ସଂସ୍କାର ଶିଖାଇଲେ ଦୁଷ୍କର୍ମ ହେବନି କହିଲେ ବିଧାୟକ, କ୍ରିତି ଦେଲେ ଏମିତି ଉତ୍ତର

ମୁମ୍ବାଇ: ଉତ୍ତରପ୍ରଦେଶର ବାଲିଆ ବିଧାନସଭା ନିର୍ବାଚନମଣ୍ଡଳୀରୁ ବିଜେପି ବିଧାୟକ ସୁରେନ୍ଦ୍ର ସିଂ ୟୁପିରେ ବଳାତ୍କାର ବୃଦ୍ଧି ଘଟଣାର କାରଣ ଝିଅମାନଙ୍କ ସଂସ୍କାର ବୋଲି କହିଛନ୍ତି। ତାଙ୍କ କହିବା ଅନୁଯାୟୀ, ‘ସମସ୍ତ ମା ଏବଂ ବାପାଙ୍କ ଧର୍ମ ହେଉଛି ତାଙ୍କ ଝିଅମାନଙ୍କୁ ସଂସ୍କାରି ବାତାବରଣରେ ରଖିବେ। ଝିଅ ମାନଙ୍କୁ ଆଚାର ବ୍ୟବହାର ସହ ଶାଳୀନତା ଶିଖାନ୍ତୁ। ଛୁରି ଖଣ୍ଡାରେ ଦୁଷ୍କର୍ମର ସମାଧାନ ହୋଇପାରିବ ନାହିଁ। ଏଇଟା ସଂସ୍କାର କଥା। ସଂସ୍କାର ଠିକ୍‌ ଥିଲେ ସରକାର ଏବଂ ସଂସ୍କାର ମିଶି କିଛି କରିହେବ। ନହେଲେ ଏହାର କୌଣସି ସମାଧାନ ନାହିଁ।‘

ବିଧାୟକଙ୍କ ଏହି ବିବୃତ୍ତିରେ ବଲିଉଡ ଅଭିନେତ୍ରୀ କ୍ରିତି ସାନନଙ୍କ ପ୍ରତିକ୍ରିୟା ଆସିଛି। ଟ୍ୱିଟ୍ କରି ବିଜେପି ବିଧାୟକଙ୍କ ବିବୃତ୍ତି ଉପରେ କ୍ରିତି କ୍ରୋଧ ପ୍ରକାଶ କରିଛନ୍ତି।

କ୍ରିତି ଟ୍ୱିଟ୍ କରି ଲେଖିଛନ୍ତି, ଝିଅମାନଙ୍କୁ କେମିତି ଦୁଷ୍କର୍ମ ନହେବେ ଶିଖାନ୍ତୁ? ନିଜ କଥାବାର୍ତ୍ତା ଶୁଣିଛନ୍ତି କି? ଏହି ମାନସିକତା, ଏମିତି କିଛି ମାନସିକତା ଯାହା ବଦଳିବା ନିହାତି ଆବଶ୍ୟକ। ଝିଅ ମାନଙ୍କୁ କାହିଁକି, ସଂସ୍କାର ପୁଅ ମାନଙ୍କୁ ମଧ୍ୟ ଶିଖିବା ଆବଶ୍ୟକ।

ଏବେ କ୍ରିତି ସାନନ୍‌ଙ୍କ ଏହି ଟ୍ୱିଟ୍‌ ଭାଇରାଲ୍‌ ହେବାରେ ଲାଗିଛି। ଲୋକମାନେ କ୍ରିତି ଠିକ୍‌ କହୁଛନ୍ତି କହି ତାଙ୍କର ସମର୍ଥନ କରିଛନ୍ତି।

 

You might also like