ସୁପ୍ରିମକୋର୍ଟରେ ଅଭିଯୋଗ ଆଣିଲେ ଓକିଲ-ସୁଶାନ୍ତଙ୍କୁ ହତ୍ୟା କରାଯାଇଛି

ମୁମ୍ବାଇ: ଅଭିନେତା ସୁଶାନ୍ତ ସିଂ ରାଜପୁତଙ୍କୁ ହତ୍ୟା କରାଯାଇଛି। ସୁଶାନ୍ତଙ୍କ ବେକରେ ଥିବା ଚିହ୍ନ ଏ ଦିଗକୁ ଇସାରା କରିଛି। ସୁପ୍ରିମକୋର୍ଟରେ ଏନେଇ ଜଣାଇଛନ୍ତି ସୁଶାନ୍ତଙ୍କ ବାପାଙ୍କ ଓକିଲ ବିକାଶ ସିଂ।

ପ୍ରଥମ ଥର ପାଇଁ କୋର୍ଟରେ ସୁଶାନ୍ତଙ୍କ ମୃତ୍ୟୁ ମାମଲାକୁ ନେଇ ବଡ଼ ତଥ୍ୟ ରଖାଯାଇଛି। ସୁଶାନ୍ତଙ୍କ ମୃତ୍ୟୁ ପରେ ତାଙ୍କ ଭଉଣୀ ମିତୁ ପହଞ୍ଚିଥିଲେ। ହେଲେ ସେତେବେଳକୁ ମୃତଦେହ ତଳେ ରଖାଯାଇଥିଲା। ଝୁଲନ୍ତା ଅବସ୍ଥାରେ ସୁଶାନ୍ତଙ୍କ ମୃତଦେହକୁ କିଏ ଦେଖିଛି ତାକୁ ନେଇ ପ୍ରଶ୍ନ ଉଠିଛି।

ମୁମ୍ବାଇ ପୋଲିସ୍ ମାମଲାକୁ ନେଇ ସଠିକ୍ ତଦନ୍ତ କରିନି। ମାମଲାରେ ଆଦିତ୍ୟ ଠାକରେଙ୍କ ନାଁ ଚର୍ଚ୍ଚା ହେଉଥିବାରୁ ଏହାର ସିବିଆଇ ତଦନ୍ତ ଜରୁରୀ ବୋଲି ସୁପ୍ରିମକୋର୍ଟଙ୍କୁ ଜଣାଯାଇଛି। ଏହି ମାମଲାରେ ସୁଶାନ୍ତଙ୍କ ବାପାଙ୍କ ଓକିଲ, ରିୟା, ବିହାର ପୋଲିସ୍, ମହାରାଷ୍ଟ୍ର ସରକାର ଏବଂ ସିବିଆଇ ପକ୍ଷଙ୍କୁ ଆଜି ସୁଦ୍ଧା ରିପୋର୍ଟ ଦେବାକୁ କୁହାଯାଇଛି। ଆସନ୍ତାକାଲି ମାମଲାର ଶୁଣାଣି ହେବ। ଏହି ମାମଲାରେ ସିବିଆଇ ନା ମୁମ୍ବାଇ ପୋଲିସ୍ ତଦନ୍ତ କରିବ ସେ ନେଇ କୋର୍ଟ କାଲି ଶୁଣାଣି କରିବେ।

You might also like