କୋଭିଡ୍‌ କଟକଣା ଉଲ୍ଲଂଘନକାରୀଙ୍କ ପାଇଁ ହ୍ୱାଟ୍ସଆପ୍‌ ନମ୍ବର ଜାରି

ଭୁବନେଶ୍ୱର: କରୋନା ବିରୋଧୀ ଲଢ଼େଇ ପାଇଁ ଭୁବନେଶ୍ୱର ଡିସିପି ନୂଆ ଉପାୟ ବାହାର କରିଛନ୍ତି। ସର୍ବସାଧାରଣଙ୍କ ପାଇଁ ହ୍ୱାଟ୍ସଆପ୍ ନମ୍ବର ଜାରି କରିଛନ୍ତି ଡିସିପି ଉମାଶଙ୍କର ଦାଶ। କେହି କଟକଣା ଉଲ୍ଲଂଘନ କରୁଥିଲେ ହ୍ୱାଟସଆପ୍‌ରେ ଜଣାଇ ପାରିବେ ବୋଲି ସେ କହିଛନ୍ତି। ଡିସିପି ଜାରି କରିଥିବା ହ୍ୱାଟସଆପ୍ ନମ୍ବର- ହେଉଛି- ୭୪୪୦୦୦୬୭୦୯ । ଏହି ନମ୍ବର ଜରିଆରେ ନିୟମ ଉଲ୍ଲଙ୍ଘନକାରୀଙ୍କ ବିଷୟରେ ସୂଚନା ଦେବାକୁ କୁହାଯାଇଛି। ଯଦି କେହି ନିୟମ ଉଲ୍ଲଙ୍ଘନକାରୀ ଆପଣଙ୍କ ନଜରରେ ଆସନ୍ତି ତେବେ ଉଲ୍ଲଙ୍ଘନକାରୀଙ୍କ ଭିଡିଓ, ଟେକ୍ସଟ ଓ ଫଟୋ ପଠାଇବାକୁ ଡିସିପି କହିଛନ୍ତି।

ଅନ୍ୟପଟେ ଅନ୍‌ଲକ୍-୩ କଟକଣା ନେଇ ଚେତାବନୀ ଦେଇଛନ୍ତି ପୋଲିସ କମିଶନର। କମିଶନରେଟ ଅଞ୍ଚଳ ଭିତରେ କଟକଣା କଡ଼ାକଡ଼ି ପାଳନ ହେବ। ରାତି ୯ରୁ ସକାଳ ୫ଟା ଭିତରେ ଅଣଅତ୍ୟାବଶ୍ୟକ କାର୍ଯ୍ୟ ମନାକୁ ମନା କରାଯାଇଛି। ଏହି ସମୟ ମଧ୍ୟରେ ବିନା କାରଣରେ ଯାଆସ କରିବାକୁ ମଧ୍ୟ ବାରଣ କରାଯାଇଛି। କଟକଣା ମାନିବାକୁ ପରାମର୍ଶ ଦିଆଯାଇଛି। ଆଉ କଟକଣା ଉଲ୍ଲଙ୍ଘନ କଲେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପୁଲିସ କମିଶନର କହିଛନ୍ତି।

 

 

You might also like