ମହଙ୍ଗା ପଡ଼ିଲା କାଜଲଙ୍କୁ ଦେଖା କରିବା; ଠକିନେଲେ ୬୦ ଲକ୍ଷ

ମୁମ୍ବାଇ: ଫିଲ୍ମଷ୍ଟାର୍ ମାନଙ୍କ ପାଇଁ ସେମାନଙ୍କ ଫ୍ୟାନ୍‌ମାନେ କେତେ କ’ଣ ପାଗଳାମୀ କରି ବସନ୍ତି। ଏବେ ଏମିତି ଏକ ପାଗଳାମୀ କଥା ସାମ୍ନାକୁ ଆସିଛନ୍ତି। ଦକ୍ଷିଣ ଭାରତର ଲୋକପ୍ରିୟ ଅଭିନେତ୍ରୀ କାଜଲ ଅଗ୍ରୱାଲଙ୍କୁ ସାକ୍ଷାତ କରିବା ନିଶାରେ ଜଣେ ଯୁବକ ଠକେଇର ଶିକାର ହୋଇଛନ୍ତି। ତାଙ୍କର ୬୦ ଲକ୍ଷ ଟଙ୍କା ଚଳୁ ହୋଇଯାଇଛି।

ତାମିଲନାଡୁର ରାମନାଥପୁରମ୍‌ର ଏହି ଯୁବକ ଜଣଙ୍କ କାଜଲଙ୍କର ଜଣେ ବହୁତ ବଡ଼ ଫ୍ୟାନ୍‌। କାଜଲଙ୍କୁ ଭେଟିବା ପାଇଁ ତାଙ୍କର ଭାରି ଇଚ୍ଛା ଥିଲା। ଦିନେ ଏମିତି ଇଣ୍ଟରନେଟ୍‌ରେ ସର୍ଚ୍ଚ କରୁ କରୁ ସେ ଏକ ୱେବ୍‌ପେଜ୍ ଦେଖିଥିଲେ। ସେହି ୱେବ୍‌ପେଜ୍‌ କାଜଲଙ୍କ ଫ୍ୟାନ୍‌ମାନଙ୍କୁ ତାଙ୍କ ସହିତ ସାକ୍ଷାତ କରାଇବାର ପ୍ରତିଶ୍ରୁତି ଦେଇଥିଲା। ଏହା ଦେଖି ଯୁବକ ଜଣଙ୍କ ବେଶ୍ ଖୁସି ହୋଇଯାଇଥିଲେ ଓ ସେଥିରେ ନିଜ ଇଚ୍ଛା ଜାହିର କରିଥିଲେ। ହେଲେ ସେ ଜାଣି ପାରି ନଥିଲେ ଯେ ସେ ଏକ ଠକ ଗ୍ୟାଙ୍ଗ୍ ହାବୁଡ଼ରେ ପଡ଼ି ଯାଇଛନ୍ତି।

ଏହି ଗ୍ୟାଙ୍ଗ୍ ତାଙ୍କୁ ପ୍ରଥମେ ୫୦ ହଜାର ଟଙ୍କା ଓ ତାଙ୍କର ବ୍ୟକ୍ତିଗତ ତଥ୍ୟ ଦେବାକୁ କହିଥିଲା। ଯୁବକ ଜଣଙ୍କ ଧନୀ ପରିବାରର ହୋଇଥିବାରୁ ସେମାନଙ୍କ ପ୍ରସ୍ତାବରେ ରାଜି ହୋଇଗଲେ ଏବଂ ଟଙ୍କା ଦେଇ ଦେଇଥିଲେ। ତା’ପରେ ଏହି ଗ୍ୟାଙ୍ଗ୍ ତାଙ୍କୁ ଆହୁରି ଟଙ୍କା ମାଗିଥିଲା। ଏମିତି କରି ସେମାନେ ତାଙ୍କଠାରୁ ୬୦ ଲକ୍ଷ ଟଙ୍କା ନେଇ ଯାଇଥିଲେ। ହେଲେ କେବେ ବି କାଜଲଙ୍କ ସହିତ ତାଙ୍କୁ ସାକ୍ଷାତ କରାଇ ଦେବା ଭଳି କିଛି କଥା କହି ନଥିଲେ। ଏସବୁ ଘଟଣା ପରେ ଯୁବକଙ୍କ ଚେତା ପଶିଥିଲା ଓ ସେ ଠକେଇର ଶିକାର ହୋଇଥିବା ଅନୁଭବ କରିଥିଲେ।

ଆହୁରି ପଢ଼ନ୍ତୁ

ତୁମେ ବହୁତ୍‌ ମନେ ପଡ଼ୁଛ.. ମା’ଙ୍କ ପୁଣ୍ୟତିଥିରେ ଏମିତି ଭାବପ୍ରବଣ ହେଲେ ଜାହ୍ନବୀ

ପୁଣି ମା’ ହେଲେ ଶିଳ୍ପା ଶେଟ୍ଟୀ

ଶ୍ରେଷ୍ଠ ଅଭିନେତା ହ୍ରିତିକ୍‌, ଶ୍ରେଷ୍ଠ ଟେଲି ଅଭିନେତ୍ରୀ ଦିବ୍ୟଙ୍କା

ଏକ୍ସ ବୟଫ୍ରେଣ୍ଡଙ୍କୁ ନେହାଙ୍କ ଚେତାବନୀ, କହିଲେ- ମୁଁ ଯଦି ମୁହଁ ଖୋଲିବି…

କମଲ୍ ହାସନ୍‌ଙ୍କ ଶୁଟିଂ ସେଟ୍‌ରେ କ୍ରେନ୍‌ ଖସିପଡ଼ି ୩ ଆସିଷ୍ଟାଣ୍ଟ୍‌ ଡାଇରେକ୍ଟରଙ୍କ ମୃତ୍ୟୁ

ଫିଲ୍ମ ‘ଅନୁ ଦିଦି ନଟ୍ ଆଉଟ୍‌’ର ଶୁଭ ମହୁରତ

ଅଭିନେତା ତାପସ ପାଲ ଆଉ ନାହାନ୍ତି

ହଲିଉଡ୍‌ରେ ଚର୍ଚ୍ଚିତ ଓଡ଼ିଆ ନାଁ ରାଧାରାଣୀ

ବନ୍ଦ ହୋଇପାରେ ‘କହାଁ ହମ୍‌ କହାଁ ତୁମ୍‌’ ଧାରାବାହିକ

୬୫ତମ ଫିଲ୍ମଫେୟାର ଆୱାର୍ଡ: ରଣବୀର, ଆଲିଆ ଶ୍ରେଷ୍ଠ ଅଭିନେତା-ଅଭିନେତ୍ରୀ

ସିଦ୍ଧାର୍ଥ ଶୁକ୍ଲା ବିଗ୍‌ ବସ୍‌ ୧୩ ବିଜେତା

ସଲମାନ୍‌ଙ୍କ ପାଇଁ ସାଇକେଲରେ ଗଲେ ୬୦୦ କି.ମି.

You might also like