ଛୋଟ ପରଦାକୁ ଫେରିଲେ ରେଖା! ଦେଖନ୍ତୁ ଭିଡ଼ିଓ

ମୁମ୍ବାଇ: ବଲିଉଡ୍‌ ଅଭିନେତ୍ରୀ ରେଖା ଦେଖିବାକୁ ଯେତେ ସୁନ୍ଦର, ତାଠୁ ଅଧିକ ଚମତ୍କାର ତାଙ୍କର ଅଭିନୟ। ରେଖାଙ୍କ ଗ୍ଲାମରସ୍‌ ଆନ୍ଦାଜ୍‌ ଦେଖିଲେ ଲାଗେ ଯେମିତି ବୟସ ତାଙ୍କ ପାଖେ ହାର୍‌ ମାନିଯାଇଛି। ବଡ ପରଦାରେ ଅନେକ ହିଟ୍‌ ଫିଲ୍ମ ଦେଇ ଲୋକଙ୍କୁ ମନୋରଞ୍ଜନ କରିଥିବା ରେଖାଙ୍କ ଝଲକ୍‌ ଏବେ ଛୋଟ ପରଦାରେ ଦେଖିବାକୁ ମିଳିଛି। ଷ୍ଟାର୍‌ ପ୍ଲସ୍‌ରେ ତାଙ୍କର ଏକ ପ୍ରମୋ ରିଲିଜ୍‌ ହୋଇଛି। ଯେଉଁଥିରେ ରେଖା ସୁନେଲି ରଙ୍ଗର ଶାଢୀ, କାନରେ ବଡ ଝୁମ୍‌କା ଲଗାଇ ଧାରାବାହିକ ‘ଗୁମ୍‌ ହୈ କିସିକେ ପ୍ୟାର୍‌ ମେଁରେ ବିଷୟରେ କହୁଥିବା ନଜର ଆସିଛନ୍ତି।

ରେଖା ଏହି ପ୍ରମୋରେ ‘ଗୁମ୍‌ ହୈ କିସି କେ ପ୍ୟାର୍‌ ମେଁ’ ଗାଉଛନ୍ତି। ଏଥିସହ ଏହି ଧାରାବାହିକରେ ଅଭିନୟ କରୁଥିବା କଳାକାରଙ୍କ ଚରିତ୍ର କଣ ରହିବ ସେ ବିଷୟରେ ସଂକ୍ଷେପରେ ଜଣାଇଛନ୍ତି। ତେବେ ରେଖାଙ୍କୁ ଛୋଟ ପରଦାରେ ଦେଖି ଉତ୍ସାହିତ ଥିବା ଦର୍ଶକ ରେଖା ସିରିଏଲ୍‌ରେ ମଧ୍ୟ ନଜର ଆସିବେ ବୋଲି ଦ୍ୱନ୍ଦ୍ୱରେ ରହୁଥିବା ବେଳେ ଜଣାଇଦେଉଛୁ ଯେ, ରେଖା କେବଳ ପ୍ରମୋ ଶୁଟ୍‌ କରିଛନ୍ତି। ଆଗକୁ ସେ ଏହି ଧାରାବାହିକ ଅଂଶ ରହିବେ ନାହିଁ ବୋଲି ସୂଚନା ମିଳିଛି।

ସୂଚନାଯୋଗ୍ୟ, ୧୮୦ରୁ ଉର୍ଦ୍ଧ୍ୱ ଫିଲ୍ମରେ କାମ କରିଛନ୍ତି ରେଖା। ଏଲାନ୍‌, ଦୋସ୍ତ ଔର ଦୁସ୍‌ମନ୍‌, ଜମିନ୍‌ ଆସମାନ୍‌, ସଜା, ଗୋରା ଔର କାଲା, ଏକ୍‌ ବିଚାରା, ଦୋ ୟାର୍‌, ମେହେମାନ୍‌, ଖୁନ୍‌ ଖୁନ୍‌ ଆଦି ଫିଲ୍ମରେ କାମ କରିଛନ୍ତି ରେଖା।

 

 

 

You might also like