ରାତିରେ ହୋଟେଲ୍‌ରେ ଏ କ’ଣ କରୁଛନ୍ତି ଶିଳ୍ପା !

ମୁମ୍ୱାଇ: ବଲିଉଡ୍‌ ଅଭିନେତ୍ରୀ ଶିଳ୍ପା ସେଟ୍ଟି ତାଙ୍କ ଇନ୍‌ଷ୍ଟାଗ୍ରାମ୍‌ ଆକାଉଣ୍ଟରେ ଗୋଟିଏ ଭିଡିଓ ଶେଆର୍‌ କରି ଟ୍ରୋଲର ଶିକାର ହୋଇଛନ୍ତି। ସୋଶାଲ୍‌ ମିଡିଆ ୟୁଜରମାନେ ତାଙ୍କୁ ନିନ୍ଦା କରିବା ସହିତ ବିଭିନ୍ନ ଖରାପ ପ୍ରତିକ୍ରିୟା ଦେଇ ଟ୍ରୋଲ୍‌ କରୁଛନ୍ତି।

ଏହି ଭିଡିଓରେ ଶିଳ୍ପା ଏକ ପାର୍ଟିରେ ପ୍ଲେଟ୍ ଭାଙ୍ଗି ତାଙ୍କ ସାଙ୍ଗମାନଙ୍କ ସହିତ ଡ୍ୟାନ୍ସ କରୁଛନ୍ତି। ତାଙ୍କର କିଛି ସାଥୀ ଭଙ୍ଗା ପ୍ଲେଟ୍ ଉପରେ ନାଚ କରୁଥିବା ବେଳେ ଆଉ କିଛି ସାଥୀ ପ୍ଲେଟ୍ ଫୋପାଡ଼ି ଭାଙ୍ଗୁ ଥିବାର ଦେଖିବାକୁ ମିଳିଛି। ଏପରିକି ଶିଳ୍ପା ମଧ୍ୟ ପ୍ଲେଟ୍ ଭାଙ୍ଗୁ ଥିବା ଦେଖିବାକୁ ମିଳିଛି।

ଭିଡିଓଟିକୁ ଶେଆର୍‌ କରି ଶିଳ୍ପା ଲେଖିଛନ୍ତି, “ପ୍ଲେଟ୍‌ ଭାଙ୍ଗନ୍ତୁ ଓ ଏଗୁଡ଼ିକୁ ଧୋଇବା ଚିନ୍ତାରୁ ମୁକ୍ତି ପାଆନ୍ତୁ। ପାର୍ଟିରେ ବହୁତ ଏନଜୟ କଲି। ଏହା ଏକ ପରଫେକ୍ଟ ନାଇଟ୍‌ ଥିଲା। ପ୍ଲେଟ୍‌ଗୁଡ଼ିକୁ ଭାଙ୍ଗି ସବୁ ନକାରାତ୍ମକ ଚିନ୍ତାକୁ ଦୂର କରିବାର ଏହା ଏକ ବଢ଼ିଆ ଉପାୟ।”

ଶିଳ୍ପାଙ୍କର ଏହି ଭିଡିଓ ଭାଇରାଲ୍‌ ହେବା ପରେ ୟୁଜର୍ସ ତାଙ୍କୁ ସମାଲୋଚନା କରି ପ୍ଲେଟ୍‌ ନ ଭାଙ୍ଗିବା ପାଇଁ ପରାମର୍ଶ ଦେଇଛନ୍ତି। ଜଣେ ୟୁଜର ଲେଖିଛନ୍ତି, ‘ଲୋକ ପ୍ଲେଟ୍‌ ସାଇତି କରି ରଖୁଛନ୍ତି, କିନ୍ତୁ ଏମାନଙ୍କୁ ଦେଖ…’

ଅନ୍ୟ ଜଣେ ୟୁଜର ଲେଖିଛନ୍ତି, ‘ଏମିତି କରି ଯେଉଁମାନେ ପ୍ଲେଟ୍ ତିଆରି କରୁଛନ୍ତି, ସେମାନଙ୍କୁ ଅସମ୍ମାନ କରାଯାଉଛି। ଲାଜ ଲାଗିବା କଥା।’ ସେହିପରି ଆଉ ଜଣେ ୟୁଜର ଲେଖିଛନ୍ତି, ‘ବହୁତ ପଇସା ଅଛି ନା। ପ୍ଲେଟ୍‌ ଭାଙ୍ଗିବା ଏମାନଙ୍କ ପାଇଁ ବହୁତ ସହଜ। ସେହି ଲୋକଙ୍କୁ ପଚାରନ୍ତୁ, ଯେଉଁମାନେ ଗୋଟିଏ ପ୍ଲେଟ କିଣି ପାରୁନାହାନ୍ତି।’

ଏପରିକି ଜଣେ ୟୁଜର ଏ ଭିଡିଓ ଦେଖିବା ପରେ ଶିଳ୍ପାଙ୍କ ଯୋଗ ପୋଷ୍ଟକୁ ନେଇ ପ୍ରଶ୍ନ ଉଠାଇଛନ୍ତି। ସେ କହିଛନ୍ତି, ‘ତୁମେ ଜାଣିନ କେତେ ନଷ୍ଟ କରିଛ। କିଛି ଭଲ କରନ୍ତୁ। ଦିନରେ ଯୋଗ କରୁଛ ଓ ରାତିରେ ଏପରି ସମ୍ପତ୍ତି ନଷ୍ଟ କରୁଛ। ତୁମେ ବହୁତ ଶସ୍ତା। ଲାଜ ଲାଗିବା କଥା।’

ସୂଚନାଯୋଗ୍ୟ, ବର୍ତ୍ତମାନ ଶିଳ୍ପା ‘ନିକ୍କମା’ ଫିଲ୍ମର ଶୁଟିଂ କରୁଛନ୍ତି। ଫିଲ୍ମଟି କେବେ ରିଲିଜ୍‌ ହେବ, ସେ ନେଇ କୌଣସି ସ୍ପଷ୍ଟ ସୂଚନା ମିଳିନାହିଁ।

 

ଆହୁରି ପଢ଼ନ୍ତୁ

ବଲିଉଡ୍‌ର ଏହି ଅଭିନେତ୍ରୀଙ୍କ ସ୍ୱାମୀଙ୍କୁ ବିବାହ କରିବାକୁ ଚାହୁଁଥିଲେ ପରିଣୀତି

ସଂସ୍କୃତ ଶ୍ଲୋକ ଟ୍ୱିଟ୍‌ କଲେ ହଲିଉଡ୍‌ ଷ୍ଟାର୍; ଏବେ ଭାଇରାଲ୍

ଗହଣା ବିକି ଚଳୁଛନ୍ତି ଏହି ଅଭିନେତ୍ରୀ, ଜାଣନ୍ତି କାହିଁକି ?

ହାତ ଯୋଡ଼ି କ୍ଷମା ମାଗିଲେ ବିଗ୍‌ ବି

ବହି ଧରି ଗାନ୍ଧୀଙ୍କ କଥା ଏମିତି ପଢ଼ିଲେ ବଲିଉଡ୍‌ ଷ୍ଟାର୍‌; ଭିଡିଓ ଶେୟାର୍‌ କଲେ ପିଏମ୍‌

ଇଣ୍ଡିଆନ୍‌ ଆଇଡଲ୍‌-୧୧ରେ ଓଡ଼ିଆ ପ୍ରତିଯୋଗୀ ଜଗାର ହଙ୍ଗାମା; ଡାଲି ଭାତ ଖୁଆଇଲେ ଜଜ୍‌

ଶାହରୁଖ୍‌ ଓ ଆମିର ଖାନ୍‌ଙ୍କୁ ଭେଟିଲେ ପ୍ରଧାନମନ୍ତ୍ରୀ ମୋଦୀ

ପୁଣି ଫସିଲା ‘ବାଲା’ !

ପ୍ରଧାନମନ୍ତ୍ରୀଙ୍କୁ ଖୁସି କରିଦେଲେ ଏହି ଅଭିନେତ୍ରୀଙ୍କ ପୁଅ

ଟ୍ରେନ୍‌ ଭିତରେ ଚଢ଼ିଛନ୍ତି ବଲିଉଡ୍ କଳାକାର ଅକ୍ଷୟ କୁମାର, ରିତେଶ ଦେଶ୍‌ମୁଖ, ବବି ଦେଓଲ ଓ ଅନ୍ୟ ହିରୋଇନ୍

‘ସୋଲମେଟ ଫର ଏଭର’-ମାଧୁରୀଙ୍କ ଏ ରୋମାଣ୍ଟିକ ମେସେଜ୍‌ କାହାପାଇଁ

୩ ଦିନ ହେଲା ହସ୍ପିଟାଲରେ ଅମିତାଭ ବଚ୍ଚନ

You might also like