ଶ୍ରେଷ୍ଠ ଟେଲି ଧାରାବାହିକ ସହିତ ୫ ପୁରସ୍କାର ହାତେଇଲା ତରଙ୍ଗର ‘ନୂଆ ବୋହୂ’

ଭୁବନେଶ୍ୱର: ଓଡିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ପକ୍ଷରୁ ଷଷ୍ଠ ରାଜ୍ୟ ଓଡ଼ିଆ ଟେଲି ପୁରସ୍କାର ପ୍ରଦାନ ଉତ୍ସବ ଅନୁଷ୍ଠିତ ହୋଇଛି। ଏଥିରେ ଶ୍ରେଷ୍ଠ ଟେଲି ଫିଲ୍ମ ପାଇଁ ‘ରଗଡ଼ା’କୁ ପୁରସ୍କୃତ କରାଯାଇଛି। ସେହିଭଳି ନିରୁପାୟ ପାଇଁ ସାରଦା ପ୍ରସନ୍ନ ସ୍ୱାଇଁଙ୍କୁ ଶ୍ରେଷ୍ଠ ଟେଲି ଫିଲ୍ମ ନିର୍ଦ୍ଦେଶକ ପୁରସ୍କାର ମିଳିଛି।

ସେହିଭଳି ତରଙ୍ଗ ଚ୍ୟାନେଲରେ ପ୍ରସାରିତ ଲୋକପ୍ରିୟ ସିରିଏଲ ନୂଆବୋହୂକୁ ଶ୍ରେଷ୍ଠ ଟେଲି ଧାରାବାହିକ ପୁରସ୍କାର ହାତେଇଛି। ଏହା ସହିତ  ଶ୍ରେଷ୍ଠ ଅଭିନେତା, ଶ୍ରେଷ୍ଠ ଅଭିନେତ୍ରୀ, ଶ୍ରେଷ୍ଠ ଖଳନାୟକ ଓ ଶ୍ରେଷ୍ଠ କାହାଣୀ ପାଇଁ ନୂଆବୋହୂ ଧାରାବାହିକକୁ ମିଳିଛି ୫ଟି ପୁରସ୍କାର। ତେବେ ସର୍ବାଧିକ ପୁରସ୍କାର ପାଇଛି ଏହି ଟେଲି ଧାରାବାହିକ।

ଏହାସହିତ ଶ୍ରେଷ୍ଠ ଚରିତ୍ର ଅଭିନେତା, ସଂଳାପ ଲେଖକ, ସଂପାଦନା,ଚିତ୍ରନାଟ୍ୟ, ଶିଶୁ କଳାକାର ପ୍ରଭୃତି ୨୦ ଟି ବିଭାଗରେ ପୁରସ୍କାର ପ୍ରଦାନ କରାଯାଇଛି। ଚଳଚିତ୍ର ଭଳି ଟେଲି କଳାକାରମାନଙ୍କୁ ପ୍ରୋତ୍ସାହିତ କରିବା ଉଦେଶ୍ୟରେ ରାଜ୍ୟ ସରକାର ୬ ବର୍ଷ ହେଲା ଏହି ପୁରସ୍କାର ଉତ୍ସବର ଆୟୋଜନ କରୁଛନ୍ତି।

You might also like