• translate
Mihir Pattnayak

ଶ୍ରୀମନ୍ଦିର ପରମ୍ପରାରେ ଆଜ୍ଞାମାଳ ପ୍ରସଙ୍ଗଟି ଆପଣ ଅନେକ ଖବର କାଗଜ ଓ ବୈଦୁତିକ ଗଣମାଧ୍ୟମରେ ପଢିଥିବେ ଆଉ ଶୁଣିଥିବେ। କିନ୍ତୁ ଆଜି ଏହି ପ୍ରସଙ୍ଗରେ ମୁଁ ରୋଚକ କାଥାଟିଏ ଆପଣଙ୍କୁ କହିବି।

ପ୍ରଥମେ ଜାଣିବା ଆଜ୍ଞାମାଳ କଣ?
ବାସ୍ତବରେ ଶ୍ରୀଜିଉଙ୍କ ଅଧର ଚୁମ୍ବିତ ମାଳ ବା ଅଧର ମାଳ ହିଁ ହେଉଛି ଆଜ୍ଞାମାଳ। କୌଣସି ନୀତି ପାଇଁ ମହାପ୍ରଭୁଙ୍କ ପ୍ରତିନିଧି ସ୍ୱରୂପ ଅର୍ଚ୍ଚା ବିଗ୍ରହ ବା ଚଳନ୍ତି ପ୍ରତିମା ବାହାର ବିଜେ କଲେ ଶ୍ରୀଜିଉଙ୍କ ଶ୍ରୀଅଙ୍ଗ ଲାଗି ଆଜ୍ଞାମାଳ ଦିଆ ଯାଇଥାଏ। ରଥ ଦକ୍ଷିଣ ମୋଡ଼ ଅଥବା ପ୍ରତିଷ୍ଠା ପାଇଁ, ପ୍ରିୟ ଭକ୍ତ ହନୁମାନଙ୍କ ଜୟନ୍ତୀରେ ଶ୍ରୀକ୍ଷେତ୍ରରେ ବିରାଜିତ ହନୁମାନଙ୍କ ପାଇଁ ଏହି ଆଜ୍ଞାମାଳ ବାହାର ବିଜେ କରନ୍ତି।

ହେଲେ ଜାଣି ଆଶ୍ଚର୍ଯ୍ୟ ଆଉ କୃତାର୍ଥ ହେବେ ଯେ ସାହିଯାତ ସମୟରେ ଗୋଟିଏ ଆଜ୍ଞାମାଳ ରାବଣଙ୍କ ଉଦ୍ଦେଶ୍ୟରେ ଅର୍ପିତ ହୋଇଥାଏ।

କେଡେ ଆଶ୍ଚର୍ଯ୍ୟ କଥା ଚିନ୍ତା କରନ୍ତୁ । ଗୋଟିଏ ଦୃଷ୍ଟିରେ ଜଗନ୍ନାଥ ସ୍ୱୟଂ ଶ୍ରୀରାମ। ଏଣୁ ଜଗନ୍ନାଥ ବଲ୍ଲଭକୁ ବିଜେ କରିବାକୁ ଦକ୍ଷିଣ ଘରେ ପୂଜିତ ରାମ ଲକ୍ଷ୍ମଣଙ୍କୁ ଆଜ୍ଞାମାଳ ମିଳେ। ଅପର ପକ୍ଷେ ରାବଣ ହୋଇ ନୀତି ସମ୍ପାଦିତ କରିବାକୁ ଯାଉଥିବା ସେବକ ମଧ୍ୟ ମହାପ୍ରଭୁଙ୍କୁ ଯୁଦ୍ଧରେ ବିଜୟୀ ହେବାକୁ ପ୍ରାର୍ଥନା କରନ୍ତି। ଆଉ ରାମରୂପୀ କାଳିଆ ଠାକୁର ତାଙ୍କୁ ମଧ୍ୟ ରତ୍ନସିଂହାସନ ଛୁଆଁଇ ଆଜ୍ଞାମାଳଟିଏ ଦିଅନ୍ତି।

ନିଜ ଅଭିନୟରେ ଯେଉଁ ପ୍ରଭୁଙ୍କୁ ସେ କୁଭାଷାରେ ସମ୍ଭାଷଣ କରନ୍ତି ସେହି ପ୍ରଭୁ ତାଙ୍କୁ ଆଜ୍ଞାମାଳ ଦେଇ ଅନୁଗୃହିତ କରିଥାନ୍ତି। ଏହା ହିଁ ଉତ୍କଳୀୟ ସଂସ୍କୃତିର ମହନୀୟତା ପ୍ରତିପାଦିତ କରେ। ଆମେ ଯେ ଗୋଟିଏ ପ୍ରଶାସକଙ୍କ ଦ୍ୱାରା ପ୍ରତିପାଳିତ ହେଉଛେ ଆଉ ସେ ହେଉଛନ୍ତି ଶ୍ରୀ ଜଗନ୍ନାଥ ମହାପ୍ରଭୁ, ଏହା ହିଁ ଏଥିରୁ ସ୍ପଷ୍ଟ ହୁଏ। ପ୍ରଭୁ ପାଖରେ ଶତ୍ରୁ ମିତ୍ରର ଭେଦ ଅବା କଣ ଯେ। କେବଳ କର୍ମ ସମ୍ପାଦନ ପାଇଁ ତ କିଏ ଏଠି ରାବଣ ତ କିଏ ରାମ।
ଏଥର ବରଗଡ଼ ଧନୁଯାତ୍ରା କଥା ଦେଖିବା। ଏଠି ମହାରାଜା କଂସଙ୍କୁ ଆଜ୍ଞାମାଳ ମିଳେନାହିଁ ସତ କିନ୍ତୁ ଯାତ୍ରା ସାରି କଂସ ମହାରାଜ ବି ଧାଇଁ ଆସନ୍ତି ଶ୍ରୀକ୍ଷେତ୍ର।

ମହୋଦଧିରେ ବୁଡ଼ ମାରି କାଳିଆକୁ କୁହନ୍ତି:
"ହେ ମାହାପ୍ରୁ...
ମୁଇଁ ସେଇ କଂସ୍ ଆଏ...
ଯିଏ କାଏଲ୍ ତତେ ଗାଏଲ୍ ଦେଉଥିଲା...
ଆରୁ ଆଏଜ୍ ତୁମର୍ ପାହା ତଲେ ପଡ଼ୁଛେ... "
ଦେଖିଲେ ତ କି ଆତ୍ମୀୟତା ଏ ଜାତିର ନିଜ ପ୍ରଭୁ ପାଇଁ।
କାଳିଆ କୁହେ : ମୋ ପାଖେ ବଡ଼ ସାନ, ମିତ୍ର ଶତ୍ରୁ ସବୁ ସମାନ।

ସେଇଥିପାଇଁ ତ ପ୍ରତିବର୍ଷ ମୋ ଆଜ୍ଞାମାଳ ରାବଣ ବେକରେ ପଡେ ଆଉ ମାମୁଁ ଧାଇଁଆସେ ବରଗଡ଼ରୁ, ଖାସ ମୋରି ପାଇଁ, ମୋ ପ୍ରେମରେ ପଡି। ହେ ମୋ ପ୍ରିୟ ସୃଷ୍ଟି ମୋ ଚିନ୍ତା ଆଉ ତୁମ ସମର୍ପଣ ହିଁ ମୋ ତରଫରୁ ତୁମ ସଭିଙ୍କ ପାଇଁ #ଆଜ୍ଞାମାଳ।

Other Stories

  • Drain Mishap in Bhubaneswar
    Odisha ଜଳ ନିଷ୍କାସନ ନଳାରେ ଭାସିଯାଉଛି ଜୀବନ!

    ସତେ ଯେମିତି ଡ୍ରେନ୍‌ ମୁକୁଳା ରଖିବା ହେଉଛି ସହର ଯୋଜନାର ଅଂଶବିଶେଷ! ଆଉ ପ୍ରତି ବର୍ଷ ମରାମତି ଆଳରେ ଡ୍ରେନରେ ଲକ୍ଷଲକ୍ଷ ଟଙ୍କା ଭସେଇଦେବା ମଧ୍ୟ ବିଏମସିର ଏକ ସେବା!

  • Nuakhai
    Nuakhai Celebration ନୂଆଖାଇ ଜୁହାର ଭେଟ: ମଣିଷ ସଭ୍ୟତାର ଉଦ୍ଭାବନର ଉତ୍ସବ

    ଗଡ଼ଜାତ ଶାସନ ସମୟରେ ନୂଆଖାଇ ପର୍ବର ପାଳନ ପଦ୍ଧତିରେ କିଛି ନୂତନ ନିୟମ କାନୁନ ଲାଗୁହେଇଛି। ସେଗୁଡ଼ିକ କେତେ ଯୁକ୍ତିଯୁକ୍ତ ତାହା ଅଞ୍ଚଳବାସୀ ବିଚାର କରିବେ। ଲେଖକଙ୍କ ଉଦ୍ଦେଶ୍ୟ ହେଲା ପଶ୍ଚିମାଞ୍ଚଳ ଆଦିବାସୀଙ୍କ ବିଶେଷ ଜ୍ଞାନରୁ ଜନ୍ମ...

  • Court
    Law ଆଇନର ଶାସନ ଓ ଦଳୀୟ ଅମଲାତନ୍ତ୍ର

    ୨୦୨୧ ଅଗଷ୍ଟ ୨୬ ତାରିଖରେ ଗୋଟିଏ ମାମଲାର ଶୁଣାଣି କରି ସୁପ୍ରିମ କୋର୍ଟ ଯେଉଁ ମନ୍ତବ୍ୟ ଦେଇଛନ୍ତି ତାହା ଓଡ଼ିଶା ସମେତ ଭାରତର ଅନ୍ୟ ସମସ୍ତ ପ୍ରଦେଶ ତଥା କେନ୍ଦ୍ର ସରକାରଙ୍କ ଅଧୀନରେ କାର୍ଯ୍ୟ କରୁଥିବା ସମସ୍ତ...

  • Pegasus Politics
    Pegasus Politics ପେଗାସସ୍ - ଏକ ପ୍ରଶ୍ନବାଚୀ

    ପେଗାସସ୍‌, ଏହା ଏକ ସ୍ପାଇୱେୟାର । ଏହା ଏମିତି ଏକ ସ୍ପାଇୱେୟାର, ଯାହା ଦ୍ୱାରା ଲୋକମାନଙ୍କର ଫୋନ୍‌ ନମ୍ବର ମାଧ୍ୟମରେ ଫୋନ୍‌ରେ ଥିବା ସମସ୍ତ ତଥ୍ୟ ଚୋରେଇ ନିଆଯାଇପାରିବ ।