ରିଲିଜ୍ ହେଲା ମଣିକର୍ଣ୍ଣିକା ‘ଦି କ୍ୱିନ୍ ଅଫ୍ ଝାନ୍‌ସୀ’ ଓ ଠାକ୍‌ରେ

ମୁମ୍ବାଇ: ପରଦାକୁ ଆସିଛି ବହୁ ପ୍ରତୀକ୍ଷିତ ଚଳଚ୍ଚିତ୍ର ମଣିକର୍ଣ୍ଣିକା ‘ଦି କ୍ୱିନ୍ ଅଫ୍ ଝାନ୍‌ସୀ’। ଏହି ଫିଲ୍ମରେ କଙ୍ଗନା ରାଣାୱାତ ମୁଖ୍ୟ ଭୂମିକାରେ ଅଭିନୟ କରିଛନ୍ତି। ଏଥିସହିତ ଅଙ୍କିତା ଲୋଖାଣ୍ଡେ, ଅତୁଲ କୁଲକର୍ଣ୍ଣି, ସୁରେଶ ଓବରଏ ପ୍ରମୁଖ ମୁଖ୍ୟ ଭୂମିକାରେ ନଜର ଆସିଛନ୍ତି।

କଙ୍ଗନା ରାଣାୱତ ଓ କୃଷ୍ ମିଳିତ ଭାବେ ଏହି ଚଳଚ୍ଚିତ୍ର ନିର୍ଦ୍ଦେଶନା ଦେଇଛନ୍ତି। ୨୨ ବର୍ଷ ବୟସରରେ ଝାନ୍‌ସୀକୁ ବଞ୍ଚାଇବା ପାଇଁ ଯୋଦ୍ଧା ଭାବେ ଆବିର୍ଭାବ ହୋଇଥିବା ଜଣେ ନାରୀ ଯୋଦ୍ଧାର କାହାଣୀ ହିଁ ଚଳଚ୍ଚିତ୍ରର କଥାବସ୍ତୁ।

କଙ୍ଗନାଙ୍କୁ ଏଥିରେ ଝାନସୀ ରାଣୀ ଲକ୍ଷ୍ମୀବାଈଙ୍କ ଭୂମିକାରେ ଦେଖିବାକୁ ମିଳିଛି। ଅନ୍ୟପଟେ ଏହାକୁ ଟକ୍କର ଦେଉଛି ବହୁ ପ୍ରତୀକ୍ଷିତ ଫିଲ୍ମ ‘ଠାକ୍‌ରେ’। ନିଚ୍ଛକ ଅଭିନୟ କରିବାରେ ମହାରଥ୍ ହାସଲ କରିଥିବା ନୱାଜୁଦ୍ଦିନ୍ ସିଦ୍ଦିକ୍ ଏଥିରେ ମୁଖ୍ୟ ଭୂମିକାରେ ଅଭିନୟ କରିଛନ୍ତି, ତାଙ୍କ ସହିତ ଅଛନ୍ତି ଅମ୍ରିତା ରାଓ। ଶିବସେନାର ମୁଖ୍ୟ ବାଲ୍ ଠାକ୍‌ରେଙ୍କ ଜୀବନ ଗାଥାକୁ ନେଇ ମୁକ୍ତିଲାଭ କରିଛି ଫିଲ୍ମ ଠାକ୍‌ରେ।

You might also like