ମାଟ୍ରିକ୍ ଭଳି ଯୁକ୍ତ ଦୁଇ ବିଜ୍ଞାନରେ ବି କମିଲା ପାସ୍ ହାର

ଭୁବନେଶ୍ୱର : ସରକାର ଓ ଶିକ୍ଷକଙ୍କ ମଧ୍ୟରେ ବାଦବିବାଦ ଭିତରେ ଶେଷରେ ପ୍ରକାଶ ପାଇଲା ଯୁକ୍ତ ଦୁଇ ବିଜ୍ଞାନ ରେଜଲ୍ଟ। ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଅଫିସ୍‌ରେ ସ୍କୁଲ ଓ ଗଣଶିକ୍ଷା ମନ୍ତ୍ରୀ ପରୀକ୍ଷାଫଳ ପୁସ୍ତିକା ଉନ୍ମୋଚନ କରିବା ସହ ଫଳ ଘୋଷଣା କରିଥିଲେ।

ଉଦ୍‌ବେଗର ବିଷୟ ହେଲା, ଗତବର୍ଷ ତୁଳନାରେ ଏଥର ପାସ୍ ହାର ୪.୧୩ ପ୍ରତିଶତ ହ୍ରାସ ପାଇଛି। ଗତବର୍ଷ ୮୧ .୧୧ ପ୍ରତିଶତ ପିଲା ପାସ୍ କରିଥିବାବେଳେ ଏଥର ପାସ୍ ହାର ରହିଛି ୭୬. ୯୮ ପ୍ରତିଶତ। ଏବର୍ଷ ମୋଟ୍ ୯୫ ହଜାର ୯୬ ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିଲେ। ସେମାନଙ୍କ ମଧ୍ୟରୁ ୭୩ ହଜାର ୨୧୧ ଜଣ ଛାତ୍ରଛାତ୍ରୀ ପାସ୍ କରିଛନ୍ତି। ପ୍ରଶ୍ନ ଉଠୁଛି କାହିଁକି କମିଲା ପାସ୍ ହାର ? ଏଥିପାଇଁ ଦାୟୀ କିଏ ? ମୂଲ୍ୟାୟନ ସମୟରେ ଶିକ୍ଷକ ଆନ୍ଦୋଳନକୁ ନେଇ ଦେଖାଦେଇଥିବା ବିଭ୍ରାଟ ନା କଲେଜଗୁଡ଼ିକରେ ଭିତ୍ତିଭୂମିର ଅଭାବ ? ବଡ଼କଥା ହେଲା ସିବିଏସ୍ଇ ଢାଞ୍ଚାରେ ପରୀକ୍ଷା ହୋଇଥିଲେ ବି ୯୦ ପ୍ରତିଶତରୁ ଅଧିକ ମାର୍କ ରଖିଥିବା ଛାତ୍ରଛାତ୍ରୀଙ୍କ ସଂଖ୍ୟା ମାତ୍ର ୪୧।

ସେପଟେ ଏକ୍‌ଜାମ କମିଟିର ବିନା ଅନୁମୋଦନରେ ଫଳ ପ୍ରକାଶ କରାଯାଇଥିବା କମିଟି ସଦସ୍ୟ ଭୂଜବଳ ମାଝୀ ଅଭିଯୋଗ କରିଛନ୍ତି। ପ୍ରକୃତ ପାସହାର୍ ୫୦ ପ୍ରତିଶତ ଥିବା ବେଳେ ଗ୍ରେସ୍ ମାର୍କ ଦିଆଯାଇ ଏହାକୁ ବଢ଼ାଯାଇଛି ବୋଲି ସେ ଗୁରୁତର ଅଭିଯୋଗ ଆଣିଛନ୍ତି।

ଚଳିତ ଥର ପ୍ରଥମ ଶ୍ରେଣୀରେ ପାସ୍ କରିଛନ୍ତି ମୋଟ୍ ୧୯ ହଜାର ୫୬୧ ଛାତ୍ରଛାତ୍ରୀ। ଦ୍ୱିତୀୟ ଶ୍ରେଣୀରେ ୨୪ ହଜାର ୧୬୪ ଓ ତୃତୀୟ ଶ୍ରେଣୀରେ ପାସ୍ କରିଛନ୍ତି ୨୮ ହଜାର ୯୬୮ଜଣ ଛାତ୍ରଛାତ୍ରୀ। ୯୨.୨୩ ପ୍ରତିଶତ ପାସ୍‌ହାର ସହ ନୟାଗଡ଼ ଜିଲ୍ଲା ସବୁଠୁ ଆଗରେ ଥିବା ବେଳେ ସବୁଠୁ ପଛରେ ରହିଛି ଗଜପତି। ଏହି ଜିଲ୍ଲାରେ ପାସ୍ ହାର ୪୩. ୪୩ ପ୍ରତିଶତ ରହିଛି। ତେବେ ଏଥର କୌଣସି କଲେଜରେ ବି ନିଲ୍ ରେଜଲଟ୍ ହୋଇନାହିଁ।

ଆଜି ପ୍ରକାଶିତ ଫଳାଫଳକୁ ନେଇ ଛାତ୍ରଛାତ୍ରୀମାନେ ଆଜିଠୁ ଜୁନ୍ ୪ ତାରିଖ ଭିତରେ ରିଚେକିଂ ପାଇଁ ଆବେଦନ କରିପାରିବେ।

ଆହୁରି ପଢ଼ନ୍ତୁ

ସମ୍ପର୍କୀୟଙ୍କ ସହ ମିଶି ପତ୍ନୀଙ୍କୁ ମାଡ଼ ମାରିଲେ ଡେପୁଟି କଲେକ୍ଟର

JEE Advanced 2020: କୋଭିଡ୍‌ ଗାଇଡ୍‌ଲାଇନ୍ସ ପାଳନ କରି ହେବ ପରୀକ୍ଷା

ଗ୍ୟାସ ସିଲିଣ୍ଡର ସଜାଡ଼ୁଥିବା ବେଳେ ହଠାତ୍ ଲାଗିଲା ନିଆଁ; ୬ ଗୁରୁତର

ବିଧାନସଭା ଅଧିବେଶନରେ ସରକାରଙ୍କୁ ଘେରିବାକୁ ବିଜେପିର ରଣନୀତି

ସୁସ୍ଥ ହେଲେ ୪୭୬୧ କରୋନା ଆକ୍ରାନ୍ତ

ରାଜନେତାଙ୍କ ଅପରାଧିକ ମାମଲାର ତଥ୍ୟ ଦିଅ: ହାଇକୋର୍ଟ

ଭୁବନେଶ୍ୱର ମହାନଗର ଅଞ୍ଚଳରୁ ଆଉ ୩୧୯ ପଜିଟିଭ୍ ଚିହ୍ନଟ

ବୈଜୟନ୍ତ ପୁଣି ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ

ଉଚ୍ଛେଦ ହେଲା ଭୁବନେଶ୍ୱର ୟୁନିଟ-୨ ମାର୍କେଟ ବିଲ୍ଡିଂର ଉଠା ଦୋକାନ

ଓଟିଭି ଏମ୍‌ଡିଙ୍କ ବିରୋଧରେ ପୁଣି ଏକ ଅଭିଯୋଗ

ସହକାରୀ ଜିଲ୍ଲାପାଳଙ୍କୁ ମାଡ଼ ମାରି ପରିବାର ସହ ଗିରଫ ହେଲେ ଘର ମାଲିକ

ଦିନକରେ ୧୬ କରୋନା ରୋଗୀ ଆଖି ବୁଜିଲେ

You might also like