• translate
Mihir Pattnayak

ଆଚାର୍ଯ୍ୟ ଶଙ୍କର। ସୌମ୍ୟ ସୁଦର୍ଶନ ଯୁବ ସନ୍ନ୍ୟାସୀ। ଗୌରୀକ ବସ୍ତ୍ରରେ ପବିତ୍ର କାଶୀ ନଗରୀରେ ବୁଲୁବୁଲୁ ହଠାତ୍ ଦୃଶ୍ୟ ହୁଅନ୍ତି ଜଣେ ଚଣ୍ଡାଳ। ଦେହରେ ଭସ୍ମ, ସାଥିରେ ସ୍ଵାନ ଶିଶୁଙ୍କ ସହ ଉଭା ହୁଅନ୍ତି ସିଏ। ବଡ ବିବତ୍ସ ତାଙ୍କ ରୂପ। ଯାହାକୁ ଦେଖି ସାଥିରେ ଥିବା ସନ୍ନ୍ୟାସୀ ଓ ବିଦ୍ୱାନମାନେ, ଚଣ୍ଡାଳଙ୍କୁ ପଥରୁ ଅପସରି ଯିବାପାଇଁ କୁହନ୍ତି। ଆଚାର୍ଯ୍ୟ ଶଙ୍କରଙ୍କୁ ଚାହାନ୍ତି ଚଣ୍ଡାଳ। ହସିଦିଅନ୍ତି ଆଉ ନୀରବ ନିଶ୍ଚଳ ହୋଇ ଛିଡା ହୋଇ ରୁହନ୍ତି।

ଶଙ୍କରଙ୍କ ମୁଖକୁ ନ ଅନାଇ ପ୍ରଶ୍ନ କରନ୍ତି।

‘‘ଚଣ୍ଡାଳର ସଂଜ୍ଞା କ’ଣ, କହିପାରିବେ ?’’

‘‘ଯେ, ସ୍ଵୟଂ କିଛି ନୁହେଁ, ଅନ୍ୟ ଦ୍ୱାରା ପ୍ରତିପାଳିତ। ସେ ହିଁ ଚଣ୍ଡାଳ।’’- କହିଲେ ଶଙ୍କର।

ତେବେ ମୁଁ ଯଦି ଚଣ୍ଡାଳ ତୁମେ କ’ଣ ଆଚାର୍ଯ୍ୟ ?

ଚଣ୍ଡାଳଙ୍କ ଏହି ପ୍ରଶ୍ନରେ ଅବାକ୍ ହୋଇଗଲେ ଶଙ୍କର, ଭଗବତପାଦ୍ ଶଙ୍କରାଚାର୍ଯ୍ୟ।

‘‘ସମଗ୍ର ସଂସାର ଅନ୍ନର ଦାସ। ସେ ହିଁ ଶରୀରକୁ ଉର୍ଜା ଦିଏ। ତା’ ବିନା ଜୀବ, ଜୀବ ନୁହେଁ। ଅତଃ ମୁଁ ତାର ଦାସ, ମୁଁ ଚଣ୍ଡାଳ ଆଉ ତୁମେ ! ଉତ୍ତର ଦିଅ ଆଚାର୍ଯ୍ୟ ?’’

ଚଣ୍ଡାଳଙ୍କ ପ୍ରଶ୍ନ ଶୁଣି ତା’ଙ୍କ ପାଦତଳେ ପଡିଗଲେ ଶଙ୍କର। ଜୀବନର ଅର୍ଥ ଆଉ ଜାତିବାଦର କୁତ୍ସିତ ମାନସିକତାର ଜ୍ଞାନ ତାଙ୍କୁ ଅଭିଭୂତ କଲା। ଚଣ୍ଡାଳ ଯେ, ସ୍ଵୟଂ ଶଙ୍କର, ଏ କଥା ଜାଣିବାକୁ ବାକି ରହିଲାନି।

.....

୯ମ ଶତାଦ୍ଦୀରେ ଉତ୍କଳ ଆଗମନ କଲେ ଶଙ୍କରାଚାର୍ଯ୍ୟ। ଅନ୍ନର ପ୍ରସିଦ୍ଧ କ୍ଷେତ୍ର ଶିକ୍ଷେତ୍ରରେ ପଦାର୍ପଣ ପରେ ଅନ୍ନବ୍ରହ୍ମଙ୍କ ମହତ୍ୱ ପ୍ରତିପାଦନ ପାଇଁ ଆରମ୍ଭ କଲେ ବ୍ୟବସ୍ଥା। ମହାପ୍ରଭୁଙ୍କୁ ପୁନଃ ସଂସ୍ଥାପନ(ସୋନପୁରରେ ପାତାଳି ହୋଇଥିଲେ ମହାପ୍ରଭୁ) ପରେ ଶ୍ରୀକ୍ଷେତ୍ରରେ ଗଢାହେଲା ଭୋଗ ମଣ୍ଡପ।

ଯେଉଁଠାରେ ମହାପ୍ରଭୁଙ୍କ ପାଇଁ ଅତିରିକ୍ତ ପ୍ରସାଦର ବ୍ୟବସ୍ଥା ହୁଏ। ଶ୍ରୀକ୍ଷେତ୍ରକୁ ଆସୁଥିବା ସଂଖ୍ୟାଧିକ ଶ୍ରଦ୍ଧାଳୁ ଯେପରି ଖାଲି ପେଟର ନ ଫେରନ୍ତି ତାହା ଥିଲା ତାଙ୍କ ମୁଖ୍ୟ ଉଦ୍ଦେଶ୍ୟ। ଆଉ ଭୋଗ ବଢାଇଥିବାରୁ ବା ଅନ୍ନ ବର୍ଦ୍ଧନ ବ୍ୟବସ୍ଥା ହୋଇଥିବାରୁ ଶଙ୍କର ନିଜ ଶିଷ୍ୟ ପଦ୍ମପାଦଙ୍କୁ ଅବସ୍ଥାପିତ କରି ଗଢନ୍ତି ଭୋଗବର୍ଦ୍ଧନ ବା ଗୋବର୍ଦ୍ଧନ ମଠ।

ଅନ୍ନବ୍ରହ୍ମ ଆଉ ଚଣ୍ଡାଳ ଏକାକାର ହୁଅନ୍ତି ଏଇଠି। ବ୍ରହ୍ମଙ୍କ ପାଖରେ ଜାତି ନ ଥାଏ ଆଉ ଅନ୍ନ ବିନା ଜୀବନର ମାନେ କିଛି ନୁହେଁ ଏ କଥା ଛତ୍ରେ ଛତ୍ରେ ପ୍ରତିପାଦିତ ହୁଏ ଆମ ପ୍ରିୟ ଉତ୍କଳ ମାଟିରେ।

Other Stories

  • Drain Mishap in Bhubaneswar
    Odisha ଜଳ ନିଷ୍କାସନ ନଳାରେ ଭାସିଯାଉଛି ଜୀବନ!

    ସତେ ଯେମିତି ଡ୍ରେନ୍‌ ମୁକୁଳା ରଖିବା ହେଉଛି ସହର ଯୋଜନାର ଅଂଶବିଶେଷ! ଆଉ ପ୍ରତି ବର୍ଷ ମରାମତି ଆଳରେ ଡ୍ରେନରେ ଲକ୍ଷଲକ୍ଷ ଟଙ୍କା ଭସେଇଦେବା ମଧ୍ୟ ବିଏମସିର ଏକ ସେବା!

  • Nuakhai
    Nuakhai Celebration ନୂଆଖାଇ ଜୁହାର ଭେଟ: ମଣିଷ ସଭ୍ୟତାର ଉଦ୍ଭାବନର ଉତ୍ସବ

    ଗଡ଼ଜାତ ଶାସନ ସମୟରେ ନୂଆଖାଇ ପର୍ବର ପାଳନ ପଦ୍ଧତିରେ କିଛି ନୂତନ ନିୟମ କାନୁନ ଲାଗୁହେଇଛି। ସେଗୁଡ଼ିକ କେତେ ଯୁକ୍ତିଯୁକ୍ତ ତାହା ଅଞ୍ଚଳବାସୀ ବିଚାର କରିବେ। ଲେଖକଙ୍କ ଉଦ୍ଦେଶ୍ୟ ହେଲା ପଶ୍ଚିମାଞ୍ଚଳ ଆଦିବାସୀଙ୍କ ବିଶେଷ ଜ୍ଞାନରୁ ଜନ୍ମ...

  • Court
    Law ଆଇନର ଶାସନ ଓ ଦଳୀୟ ଅମଲାତନ୍ତ୍ର

    ୨୦୨୧ ଅଗଷ୍ଟ ୨୬ ତାରିଖରେ ଗୋଟିଏ ମାମଲାର ଶୁଣାଣି କରି ସୁପ୍ରିମ କୋର୍ଟ ଯେଉଁ ମନ୍ତବ୍ୟ ଦେଇଛନ୍ତି ତାହା ଓଡ଼ିଶା ସମେତ ଭାରତର ଅନ୍ୟ ସମସ୍ତ ପ୍ରଦେଶ ତଥା କେନ୍ଦ୍ର ସରକାରଙ୍କ ଅଧୀନରେ କାର୍ଯ୍ୟ କରୁଥିବା ସମସ୍ତ...

  • Pegasus Politics
    Pegasus Politics ପେଗାସସ୍ - ଏକ ପ୍ରଶ୍ନବାଚୀ

    ପେଗାସସ୍‌, ଏହା ଏକ ସ୍ପାଇୱେୟାର । ଏହା ଏମିତି ଏକ ସ୍ପାଇୱେୟାର, ଯାହା ଦ୍ୱାରା ଲୋକମାନଙ୍କର ଫୋନ୍‌ ନମ୍ବର ମାଧ୍ୟମରେ ଫୋନ୍‌ରେ ଥିବା ସମସ୍ତ ତଥ୍ୟ ଚୋରେଇ ନିଆଯାଇପାରିବ ।