ରିୟା ଓ ତାଙ୍କ ପରିବାର ସଦସ୍ୟଙ୍କ ବିରୋଧରେ ମାମଲା ରୁଜୁ କଲା CBI

ମୁମ୍ବାଇ: ସିବିଆଇ ପକ୍ଷରୁ ଅଭିନେତ୍ରୀ ରିୟା  ଚକ୍ରବର୍ତ୍ତୀ, ତାଙ୍କ ବାପା ଇନ୍ଦ୍ରଜିତ ଚକ୍ରବର୍ତ୍ତୀ, ମା’ ସନ୍ଧ୍ୟା ଚକ୍ରବର୍ତ୍ତୀ ଓ ଭାଇ ଶୌମିକ ଚକ୍ରବର୍ତ୍ତୀଙ୍କ ବିରୋଧରେ ମାମଲା ରୁଜୁ କରାଯାଇଛି । ସୁଶାନ୍ତ ଫିଲ୍ମ ଛାଡି କେରଳରେ କାମ କରିବାକୁ ଚାହୁଁଥିଲେ । ଏଥିପାଇଁ କିନ୍ତୁ ରିୟାଙ୍କ କୌଣସି ସହଯୋଗ ମିଳି ନଥିଲା।

ସୁଶାନ୍ତ ମୁମ୍ବାଇରେ ରହିବାକୁ ରାଜି ନହେବାରୁ ରିୟା ବିପୁଳ ପରିମାଣର ଟଙ୍କା, ଗହଣା, କ୍ରେଡିଟ୍ କାର୍ଡ, ଗୁରୁତ୍ୱପୂର୍ଣ୍ଣ ତଥ୍ୟ, ଲାପଟପ୍, ମେଡିକାଲ ତଥ୍ୟ ନେଇ ପଳାଇଥିଲେ । ଏପରିକି ସୁଶାନ୍ତଙ୍କ ଫୋନ ନମ୍ବରକୁ ବ୍ଲକ କରିଥିବା ଅଭିଯୋଗ ହୋଇଛି । ସୁଶାନ୍ତ ପାଗଳ ହୋଇଯାଇଥିବା ସମ୍ପର୍କରେ ଗଣମାଧ୍ୟମକୁ ଜଣାଇଦେବେ ବୋଲି ଧମକ ଦେଇଥିଲେ । ଏହାଦ୍ୱାରା ତାଙ୍କୁ ବଲିଉଡରେ କାମ ମିଳିବନି ସେ ଧମକ ଦେଇଥିଲେ।

ରିୟାଙ୍କୁ ଭେଟିବା ପୂର୍ବରୁ ସୁଶାନ୍ତଙ୍କର କୌଣସି ମାନସିକ ରୋଗ ନଥିଲା । ସୁଶାନ୍ତ କାହିକିଁ ମାନସିକ ଦୁଶ୍ଚିନ୍ତାର ଶିକାର ହେଲେ ? ସୁଶାନ୍ତ ଯଦି ମାନସିକ ଦୁଶ୍ଚିନ୍ତା ପାଇଁ ଚିକିତ୍ସିତ ହେଉଥିଲେ ଏଥିପାଇଁ କାହିଁକି ତାଙ୍କ ବାପାଙ୍କ ଅନୁମତି ନିଆଯାଇ ନଥିଲା ? ସୁଶାନ୍ତଙ୍କୁ ଅଧିକ ମାତ୍ରାରେ ଔଷଧ ଦେଇ ଡେଙ୍ଗୁରେ ଆକ୍ରାନ୍ତ ହେବା କହୁଥିଲେ ରିୟା।

ସୁଶାନ୍ତଙ୍କୁ କୌଣସି ଫିଲ୍ମ କରିବାକୁ ଦେଉ ନ ଥିଲେ ରିୟା। ସୁଶାନ୍ତଙ୍କ ବିଶ୍ୱସ୍ତ ଓ ପୁରୁଣା କର୍ମଚାରୀମାନଙ୍କୁ ରିୟା ବଦଳାଇ ଦେଇଥିଲେ । ୨୦୧୯ ଡିସେମ୍ବର ରିୟା ଜବରଦସ୍ତ ସୁଶାନ୍ତଙ୍କ ମୋବାଇଲ ନମ୍ବର ବଦଳାଇ ଦେଇଥିଲେ । ସୁଶାନ୍ତଙ୍କୁ ପରିବାର ଲୋକଙ୍କୁ ଭେଟିବାକୁ ଦେଉ ନଥିଲେ। ସୁଶାନ୍ତଙ୍କ ଖାତାରେ ଥିବା ୧୫ କୋଟି ଟଙ୍କା ବିଭିନ୍ନ ଏକାଉଣ୍ଟକୁ ଟ୍ରାନ୍ସଫର ହୋଇଛି । ରିୟା ଓ ତାଙ୍କ ସହଯୋଗୀମାନେ ସୁଶାନ୍ତଙ୍କ ଟଙ୍କାକୁ ହେରଫେର କରିଥିବା ଅଭିଯୋଗରେ ଦର୍ଶାଯାଇଛି। 

You might also like