କରୋନା ମୁକାବିଲା ପାଇଁ ସହାୟତାର ହାତ ବଢାଇଲେ ଶିଳ୍ପା ଓ ରାଜ

ଭୁବନେଶ୍ୱର: କରୋନା ଭାଇରସ ବିରୋଧରେ ଚାଲିଥିବା ଲଢ଼େଇ ପାଇଁ  ଦେଶବାସୀଙ୍କୁ ସହାୟତା ଓ ସରକାରଙ୍କୁ ସାହାଯ୍ୟ ପାଇଁ ଆଗେଇ ଆସିଛନ୍ତି ବଲିଉଡର ବହୁ କଳାକର। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ୱାରା ଖୋଲାଯାଇଥିବା ’ପିଏମ୍‌-କେୟାରସ୍‌ ଫଣ୍ଡ’ କୁ ସେମାନେ ଦାନ କରୁଛନ୍ତି। ଅନ୍ୟମାନଙ୍କ ପରି ଅଭିନେତ୍ରୀ ଶିଳ୍ପା ଶେଟ୍ଟୀ ଏବଂ ରାଜ କୁନ୍ଦ୍ରା ମଧ୍ୟ ପିଏମ୍‌-କେୟାରସ୍‌ ଫଣ୍ଡକୁ  ୨୧ ଲକ୍ଷଟଙ୍କା ଦାନ କରିଛନ୍ତି।

ଶିଳ୍ପା ଶେଟ୍ଟୀ କହିଛନ୍ତି ଯେ, ମାନବିକତାର ଦୃଷ୍ଟିକୋଣରୁ, ଏପରି ସଙ୍କଟ ସମୟେର ଆମ ଦେଶ ଓ ନାଗରିକ ଆମଠାରୁ କିଛି ଆଶା କରନ୍ତି।  ପ୍ରଧାନମନ୍ତ୍ରୀଙ୍କ ଫଣ୍ଡକୁ ୨୧ଲକ୍ଷ ଟଙ୍କା ଦାନ କରିଛୁ। ସମୁଦ୍ରର ପ୍ରତିଟି  ବୁନ୍ଦା ଜଳର ମୂଲ୍ୟ ରହିଛି ବୋଲି ଶିଳ୍ପା ଶେଟ୍ଟୀ କହିଛନ୍ତି । ତେଣୁ ସମସ୍ତଙ୍କୁ ସହାୟତାର ହାତ ବଢାଇବା ପାଇଁ ଶିଳ୍ପା ଅନୁରୋଧ କରୁଛନ୍ତି ।

ଏହା ପୂର୍ବରୁ ଅକ୍ଷୟ କୁମାର, ରାଜକୁମାର ରାଓ, ସଲମାନ ଖାନ, ହ୍ରିତିକ ରୋଶନ, ତାପସୀ ପନ୍ନୁ, ବରୁଣ ଧାୱନ ମଧ୍ୟ ପ୍ରଧାନମନ୍ତ୍ରୀଙ୍କ ରିଲିଫ ପାଣ୍ଠିକୁ ଅର୍ଥ ପ୍ରଦାନ କରିଛନ୍ତି। ଅକ୍ଷୟ କୁମାର ୨୫ କୋଟି ଦାନ କରିଛନ୍ତି, ଯାହାକି ସବୁଠାରୁ ଅଧିକ।

You might also like