ରିୟାଙ୍କ ଭାଇ ସୌଭିକଙ୍କୁ ୧୪ ଘଣ୍ଟା ଜେରା କଲା ସିବିଆଇ

ମୁମ୍ବଇ: ସୁଶାନ୍ତ ସିଂହ ମୃତ୍ୟୁ ମାମଲା ଦିନକୁ ଦିନ ରହସ୍ୟ ଘେରାକୁ ଚାଲିଗଲାଣି।  ସେପଟେ ସୁଶାନ୍ତ ସିଂ ରାଜପୁତ ମୃତ୍ୟୁ ମାମଲାରେ ରିୟାଙ୍କ ଭାଇ ସୌଭିକ୍ ଚକ୍ରବର୍ତ୍ତୀଙ୍କୁ ୧୪ ଘଣ୍ଟା ଜେରା କରିଛି ସିବିଆଇ।  ସିବିଆଇର ୫ ଜଣିଆ ଟିମ୍ ସୌଭିକଙ୍କୁ ସୁଶାନ୍ତଙ୍କ ସହ ଥିବା ୨ଟି କମ୍ପାନୀର ଅଂଶଧନ ସମ୍ପର୍କରେ ପଚରାଉଚରା କରିଥିବା ସୂଚନା ମିଳିଛି।

କମ୍ପାନୀରେ ସୁଶାନ୍ତଙ୍କ କେତେ ନିବେଶ ଥିଲା, ରିୟା ଓ ତାଙ୍କ ଭୂମିକା କଣ ସେ ନେଇ ଜାଣିବାକୁ ଚାହିଁଛି ସିବିଆଇ । ଏହାସହ ୟୁରୋପ ଟ୍ରିପ ଓ ଜୁନ୍ ୮ ଘଟଣାକୁ ନେଇ ପଚରାଉଚରା କରିଥିବା ଜଣାପଡିଛି । ରିୟା ସୁଶାନ୍ତଙ୍କ ଘର ଛାଡ଼ିବା ପରେ ସୈଭିକଙ୍କ ସହ କଥା ହୋଇଥିଲେ। ସେଦିନ ସୁଶାନ୍ତଙ୍କ ମାନସିକ ଅବସ୍ଥା, ବ୍ୟବହାର କିପରି ଥିଲା ସେ ସମ୍ପର୍କରେ ଜାଣିବାକୁ ଚେଷ୍ଟା କରିଛନ୍ତି  ତଦନ୍ତକାରୀ ଟିମ୍ ।

ସୌଭିକଙ୍କ ସହ ଗତକାଲି ଫ୍ଲାଟମେଟ୍ ସିଦ୍ଧାର୍ଥ ପିଠାନୀ, ରୋଷୋୟା ନିରଜ, ଷ୍ଟାଫ୍ କେଶବଙ୍କୁ ମଧ୍ୟ ୧୪ ଘଣ୍ଟାର ମାରାଥନ ଜେରା କରିଛି ସିବିଆଇ । ଜେରା ସରିବା ପରେ ଗତକାଲି ବିଳମ୍ବିତ ରାତିରେ ସେମାନେ ସିବିଆଇ ଟିମ୍ ରହୁଥିବା କ୍ୟାମ୍ପ ଅଫିସରୁ ବାହାରକୁ ବାହାରିଥିଲେ।

You might also like