ଆପଣ ବିବାହ କରୁଛନ୍ତି କି ? ଅଯଥା ଖର୍ଚ୍ଚାନ୍ତରୁ ମୁକ୍ତି ପାଇଁ ଏହି ୭ଟି ଟିପ୍ସକୁ ଆପଣାନ୍ତୁ

ସମସ୍ତଙ୍କ ଜୀବନରେ ସବୁଠୁ ବଡ଼ ଚିନ୍ତା ହୋଇଥାଏ , ବାହାଘର ଖର୍ଚ୍ଚର ବୋଝ । ଏହା ମଣିଷକୁ ଅର୍ଥଶୂନ୍ୟ କରିଦିଏ । ଯେତେ ଟଙ୍କା ସଂଚୟ କରି ରଖିଥିଲେ ବି ତାହା କମ୍‌ ପଡ଼ିଯାଏ । ଯଦି ଆପଣ ଏହି ସମୟରେ ଟିକେ ସାବଧାନ ହୋଇ ସବୁ ଆୟୋଜନ କରିବେ ତ ଆପଣଙ୍କ ଉପରେ ଅର୍ଥର ବୋଝ ବେଶୀ ପଡ଼ିବ ନାହିଁ । ଆସନ୍ତୁ ଜାଣିବା କେମିତି ବିବାହର ଇନଭେଷ୍ଟମେଣ୍ଟକୁ କମ୍‌ କରିପାରିବା।

୧ -ୱେଡିଂ ହଲ୍‌ର ବୁକିଂ କେତେବେଳେ କରିବେ ?  

ଶୀତ ଋତୁରେ ବିବାହ ଆରେଞ୍ଜମେଂଟ ପାଇଁ ଅଧିକ ଲୋକ ଗାର୍ଡେନ୍‌ ବଦଳରେ ମ୍ୟାରେଜ୍‌ ହଲ୍‌ରେ ବେଶୀ ପସନ୍ଦ କରନ୍ତି । କିନ୍ତୁ ବିବାହର ଠିକ୍‌ ପୂର୍ବରୁ ହଲ୍‌ ବୁକ୍ଂ କଲେ ଆପଣଙ୍କୁ ମହଙ୍ଗା ପଡିପାରେ । ଏଣୁ ବିବାହ ସିଜନ୍‌ ଆରମ୍ଭରୁ ବୁକିଂ କରିଥିଲେ ଆପଣ ଶସ୍ତାରେ ପାଇପାରିବେ ।

୨- ଲେହେଙ୍ଗା-ସେରୱାନି କିଣନ୍ତୁ ନାହିଁ –

ପ୍ରତି ବର–କନ୍ୟାଙ୍କର ଇଚ୍ଛା ଥାଏ ସେମାନଙ୍କର ବିବାହରେ ଟିକେ ସ୍ୱତନ୍ତ୍ର ଓ ଆକର୍ଷଣୀୟ ଦେଖାଯିବେ । ଏଥିପାଇଁ ଦାମୀ ବିବାହ ପୋଷାକ କିଣିବାରେ ଅର୍ଥ ଖର୍ଚ୍ଚ କରିଥାନ୍ତି । ହେଲେ ଏହି ପୋଷାକ କେବଳ ଥରେ ହିଁ ସେହି ସମୟରେ ପିନ୍ଧାଯାଇଥାଏ । ଏହାପରେ ବିଶେଷ ବ୍ୟବହାରରେ ଆସିନଥାଏ । ଏଣୁ ବିବାହ ପାଇଁ ପୋଷାକରେ ଅଧିକ ଟଙ୍କା ଖର୍ଚ୍ଚ ନକରି , ଭଡ଼ାରେ ପୋଷାକ ଆଣିବା ବୁଦ୍ଧିମାନର କାମ ହେବ ।

୩- ଭଡ଼ାରେ ଗହଣା ଆଣନ୍ତୁ  –

ପୋଷାକ ପରି ଆପଣ ଗହଣା ମଧ୍ୟ ଭଡ଼ାରେ ଆଣିପାରିବେ । ବିଶ୍ୱାସ କରିବେ ଯେ, ବିବାହ ପାଇଁ ମିଳୁଥିବା ସ୍ୱତନ୍ତ୍ର ଧରଣର କୃତ୍ରିମ ଗହଣା ବିଲକୁଲ୍‌ ଅସଲି ଭଳି ଲାଗିବ । ଭଡ଼ାରେ ଗହଣା ଆଣିଲେ ଖର୍ଚ୍ଚ ମଧ୍ୟ କମିଯିବ । ଆଉ ଅଯଥା ସୁନା ଗହଣା ଚିନ୍ତାରୁ ମୁକ୍ତି ପାଇପାରିବେ ।

୪- ୱେଡିଂ ପ୍ଲାନରଙ୍କ ସହ ଯୋଗାଯୋଗ କରନ୍ତୁ  –

ବିବାହ ପାଇଁ ଡେକୋରେସନ , କ୍ୟାଟରିଂ, ବିବାହ ସ୍ଥାନ, ଡିଜେ ଓ ମେକ୍‌ଅପ୍‌ ମ୍ୟାନ୍‌ଙ୍କ ପାଇଁ ୱେଡିଂ ପ୍ଲାନରଙ୍କ ସହ କଥାବାର୍ତ୍ତା ହୋଇଯିବା ଭଲ । ୱେଡିଂ ପ୍ଲାନର ଆପଣଙ୍କ ବଜେଟ୍‌ ଅନୁସାରେ ହିଁ ସବୁ ବ୍ୟବସ୍ଥା କରିଦେବେ ଏବଂ ବିବାହ ପାଇଁ ଆବଶ୍ୟକୀୟ ଜିନିଷର ଦାମ୍‌ ବିଷୟରେ ମଧ୍ୟ ସେ ଅବଗତ କରିଦେବେ ।

୫- ଡିଜିଟାଲ୍‌ କାର୍ଡର ଟ୍ରେଣ୍ଡ –

ବିବାହରେ ମହଙ୍ଗା ଇନଭିଟେସନ କାର୍ଡ ବଦଳରେ ଡିଜିଟାଲ କାର୍ଡ ବନାନ୍ତୁ  ଏବଂ ତାକୁ ବନ୍ଧୁ ଓ ସଂପର୍କୀୟଙ୍କୁ ଦିଅନ୍ତୁ । ଆଉ ଆଜିକାଲି ମଧ୍ୟ ଏହାର ଚାହିଦା ବେଶୀ । ଯଦି ଆପଣ କାର୍ଡ ଛାପିବାକୁ ଚାହୁଁଛନ୍ତି ତ ନିଜର କିଛି ସ୍ପେଶାଲ ଗେଷ୍ଟଙ୍କ ଏକ ତାଲିକା କରି , ସେ ଅନୁସାରେ କାର୍ଡ ଛପାନ୍ତୁ ।

 ୬- ବିବାହ ଋତୁ ଅନୁସାରେ ବ୍ୟଞ୍ଜନ ବନାନ୍ତୁ –

ଯଦି ଆପଣ ଶୀତରେ ବିବାହ କରୁଛନ୍ତି ତ ଏହି ସମୟରେ ଯେଉଁ ଖାଦ୍ୟ ଉପଯୋଗୀ ନୁହେଁ , ତାକୁ ଦୂରେଇ ଦିଅନ୍ତୁ। ଯଦି ଏହି ପରି ଭାବେ ଆପଣ ୪/୫ଟି ଆଇଟମକୁ କମ୍‌ କରିଦେବେ ତ ଆପଣଙ୍କର ଖର୍ଚ୍ଚ କମ୍‌ ହୋଇଯିବ ।

୭- ମେକ୍‌ଅପ୍‌ କିଟ୍‌ ନିଜେ ଆଣନ୍ତୁ –

କନ୍ୟାର ମେକଅପ୍‌ ପାଇଁ ମେକ୍‌ଅପ୍‌ ଆର୍ଟିଷ୍ଟର ସାହାଯ୍ୟ ନିଅନ୍ତୁ। କିନ୍ତୁ ଯେଉଁ ମେକ୍‌ଅପ୍‌ ଆର୍ଟିଷ୍ଟ ନିଜର ମେକଅପ୍‌ ଜିନିଷ ସହ କନ୍ୟାକୁ ମେକ୍‌ଅପ୍‌ କରିବେ , ଦୁଇଗୁଣା ଅର୍ଥ ଦାବି କରିବେ । ଏଣୁ ମେକ୍‌ଅପ୍‌ ଜିନିଷକୁ ନିଜେ ଯୋଗାଡ଼ କରିଲେ ଆପଣଙ୍କର ଖର୍ଚ୍ଚ କମିଯିବ ।

ଆହୁରି ପଢ଼ନ୍ତୁ

କରୋନା ସଂକ୍ରମିତ ବ୍ୟକ୍ତିଙ୍କ ମସ୍ତିଷ୍କକୁ ପ୍ରଭାବିତ କରୁଛି ଭୂତାଣୁ !

କୋଟିଏ ଟଙ୍କାର ଦାମୀ କାର୍‌ ଜାଳିଦେଲେ ୟୁଟ୍ୟୁବର, ଭିଡିଓ ଭାଇରାଲ

ମୁଦି ତିଆରି କରି ବିଶ୍ୱ ରେକର୍ଡ କଲେ ବ୍ୟବସାୟୀ

ବିନା କୋଚିଂରେ ନିଟ୍‌ରେ ଓଡିଶାର ଦ୍ୱିତୀୟ ଟପ୍ପର ହେଲେ ଅମିତ୍‌

୩ ବର୍ଷ ହେଲା ପଡୋଶୀ ଘରେ କଟୁଛି ଜୀବନ

ନିଜ ଖର୍ଚ୍ଚରେ ଶିକ୍ଷକ ଶିକ୍ଷୟିତ୍ରୀ ତିଆରି କରୁଛନ୍ତି ପାଠ୍ୟ ଉପକରଣ

ପଞ୍ଚକ ଭାଇ ଭଉଣୀଙ୍କ କାହାଣୀ: ଏକାଠି ଜନ୍ମ ହେଇଥିଲେ ଏବେ ଏକାଠି କରୁଛନ୍ତି ବିବାହ

ଜହ୍ନରେ ମିଳିଲା ପାଣିର ସନ୍ଧାନ

ଗଞ୍ଜାମ ଭଞ୍ଜନଗରରେ ଆଉ ଜଣେ ‘ବାବା କା ଢାବା’ର କାହାଣୀ

କୋଟିଏରୁ ଅଧିକ ଟଙ୍କାରେ ସଜ୍ଜିତ ହୋଇଛନ୍ତି ପରମେଶ୍ୱରୀ ଦେବୀ

ବୁଲା କୁକୁରଙ୍କ ପ୍ରେମରେ ବନ୍ଧା ସସ୍ମିତା

ରାସ୍ତା କଡର ମଣିଷଙ୍କୁ ଖିଅର କରୁଛନ୍ତି, ଗାଧୋଇ ଦେଉଛନ୍ତି ଶିକ୍ଷିତ ଯୁବଗୋଷ୍ଠୀ

You might also like