• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Pramod Behera

କରୋନା ସଂକ୍ରମଣର ଦ୍ୱିତୀୟ ଲହର ଅନେକ ସମସ୍ୟା ଓ ଆହ୍ଵାନ ଆଣି ଠିଆ କରିଛି। ଏହା ଦ୍ଵାରା ଲୋକମାନଙ୍କୁ ଠିକ୍ ଚିକିତ୍ସା ଯୋଗାଇବା ପାଇଁ ଚାପ ପଡିବା ସହିତ ଯଥା ଶୀଘ୍ର ଟୀକାକରଣ ପାଇଁ ମଧ୍ୟ ଚାପ ବଢିବାରେ ଲାଗିଛି। କେବଳ ଏତିକି ନୁହେଁ, ଭ୍ୟାକ୍ସିନର ଦୁଇଟି ଡୋଜ୍ ମଧ୍ୟରେ ପାର୍ଥକ୍ୟର ଆବଶ୍ୟକତାରୁ ମଧ୍ୟ ଅନେକ ସମସ୍ୟା ସୃଷ୍ଟି କରିଛି। ଏପରି ଅନେକ ଲୋକ ଅଛନ୍ତି ଯେଉଁମାନେ ଦ୍ୱିତୀୟ ଡୋଜ ପୂର୍ବରୁ ସଂକ୍ରମଣ ହୋଇଛନ୍ତି ଏବଂ ଦ୍ୱିତୀୟ ଡୋଜକୁ ହରେଇଛନ୍ତି। ଏନେଇ ଟିକାକୁ ନେଇ ସାଧାରଣରେ ଅନେକ ପ୍ରଶ୍ନ ଉଠୁଛି।

କେବଳ ଏତିକି ନୁହେଁ, କୋଭିଡ-୧୯ରୁ ଉଦ୍ଧାର ହୋଇଥିବା ଏବଂ ବର୍ତ୍ତମାନ ଟିକା ପାଇବାକୁ ଅପେକ୍ଷାରେ ଥିବା ଅନେକ ଲୋକଙ୍କ ଏହା ଜାଣି ନାହାଁନ୍ତି ଯେ ସେମାନେ କେବେ ଟିକା ପାଇବେ। ସବୁଠାରୁ ଅଧିକ ପଚରାଯାଉଥିବା ପ୍ରଶ୍ନ ହେଉଛି ଯଦି ଦୁଇଟି ଡୋଜ ମଧ୍ୟରେ କ୍ୟାଭିଡ ସଂକ୍ରମଣ ହୁଏ ତେବେ କଣ କରିବା ଉଚିତ ଏବଂ ଦ୍ୱିତୀୟ ଡୋଜ କେବେ ପ୍ରୟୋଗ କରାଯିବା ଉଚିତ।

ଆମେରିକାର ରୋଗ ନିୟନ୍ତ୍ରଣ ଏବଂ ନିରାକରଣ କେନ୍ଦ୍ର (ସିଡିସି) କହିଛି ଯେ ଯଦି ଜଣେ ବ୍ୟକ୍ତି କରୋନାରେ ସଂକ୍ରମିତ ହୁଅନ୍ତି, ତେବେ ସୁସ୍ଥ ହେବା ପରେ ସେମାନଙ୍କୁ ଯଥାଶୀଘ୍ର ଟିକା ଦିଆଯିବା ଉଚିତ। ଏଥି ସହିତ ବିଶ୍ଵ ସ୍ୱାସ୍ଥ୍ୟ ସଂଗଠନ କହିଛି ଯେ ଜଣେ ବ୍ୟକ୍ତି ଅନ୍ତତଃ ଛଅ ମାସ ଅପେକ୍ଷା କରିବା ଉଚିତ ଯାହା ଦ୍ଵାରା ତାଙ୍କ ଶରୀରରେ ଆଣ୍ଟିବଡି ରହିବାରେ ସଫଳ ହେବ। ଭାରତର ଅନେକ ଡାକ୍ତର ସୁସ୍ଥହେବା ଏବଂ ଟିକାକରଣ ମଧ୍ୟରେ ଏକ ସମୟ ଅବଧି ପାଇଁ ସୁପାରିଶ କରୁଛନ୍ତି। ତାଙ୍କ କହିବାନୁସାରେ, ଏହି ସମୟ ଏକରୁ ତିନି ମାସ ହେବା ଉଚିତ।

ସଂକ୍ରମଣରୁ ରୁଦ୍ଧାର ହେବା ଏବଂ ଟିକାକରଣ ମଧ୍ୟରେ ଥିବା ସମୟ ଅସଂକ୍ରମିତ ଲୋକଙ୍କୁ ପ୍ରଥମେ ଟିକାଦେବାର ସୁଯୋଗ ଦେବ ଏବଂ ସଂକ୍ରମଣରୁ ସୁସ୍ଥ ହେଉଥିବା ବ୍ୟକ୍ତିଙ୍କ ପ୍ରତିରୋଧ ପ୍ରଣାଳୀ ମଧ୍ୟ ଟିକାର କାମ କରିବା ନେଇ ପ୍ରସ୍ତୁତ ହୋଇଯିବ। ବେଲ୍ଲୁରର ଖ୍ରୀଷ୍ଟିଆନ ମେଡିକାଲ କଲେଜର ଡକ୍ଟର ଗଗନଦୀପ କାଙ୍ଗ ସ୍ପଷ୍ଟ କରିଛନ୍ତି ଯେ କୋଭିଡ ସଂକ୍ରମଣ ଗୋଟିଏ ପ୍ରକାରର ଟିକାକରଣ ପରି। ଲୋକମାନେ ସୁସ୍ଥ ହେବା ପରେ ଚାରିରୁ ଆଠ ସପ୍ତାହ ପର୍ଯ୍ୟନ୍ତ ଅପେକ୍ଷା କରିବା ଉଚିତ କାରଣ ସେମାନେ ପ୍ରାକୃତିକ ଭାବରେ ଆଣ୍ଟିବଡି ତିଆରି କରିନେଇଛନ୍ତି।

ସଂକ୍ରମଣ ସମୟରେ ଓ ସେଥିରୁ ମୁକ୍ତିହେବାର କିଛି ସମୟ ପରେ ବି ବ୍ୟକ୍ତିର ଶରୀର ସଂକ୍ରମଣ ଉପରେ ପ୍ରତିକ୍ରିୟା କରିପାରିବ କିନ୍ତୁ ଏପରି ପରିସ୍ଥିତିରେ ଟୀକାକରଣ ବ୍ୟର୍ଥ ହେବ। ବିଶ୍ୱ ସ୍ୱାସ୍ଥ୍ୟ ସଂଗଠନର ସୁପାରିଶ ଅନୁସାରେ ଛଅ ମାସ ଅପେକ୍ଷା କରିବାର କାରଣ ହେଉଛି ସଂକ୍ରମଣ ମଧ୍ୟ ଏକ ପ୍ରକାର ସୁରକ୍ଷା ଯୋଗାଇଥାଏ।

ଅଧିକାଂଶ ଲୋକଙ୍କ ପାଇଁ, ଏପରି ସଂକ୍ରମଣ ସାମାନ୍ୟ ପ୍ରଭାବ ପକେଇପାରେ। ଏହା ଟିକା ଏବଂ ସଂକ୍ରମଣ ମଧ୍ୟରେ ପାର୍ଥକ୍ୟ ଉପରେ ମଧ୍ୟ ନିର୍ଭର କରେ। ପ୍ରଥମ ଡୋଜର ଏକରୁ ତିନି ସପ୍ତାହ ମଧ୍ୟରେ ଯଦି ସଂକ୍ରମଣ ହୁଏ, ତେବେ ଟିକା ଅଧିକ ପ୍ରଭାବ ପକାଇବ ନାହିଁ, କିନ୍ତୁ ପ୍ରଥମ ଡୋଜର ତିନି ସପ୍ତାହ ପରେ ସଂକ୍ରମଣ କେବଳ ସାମାନ୍ୟ ପ୍ରଭାବ ପକାଇବ। ଏପରି ପରିସ୍ଥିତିରେ, ବ୍ୟକ୍ତି ସୁସ୍ଥ ହେବାର ଅତି କମରେ ଚାରି ସପ୍ତାହ ପରେ ଦ୍ଵିତୀୟ ଡୋଜ ନେବା ଉଚିତ।

ସଂକ୍ରମଣର ତିନି ସପ୍ତାହ ପରେ, IgG ଆଣ୍ଟିବଡି ଗଠନ ଆରମ୍ଭ କରେ ଯାହା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଏହା ଚାରିରୁ ଆଠ ସପ୍ତାହ ମଧ୍ୟରେ ଶିଖରରେ ପହଞ୍ଚେ ଏବଂ ପରେ ଧୀରେ ଧୀରେ ହ୍ରାସ ପାଇବାରେ ଲାଗେ। ସଂକ୍ରମଣକୁ ରୋକିବା ପାଇଁ IgG ଆଣ୍ଟିବଡି ବିଶେଷ କାମରେ ଆସେ। ଏହା ପ୍ରଥମ ଡୋଜ ଓ ସଂକ୍ରମଣରୁ ଆରମ୍ଭ ହୋଇଥାଏ। କିନ୍ତୁ ଏହା ନିଶ୍ଚିତ ଯେ ସୁସ୍ଥ ହେବା ପରେ ଟିକା ଏକ ବୁଷ୍ଟର ଭଳି କାମ କରେ।

ଯଦି ଦ୍ୱିତୀୟ ଡୋଜ ଠିକ୍ ସମୟରେ ପ୍ରୟୋଗ ହୋଇପାରି ନାହିଁ, ତେବେ ଏହା ଚିନ୍ତାର ବିଷୟ ନୁହେଁ। ଏହା କେବଳ ଆଣ୍ଟିବଡି ଗଠନକୁ ସାମାନ୍ୟ ପ୍ରତିହତ କରିବ କିନ୍ତୁ ଏହା ସୁରକ୍ଷାକୁ ନଷ୍ଟ କରିବ ନାହିଁ। ଦ୍ୱିତୀୟ ଡୋଜ୍ ଠିକ୍ ସମୟରେ ନ ନେବା ଅର୍ଥ ନୁହେଁ ଯେ ପ୍ରଥମ ଡୋଜ୍ ପୁନର୍ବାର ନେବାକୁ ହେବ। କିଛି ସପ୍ତାହର ବିଳମ୍ବ ଚଳିବ। ଯଦି ଏହା ଦୁଇ ବର୍ଷ ହୋଇଯାଏ, ତେବେ ପ୍ରଥମ ଡୋଜ୍ ନେବାକୁ ହେବ।

ଏହା ବ୍ୟତୀତ ଗର୍ଭବତୀ ମହିଳା, ଯେଉଁମାନେ ନିଜ ପିଲାମାନଙ୍କୁ କ୍ଷୀର ଖୁଆଉଛନ୍ତି ସେମାନଙ୍କ ପାଇଁ ଟିକା ନିରାପଦ ଅଟେ। ଏହିପରି ହଜାର ହଜାର ମହିଳା ଏହି ଟିକା ନେଇଛନ୍ତି ଏବଂ ସେମାନେ ନିରାପଦରେ ଅଛନ୍ତି। ଏହାର ଆଲର୍ଜି ପାଇଁ ଅନେକ ଲୋକ ଭୟଭୀତ। ଏହି ପରିପ୍ରେକ୍ଷୀରେ, ପରାମର୍ଶ ଦିଆଯାଇଛି ଯେ କେବଳ ସେହି ଲୋକମାନେ ଦ୍ଵିତୀୟ ଡୋଜ୍ ନେବେନି ଯେଉଁମାନଙ୍କର ପ୍ରଥମ ଡୋଜରେ ଆଲର୍ଜି ପ୍ରତିକ୍ରିୟା ଥିଲା। ବର୍ତ୍ତମାନ ପର୍ଯ୍ୟନ୍ତ କୌଣସି ପ୍ରକାରର ଆଲର୍ଜି ପାଇଁ ଟୀକାକରଣ କ୍ଷତି ହୋଇନାହିଁ। ଏହି ଟିକା ସମସ୍ତ ପ୍ରକାରର ଲୋକଙ୍କ ପାଇଁ ନିରାପଦ ଅଟେ।