ସୁଶାନ୍ତ ସିଂ ଆତ୍ମହତ୍ୟା ଘଟଣା: ଥାନାରେ ହାଜରେ ହେଲେ ସଞ୍ଜୟ ଲୀଲା ଭଂସାଲି

ମୁମ୍ବାଇ: ଅଭିନେତା ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ଘଟଣାରେ ଏକ ଭିନ୍ନ ମୋଡ଼ ନେଇଛି। ଏହି ଘଟଣାରେ ଫିଲ୍ମ ନିର୍ମାତା ତଥା ନିର୍ଦ୍ଦେଶକ ସଞ୍ଜୟ ଲୀଲା ଭଂସାଲି ଆଜି ବାନ୍ଦ୍ରା ପୁଲିସ୍‌ ଷ୍ଟେସନରେ ହାଜର ହୋଇଛନ୍ତି।

ସଞ୍ଜୟ ଥାନାରେ ହାଜର ହେବା ପରେ ବାନ୍ଦ୍ରା ପୁଲିସ୍‌ ତାଙ୍କ ବୟାନ ରେକର୍ଡ କରିଛି। ସୁଶାନ୍ତ ମାନସିକ ଅବସାଦଗ୍ରସ୍ତ ଥିଲେ କି ନାହିଁ, ସେ ସମ୍ପର୍କରେ ତାଙ୍କୁ ଜେରା କରାଯାଇଥିବା ସୂଚନା ମିଳିଛି।

ସୁଶାନ୍ତଙ୍କ ଆତ୍ମହତ୍ୟା ଘଟଣାରେ ସଞ୍ଜୟଙ୍କୁ ମିଶାଇ ୨୯ ଜଣ ଲୋକଙ୍କୁ ଜେରା କରିଛି ମୁମ୍ବାଇ ପୁଲିସ୍‌।

ପୂର୍ବରୁ ୟଶରାଜ ଫିଲ୍ମର କାଷ୍ଟିଂ ଡାଇରେକ୍ଟର ଶାନୋ ଶର୍ମାଙ୍କୁ ମଧ୍ୟ ପୁଲିସ୍‌ ପଚରାଉଚରା କରି ସାରିଛି।ୟଶରାଜ ଫିଲ୍ମର କିଛି ଚଳଚ୍ଚିତ୍ର ପାଇଁ ସୁଶାନ୍ତ ଚୁକ୍ତି କରିଥିଲା। ହେଲେ ପରେ ଏହାକୁ ବାତିଲ କରିଥିବା ନେଇ ଖବର ଆସିଥିଲା,  ଯାହାକୁ ନେଇ ବିଷାଦରେ ଥିଲେ ସୁଶାନ୍ତ।  ସେଥିପାଇଁ ସେ ଆତ୍ମହତ୍ୟା କରିଥିବା ଚର୍ଚ୍ଚା ଜୋର ଧରିଥିଲା। ଏହାପୂର୍ବରୁ ସୁଶାନ୍ତଙ୍କ ଗର୍ଲଫ୍ରେଣ୍ଡ୍ ରିୟା ଚକ୍ରବର୍ତ୍ତୀଙ୍କୁ ମଧ୍ୟ ଜେରା କରିଥିଲା ପୁଲିସ୍‌।

ଗତ ଜୁନ୍ ୧୪ ତାରିଖରେ ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ଘଟିଥିଲା। ମୁମ୍ବାଇ ସ୍ଥିତ ଫ୍ଲାଟ୍‌ରେ ସୁଶାନ୍ତଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଥିଲା। ମୃତ୍ୟୁ ରହସ୍ୟ ନେଇ ପୁଲିସ୍‌ ଏବେ ଖୋଳତାଡ଼ ଚଳାଇଛି।

You might also like