ଅଧିକ ଆମ୍ବ ଖାଉଛନ୍ତି କି? ତେବେ ଏହିସବୁ ସମସ୍ୟା ହୋଇପାରେ

ଆମ୍ବକୁ ଜାତୀୟ ଫଳ ତଥା ଫଳମାନଙ୍କର ରାଜା ବୋଲି ବିବେଚନା କରାଯାଏ। ଏହି ଆମ୍ବ କାହାକୁ ବା ପସନ୍ଦ ନୁହେଁ। ଗ୍ରୀଷ୍ମ ଆସିବା ମାତ୍ରେ ଲୋକମାନେ ନିଜ ପ୍ରିୟ ଆମ୍ବ ବଜାରରୁ ଆଣି ଉତ୍ସାହର ସହିତ ଖାଆନ୍ତି। ଆମ୍ବ କେବଳ ସ୍ୱାଦରେ ଉତ୍କୃଷ୍ଟ ନୁହେଁ ବରଂ ସ୍ୱାସ୍ଥ୍ୟ ପାଇଁ ଏକ ଭଲ ଫଳ ​​ଭାବରେ ମଧ୍ୟ  ସ୍ୱୀକାର କରାଯାଏ। ଆମ୍ବର ବିଶେଷତ୍ୱ ​​ହେଉଛି, ବଜାରରେ ଏହାର ଅନେକ କିସମର ମିଳିଥାଏ। ତେବେ ସେ ସବୁ ଭିତରେ ଚାହିଦା ଥିବା ଆମ୍ବ ଗୁଡିକ ହେଲା ଚୌସା, ଦୋଶରୀ, ତୋଟାପୁରୀ, ଆମ୍ରପଲ୍ଲୀ ଇତ୍ୟାଦି।

ସବୁ ବୟସର ଲୋକମାନେ ଏହାକୁ ଉତ୍ସାହର ସହିତ ଖାଆନ୍ତି। ଏଥିରେ ଭିଟାମିନ୍, ମିନେରାଲ୍ସ, ଆଇରନ୍ ପରି ଅନେକ ଉପାଦାନ ରହିଥାଏ, ଯାହା ଆମର ରୋଗ ପ୍ରତିରୋଧକ ଶକ୍ତି ବଢାଇଥାଏ। କିନ୍ତୁ ଯଦି ଏହା ଅଧିକ ଖିଆଯାଏ, ତେବେ ଏହା ଆମ ଶରୀର ଉପରେ ପାର୍ଶ୍ୱ ପ୍ରତିକ୍ରିୟା ପକେ‍ଇପାରେ। ମେଡିକାଲ୍ ନ୍ୟୁଟ୍ ଟୁଡେ ଅନୁଯାୟୀ, ଯଦି ଅଧିକ ମାତ୍ରାରେ ଆମ୍ବ ଖିଆଯାଏ, ତେବେ ଉଚ୍ଚ କୋଲେଷ୍ଟ୍ରଲ୍, ମେଦବହୁଳତା ଏବଂ ମଧୁମେହ ଭଳି ସମସ୍ୟାର ସମ୍ମୁଖୀନ ହେବାକୁ ପଡିପାରେ।

ଏହା ସହିତ ଯଦି ଆପଣ ଆବଶ୍ୟକତାଠାରୁ ଅଧିକ ଆମ୍ବ ଖାଆନ୍ତି, ତେବେ ଏହା ଆପଣଙ୍କ ଓଜନ ବୃଦ୍ଧି କରିଥାଏ। ବାସ୍ତବରେ ଆମ୍ବରେ କ୍ୟାଲୋରୀ ପରିମାଣ ବହୁତ ଅଧିକ। ଯଦି ଆପଣ ଅଧିକ ପରିମାଣର ଆମ୍ବ ଖାଉଛନ୍ତି ତେବେ କିଛି କଥା ନାହିଁ, କିନ୍ତୁ ପ୍ରତିଦିନ ଏହି କ୍ୟାଲୋରୀକୁ ଆପଣଙ୍କୁ ବର୍ଣ୍ଣ କରିବାକୁ ପଡିବ। ଏହା ହେଲେ  ଆପଣ ଓଜନ ବୃଦ୍ଧି ହେବ ନାହିଁ। ଯଦି ଆପଣଙ୍କର ସେମିତି କିଛି କାମ ନାହିଁ, ଆପଣ କୌଣସି ପ୍ରକାର ବ୍ୟାୟାମ କରୁ ନାହାନ୍ତି, କେବଳ ବସି ବସି ଆମ୍ବ ଖାଉଛନ୍ତି, ତେବେ ଏହା ନିଶ୍ଚିତ ଭାବରେ ଆପଣଙ୍କ ଓଜନ ବଢାଇପାରେ।

ଅଧିକ ଆମ୍ବ ଖାଇବା ଦ୍ୱାରା ଶରୀରରେ ପିମ୍ପଲ୍ ସୃଷ୍ଟି ହୋଇପାରେ୍। କେବଳ ଏତିକି ନୁହେଁ, ଏହା ଆପଣଙ୍କ ଚେହେରାରେ ଦାଗ ମଧ୍ୟ ସୃଷ୍ଟି କରିପାର। ଆୟୁର୍ବେଦରେ କୁହାଯାଇଛି ଯେ ମିଠା ଫଳର ଅତ୍ୟଧିକ ସେବନ ହେତୁ ଚର୍ମରେ ବିରିବିରି ହୋଇ ଫଳି ଯିବାର ସମ୍ଭାବନା ରହିଛି। ଏନେଇ ଟିକିଏ ଭାବି ଚିନ୍ତି ଆମ୍ବ ଖାଆନ୍ତୁ।

ଆମ୍ବ ଏକ ଏଭଳି  ଫଳ, ଯେଉଁଥିରେ ପ୍ରଚୁର ପରିମାଣର ଫାଇବର ରହିଛି। ଏପରି ପରିସ୍ଥିତିରେ, ଯଦି ଆପଣ ଆବଶ୍ୟକତାଠାରୁ ଅଧିକ ଆମ୍ବ ଖାଉଛନ୍ତି, ତେବେ ଏହା ଆପଣଙ୍କ ହଜମ ପ୍ରକ୍ରିୟାକୁ ଆବଶ୍ୟକତାଠାରୁ ଅଧିକ ତ୍ୱରାନ୍ୱିତ କରିପାରେ, ଯାହା ଦ୍ୱାରା ଡାଇରିଆ ଭଳି ସମସ୍ୟା ଆରମ୍ଭ କରିପାରେ।

ଆମ୍ବ ଭିତରେ ଏକ ପ୍ରାକୃତିକ ମଧୁରତା ରହିଛି। ଏପରି ପରିସ୍ଥିତିରେ, ଯଦି ଆପଣ ଅଧିକ ପରିମାଣର ଆମ୍ବ ଖାଆନ୍ତି ତେବେ ଏହା ରକ୍ତରେ ସର୍କରା ସ୍ତର ବଢାଇପାରେ। ଯଦି ଆପଣ ଜଣେ ମଧୁମେହ ରୋଗୀ, ତେବେ ଡାକ୍ତରଙ୍କ ପରାମର୍ଶ ନ କରି ଆଦୌ ଆମ୍ବ ଖାଆନ୍ତୁ ନାହିଁ।

ଅନେକ ସମୟରେ ଆମ୍ବ ଖାଇବା ଦ୍ୱାରା ଲୋକମାନେ ଓଠରେ ଜ୍ୱଳନ ଭଳି ସମସ୍ୟା ଅନୁଭବ କରନ୍ତି। ଏହି ପରିପ୍ରେକ୍ଷୀରେ, ଆମ୍ବ ଖାଇବା ପୂର୍ବରୁ ପ୍ରିକସନ୍ ନେଇ ସଠିକ୍ ପରିମାଣର ଆମ୍ବ ଖାଆନ୍ତୁ।

ସକାଳେ ପ୍ରାପ୍ତ ଭୋଜନରେ କିମ୍ବା ମଧ୍ୟାହ୍ନ ଭୋଜନ ପରେ ଆମ୍ବ ଖାଇବାକୁ ଚେଷ୍ଟା କରନ୍ତୁ । ସକାଳେ ଆମ୍ବ ଖାଇବା ଦ୍ୱାରା ଆପଣ ଦିନସାରା ଶକ୍ତି ପାଇବେ। ଯଦି ଆପଣ ରାତ୍ରୀ ଭୋଜନ ପରେ ଆମ୍ବ ଖାଆନ୍ତି, ତେବେ ଆପଣଙ୍କ ନିଦରେ ପ୍ରଭାବିତ ହୋଇପାରେ ।