ହାତକୁ ଦି ହାତ ହେବେ ଗୌହର
ମୁମ୍ବାଇ: ବଲିଉଡ୍ ଅଭିନେତ୍ରୀ ତଥା ବିଗ୍ବସ୍ ଫେମ୍ ଗୌହର ଖାନଙ୍କୁ ନେଇ ଗତ କିଛିଦିନ ହେବ ବେଶ୍ ଚର୍ଚ୍ଚା ହେଉଛି। ଖୁବ୍ ଶୀଘ୍ର ସେ ବିବାହ କରିବାକୁ ଯାଉଛନ୍ତି। କିଛି ସପ୍ତାହ ପୂର୍ବରୁ ସେ ଜେଦ୍ ଦାରବାରଙ୍କ ସହ ନିର୍ବନ୍ଧ କରିବାର ସୂଚନା ଦେଇଥିଲେ।
ତେବେ ଯାହା ସୂଚନା ମିଳିଛି ଦୁହେଁ ଆସନ୍ତା ମାସରେ ବିବାହ କରିବାକୁ ଯାଉଛନ୍ତି। ଏହାର ତାରିଖ ମଧ୍ୟ ସାମ୍ନାକୁ ଆସିଛି। ଉଭୟ ୨୫ ଡିସେମ୍ବର ୨୦୨୦ ରେ ତାଙ୍କ ଜୀବନର ଆଉ ଏକ ଅଧ୍ୟାୟ ଆରମ୍ଭ କରିବାକୁ ଯାଉଛନ୍ତି।
ଆହୁରି ପଢ଼ନ୍ତୁ: ବିଗ୍ ବସ୍ର ଆଗାମୀ ଏପିସୋଡ୍ରେ ନଜର ଆସିନପାରନ୍ତି ସଲମାନ୍
ବିବାହ ସ୍ଥାନ ବିଷୟରେ କହିବାକୁ ଗଲେ ଗୌହର ଏବଂ ଜେଦ୍ ମୁମ୍ବାଇର ଆଇଟିସି ମରାଠାରେ ପରସ୍ପର ମଧ୍ୟରେ ରହିବେ। ଶୁଣିବାକୁ ମିଳୁଛି ଯେ, ପୁଣେର ଥିବା ଐତିହାସିକ ଦୁର୍ଗ ମଧ୍ୟରୁ ଯାଦବଗଡ ହୋଟେଲରେ ଉଭୟ ପ୍ରି-ୱେଡିଂ ସୁଟିଂ ପାଇଁ ଯିବେ। ଡିସେମ୍ବର ୨୨ରୁ ବିବାହ ରୀତିନୀତି ଆରମ୍ଭ ହେବ |
ସୂଚନାନୁସାରେ, ଏହି ବିବାହରେ କେବଳ ପରିବାର ଏବଂ ଘନିଷ୍ଠ ବନ୍ଧୁ ଏବଂ ସମ୍ପର୍କୀୟମାନେ ଜଡିତ ହେବେ। କରୋନା ସଂକ୍ରମଣକୁ ଦୃଷ୍ଟିରେ ରଖି ବିବାହରେ ଅଧିକ ଲୋକଙ୍କୁ ସାମିଲ୍ କରାଯାଉନି।
ସୂଚନାଯୋଗ୍ୟ, ଗୌହର ଖାନ ନିକଟରେ ‘ବିଗ୍ବସ୍-୧୪‘ରେ ସୁପର ସିନିୟର ଭାବେ ଯୋଗ ଦେଇଥିଲେ। ଏଥିରେ ତାଙ୍କ ସହ ହିନା ଖାନ ଏବଂ ସିଦ୍ଧାର୍ଥ ଶୁକ୍ଲା ମଧ୍ୟ ଥିଲେ।