କାଲି ରିଲିଜ୍‌ ହେବ ବାବୁସାନଙ୍କ ନୂଆ ମୁଭି ମିଷ୍ଟର ମଜନୁ

ଭୁବନେଶ୍ୱର: ଆସନ୍ତାକାଲି ପରଦାକୁ ଆସୁଛି ବାବୁସାନଙ୍କ ନୂଆ ମୁଭି ‘ମିଷ୍ଟର ମଜନୁ।’ ପୂଜା ବଜାରରେ ଓଡ଼ିଆ ଦର୍ଶକଙ୍କୁ ଭରପୁର ମନୋରଞ୍ଜନ ଦେବାକୁ ତରଙ୍ଗ ସିନେ ପ୍ରଡକ୍ସନ୍ସର ଫିଲ୍ମ ମିଷ୍ଟର୍ ମଜନୁ କାଲି ରିଲିଜ୍ ହେଉଛି।

ଏ ଫିଲ୍ମରେ ନାୟକ ବାବୁସାନଙ୍କ ବିପକ୍ଷରେ ୩ ଜଣ ନାୟିକା ଅଛନ୍ତି। ସୁରମୟୀ, ଶିତଲ, ଦିବ୍ୟାଙ୍କ ସହ ତ୍ରିକୋଣୀୟ ପ୍ରେମିକ ଭୂମିକାରେ ଅବତୀର୍ଣ୍ଣ ହେଉଛନ୍ତି ବାବୁସାନ୍।

ହାଇଡ୍ରାମା ସାଙ୍ଗକୁ ଫିଲ୍ମରେ କମେଡିର ଡବଲ୍ ତଡ଼କା ଲଗାଇଛନ୍ତି ମିହିର ଦାସ। ସେହିଭଳି ଖଳନାୟକ ଭୂମିକାରେ ଆସୁଛନ୍ତି ରାଇମୋହନ ପରିଡ଼ା।

ଅଶୋକ ପତିଙ୍କ ନିର୍ଦ୍ଦେଶିତ ଏ ଫିଲ୍ମର ସଙ୍ଗୀତ ସଜାଇଛନ୍ତି ମେଲୋଡ଼ି କିଙ୍ଗ୍ ଅଭିଜିତ୍ ମଜୁମଦାର। ରିଲିଜ୍ ପୂର୍ବରୁ ଫିଲ୍ମର ଗୀତଗୁଡ଼ିକୁ ଶ୍ରୋତାଙ୍କ ମନକୁ ବେଶ୍ ଛୁଇଁ ପାରିଛି। ପ୍ରସିଦ୍ଧ ରଙ୍ଗବତୀ ଗୀତକୁ ଏ ଫିଲ୍ମରେ ନୂଆ ଷ୍ଟାଇଲରେ ପରସିଛନ୍ତି ଅଭିଜିତ୍। ସେହିଭଳି ଉଠିଗଲା ଧାରା ୩୭୦ଭଳି ଡ୍ୟାନ୍ସ ନମ୍ବରକୁ ସିନେପ୍ରମୀ ପସନ୍ଦ କରିଛନ୍ତି।

You might also like