ବର୍ଷିୟାନ୍‌ ଅଭିନେତା କାଦର୍‌ ଖାନ୍‌ଙ୍କ ପରଲୋକ

ମୁମ୍ବାଇ: ବଲିଉଡ୍‌ର ବର୍ଷିୟାନ୍‌ ଅଭିନେତା କାଦର୍‌ ଖାନ୍‌ଙ୍କ ପରଲୋକ। କାନାଡାରେ ଚିକିତ୍ସାଧୀନ ଅବସ୍ଥାରେ କାଦର୍‌ ଖାନ୍‌ଙ୍କ ଦେହାନ୍ତ ହୋଇଛି। ମୃତ୍ୟୁ ବେଳକୁ ତାଙ୍କୁ ୮୧ ବର୍ଷ ବୟସ ହୋଇଥିଲା। ଏନେଇ ତାଙ୍କର ପୁଅ ସର୍‌ଫରାଜ୍‌ ସୂଚନା ଦେଇଛନ୍ତି।

କାନାଡୀୟ ସମୟ ଅନୁସାରେ ଗତକାଲି ସନ୍ଧ୍ୟା ୬ଟା ବେଳେ ତାଙ୍କର ମୃତ୍ୟୁ ଘଟିଥିଲା ବୋଲି ସର୍‌ଫରାଜ୍‌ କହିଛନ୍ତି। ତେବେ ତାଙ୍କର ଶେଷକୃତ୍ୟ କାନାଡାରେ ହେବବୋଲି ଜଣାପଡ଼ିଛି।

ଦୀର୍ଘଦିନ ଧରି ସେ ଅସୁସ୍ଥ ଥିଲେ। ତାଙ୍କୁ Progressive Supranuclear Palsy (PSP) ହୋଇଥିଲା ବୋଲି ଜଣାପଡ଼ିଛି। ତେବେ ତାଙ୍କ ସ୍ୱାସ୍ଥ୍ୟାବସ୍ଥା ଗୁରୁତର ହେବାରୁ ତାଙ୍କୁ ଭେଣ୍ଟିଲେଟର୍‌ରେ ରଖାଯାଇଥିଲା।

କାଦର୍‌ ଖାନ୍‌ଙ୍କ ମୃତ୍ୟୁ ଖବରକୁ ନେଇ ବଲିଡଡ୍‌ ଜଗତରେ ଶୋକର ଛାୟା ଖେଳି ଯାଇଛି।

You might also like