ ଜାଣିବା ସାଲମନ ମାଛ କ’ଣ ଏବଂ ଏହାକୁ ଖାଇବାରେ ଲାଭ କ’ଣ ହେବ।

ସାଲମନ ମାଛ ହେଉଛି ଏକ ପ୍ରକାର ମାଛ ଯାହା ପ୍ରାୟତ ଲୁଣି ପାଣିରେ ମିଳିଥାଏ। ଏହି ମାଛ ଗୋଲାପୀ କିମ୍ବା କମଳା ରଙ୍ଗର। ଏହି ମାଛର ଉପର ପୃଷ୍ଠଟି ରୂପା ଏବଂ ଏହାର ଭିତର ଚର୍ମ ଗୋଲାପୀ ରଙ୍ଗର। ଏହି ମାଛଗୁଡ଼ିକ ସହଜରେ ସମୁଦ୍ରରେ କିମ୍ବା ବଡ଼ ନଦୀରେ ମିଳିଥାଏ।

ସାଲମନ ମାଛ ଖାଇବା ଦ୍ଵାରା ଶରୀରରେ ପ୍ରତିରୋଧକ ଶକ୍ତି ମଜବୁତ ହୋଇଥାଏ। କରୋନା ଅବଧିରେ ରୋଗ ପ୍ରତିରୋଧକ ଶକ୍ତି ବଢାଇବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଏପରି ପରିସ୍ଥିତିରେ ସାଲମନ ମାଛ ଖାଇବା ଶରୀର ପାଇଁ ବହୁତ ଲାଭଦାୟକ ପ୍ରମାଣିତ ହୋଇପାରେ।

ଅସ୍ୱାସ୍ଥ୍ୟକର ଖାଦ୍ୟ ଯୋଗୁଁ, ଆଜିକାଲି ଅଧିକାଂଶ ଲୋକ ଓଜନ ବୃଦ୍ଧି ପାଇଁ ଚିନ୍ତିତ। ଫାଷ୍ଟଫୁଡ୍ କିମ୍ବା ଫ୍ରାଏଡ ଖାଦ୍ୟ ଖାଇବା ଦ୍ଵାରା ଶୀଘ୍ର ଓଜନ ବଢିଥାଏ। ଏପରି ପରିସ୍ଥିତିରେ ଓଜନ କମାଇବା ପାଇଁ ସାଲମାନ ମାଛ ଖାଇପାରିବେ। ଏହି ମାଛ ଫାଇବରରେ ପରିପୂର୍ଣ୍ଣ, ଯାହା ଓଜନକୁ ନିୟନ୍ତ୍ରଣରେ ରଖେ। ଏଥିରେ ବହୁତ କମ କ୍ୟାଲୋରୀ ଥାଏ। ଏହାକୁ ଖାଇବା ଦ୍ଵାରା ପେଟ ମଧ୍ୟ ଦୀର୍ଘ ସମୟ ପର୍ଯ୍ୟନ୍ତ ପୂର୍ଣ୍ଣ ରହିଥାଏ। ଫଳରେ ବାରମ୍ବାର ଭୋକ ଲାଗେନି।

ଯଦି ଆପଣ ଆମିଷ ଭାବେ କେବଳ ଅଣ୍ଡାକୁ ପ୍ରୋଟିନର ଏକମାତ୍ର ଉତ୍ତମ ଉତ୍ସ ବୋଲି ବିବେଚନା କରନ୍ତି, ତେବେ ଏହା ଭୁଲ ଅଟେ। ପ୍ରୋଟିନ୍ ଦୃଷ୍ଟିରୁ ସାଲମନ୍ ମାଛ ମଧ୍ୟ କୌଣସି ଆମିଷ ଆଇଟମ୍ ଠାରୁ କମ୍ ନୁହେଁ। ଅନ୍ୟ ମାଛ ଅପେକ୍ଷା ସାଲମନ ମାଛରେ ଅଧିକ ପ୍ରୋଟିନ୍ ଥାଏ। ଭିଟାମିନ୍-ବି ଏବଂ ଭିଟାମିନ୍-ଡି ପାଇଁ ମଧ୍ୟ ଏହି ମାଛ ସର୍ବୋତ୍ତମ ବୋଲି ବିବେଚନା କରାଯାଏ।

କେଶକୁ ସୁନ୍ଦର କରିବା ପାଇଁ ଅନେକ ଲୋକ ମାଛ ତେଲ ବ୍ୟବହାର କରନ୍ତି। ତେବେ ସଲମାନ ମାଛରେ ଥିବା ଭିଟାମିନ୍-ଡି3 କେଶକୁ ସୁସ୍ଥ ରଖିବାରେ ସାହାଯ୍ୟ କରିଥାଏ। ଏଥିପାଇଁ ଏହାର ତେଲ କେଶରେ ବ୍ୟବହାର କରାଯାଇପାରେ। ଖାଲି ଏତିକି ନୁହେଁ ଏହି ତେଲ ବ୍ୟବହାର କରିବା ଦ୍ଵାରା କେଶ ଝଡିବାରୁ ବି ମୁକ୍ତି ମିଳେ ଓ କେଶ ମଜବୁତ ହୁଏ।

ଚର୍ମ ପାଇଁ ସାଲମନ ମାଛ ମଧ୍ୟ ବହୁତ ଭଲ। ପ୍ରୋଟିନ୍‌ରେ ଭରପୂର ସଲମାନ ମାଛ ଚର୍ମକୁ ବି ଚମକାଇଥାଏ। ତେବେ ଡାକ୍ତରଙ୍କ ପରାମର୍ଶ ପରେ ହିଁ ଆପଣ ଏହାକୁ ସେବନ କରନ୍ତୁ।