ସଲ୍‌ମାନ୍‌ଙ୍କ ସହ ରୋମାନ୍ସ କରିପାରନ୍ତି ନୀଳ ନୟନା

ମୁମ୍ବାଇ: ଦୀର୍ଘ ୨୦ ବର୍ଷ ପରେ ସଲ୍‌ମାନ୍‌ ଖାନ୍‌ ଓ ସଞ୍ଜୟଲୀଲା ଭଂଶାଲୀ ଏକ ରୋମାଣ୍ଟିକ୍‌ ପ୍ରୋଜେକ୍ଟରେ  ଏକାଠି କାମ କରିବାକୁ ଯାଉଛନ୍ତି। ଏହାର ନାଁ ‘ହମ୍‌ ଦିଲ୍‌ ଦେ ଚୁକେ ସନମ୍‌ -୨’ ରହିବ ବୋଲି ଚର୍ଚ୍ଚା ହେଉଛି। କିନ୍ତୁ ଏନେଇ ବିଧିବଦ୍ଧ ଭାବେ ଉଭୟ କିଛି ଘୋଷଣା କରିନାହାନ୍ତି।

ଏହାଠାରୁ ବଡ଼ କଥା ହେଲା ଫିଲ୍ମରେ ସଲ୍‌ମନ୍‌ ତାଙ୍କ ଏକ୍ସ ଗର୍ଲଫ୍ରେଣ୍ଡଙ୍କ ସହ ଫିଲ୍ମରେ ରୋମାନ୍ସ କରିବେ ବୋଲି ଜଣାପଡ଼ିଛି। ଏହି ଏକ୍ସ ଗର୍ଲଫ୍ରେଣ୍ଡ କିଏ ଜାଣିଛନ୍ତି କି ? ଶୁଣିବାକୁ ମିଳୁଛି ଏଥିରେ ନୀଳ ନୟନା ଐଶ୍ଵର୍ଯ୍ୟା ରାୟ ବଚ୍ଚନ କାମ କରିପାରନ୍ତି। ତେବେ ତାଙ୍କ ନାଁ ଚୂଡ଼ାନ୍ତି ହୋଇନାହିଁ।

ପିଙ୍କଭିଲା ରିପୋର୍ଟ ମୁତାବକ ସଲ୍‌ମାନା ଏହି ଫିଲ୍ମରେ ନିଜ ଅପୋଜିଟ୍‌ରେ  କ୍ୟାଟ୍ରିନାଙ୍କୁ ନେବାକୁ ଚାହୁଛନ୍ତି। ହେଲେ ଭଂଶାଲୀ କିଛି ଅଲଗା ଚାହୁଁଛନ୍ତି। ଏକଥା ଶୁଣି ସମସ୍ତେ ଭାବୁଥିବେ ସେ ବୋଧେ ଏହି ଫିଲ୍ମରେ ଦୀପିକା ପାଦୁକୋନଙ୍କୁ ନେବାକୁ ଚାହୁଁଛନ୍ତି। କାରଣ ଭଂଶାଲୀଙ୍କ ଦୀପିକା  ଅନେକ ଫିଲ୍ମରେ କାମ କରିସାରିଛନ୍ତି। ଯାହା ବକ୍ସ ଅଫିସ୍‌ରେ ସଫଳ ବି ହୋଇଛି। କିନ୍ତୁ ସେମିତି ନୁହେଁ। ଭଂଶାଲୀ ଏବେ କିଛି ଅଲଗା ଚାହୁଁଛନ୍ତି।

ଚର୍ଚ୍ଚା ହେଉଛି କି ଭଂଶାଲୀ ଏହି ପ୍ରୋଜେକ୍ଟ ପାଇଁ  ଐଶ୍ଵର୍ଯ୍ୟାଙ୍କୁ ନେବାକୁ ଚାହୁଁଛନ୍ତି। ସେଥିପାଇଁ ସେ ତାଙ୍କୁ ମନେଇବାକୁ ଚେଷ୍ଟା କରୁଛନ୍ତି।

ପୂର୍ବରୁ ଏମିତି ବି ଖବର ଆସୁଥିଲା ଯେ ଭଂଶାଲୀ ଏହି ପ୍ରୋଜେକ୍ଟ ପାଇଁ ସଲ୍‌ମାନ୍‌ ପ୍ରଥମେ ଅନୁଷ୍କାଙ୍କ ନାଁ ନେଇଥିଲେ।

ଏହାଛଡ଼ା ପୂର୍ବରୁ ଏହି ଫିଲ୍ମ ପାଇଁ ଆଲିଆ ଓ ଜାହ୍ନବୀଙ୍କ ନାଁ ବି ବିଚାରକୁ ନିଆ ଯାଇଥିଲା। କିନ୍ତୁ ସଲ୍‌ମାନ୍‌ଙ୍କ ସାମ୍ନାରେ ଏମାନେ ଖୁବ୍ ୟଙ୍ଗ୍‌ ଲାଗିବେ ବୋଲି ଭଂଶାଲୀ ଅନ୍ୟ ଅଭିନେତ୍ରୀ ସନ୍ଧାନରେ ଅଛନ୍ତି।

ଅନ୍ୟପଟେ ଏହି ଫିଲ୍ମରେ ସଲ୍‌ମାନ୍‌ଙ୍କ ସହ ପ୍ରିୟଙ୍କା ଚୋପ୍ରାଙ୍କୁ ନେବା ସମ୍ଭବ ହୋଇପାରେ। କାରଣ ପ୍ରିୟଙ୍କା ନିକଟରେ କଫି ଉଇଥ୍‌ କରନ୍‌ ସିଜିନ୍‌-୬ରେ କିଛିଟା ଇସାରା କରିଥିଲେ। ସେ କହିଥିଲେ- କୌଣସି ପ୍ରୋଜେକ୍ଟ ପାଇଁ ସେ ଭିଶାଲ୍‌ ଭରଦ୍ଵାଜ୍‌ ଓ ଭଂଶାଲୀ ସହ କଥାବାର୍ତ୍ତା ହେଉଛନ୍ତି। ତେଣୁ ସେଥିରୁ ଯାହା ଅନୁମାନ୍‌ କରାଯାଉଛି ପ୍ରିୟଙ୍କା ବୋଧେ ଭଂଶାଲୀଙ୍କ ଏହି ରୋମାଣ୍ଟକ୍‌ ପ୍ରୋଜେକ୍ଟରେ କାମ କରିପାରନ୍ତି।

You might also like