ଦୀପାବଳି ପାଇଁ ଏହି ଟେଲିକମ୍‌ କମ୍ପାନୀ ଗ୍ରାହକଙ୍କୁ ଦେଉଛି ମାଗଣା କଲ୍‌ ସୁବିଧା

ନୂଆଦିଲ୍ଲୀ: ଫେଷ୍ଟିଭ୍‌ ସିଜନ୍‌ରେ ମୋବାଇଲ୍‌ କମ୍ପାନୀଠୁ ଆରମ୍ଭ କରି ଡ୍ରେସ୍‌ ଦୋକାନୀ, ଜୁଏଲାରୀ ଦୋକାନୀ ପର୍ଯ୍ୟନ୍ତ ସମସ୍ତେ ପ୍ରାୟତଃ ଅଫର ଦେଇଥାନ୍ତି। ଏହି ଅବସରରେ ଫେଷ୍ଟିଭ୍‌ ସିଜନ୍‌କୁ ଦୃଷ୍ଟିରେ ରଖି ଏମିତି ଏକ ଟେଲିକମ୍‌ କମ୍ପାନୀ ଯିଏକି ଏହାର ଗ୍ରାହକଙ୍କ ପାଇଁ ଦୁଇ ଦିନ ମାଗଣା କଲ୍‌ ସୁବିଧା ଆଣିଛି। ଏହି ଅଫର୍‌ ମାଧ୍ୟମରେ ଗ୍ରାହକମାନେ ମାଗଣାରେ କଲ୍‌ କରିପାରିବେ। ଏଥିପାଇଁ ଆପଣଙ୍କୁ ଗୋଟିଏ ବି ଟଙ୍କା ଦେବାକୁ ପଡ଼ିବ ନାହିଁ। ଏହି ଟେଲିକମ୍‌ କମ୍ପାନୀ ହେଲା ବିଏସ୍‌ଏନ୍‌ଏଲ୍‌।

ଆସନ୍ତୁ ଜାଣିବା ବିଏସ୍‌ଏନ୍‌ଏଲ୍‌ର ଏହି ଅଫର ବିଷୟରେ….

ଏଠାରେ ଆମେ କହି ରଖୁଛୁ ବିଏସ୍‌ଏନ୍‌ଏଲ୍‌ର ଏହି ପ୍ଲାନ୍‌ କେବଳ ଲ୍ୟାଣ୍ଡ୍‌ଲଇନ୍‌ ଓ ବ୍ରଡ୍‌ବ୍ୟାଣ୍ଡ୍‌ ଗ୍ରାହକଙ୍କ ପାଇଁ। ଏହି ଅଫର କେବଳ ୨୭ ଅକ୍ଟୋବର ଓ ୨୮ ଅକ୍ଟୋବର ପାଇଁ ରହିଛି। ଯାହାର ଅବଧି ଆଜି(୨୮ ଅକ୍ଟୋବର) ସରିବ।

ଏହି ଅଫରରେ ଗ୍ରାହକମାନେ ଦେଶର ବିଭିନ୍ନ ସ୍ଥାନକୁ ଲ୍ୟାଣ୍ଡ୍‌ଲଇନ୍‌ ଓ ବ୍ରଡ୍‌ବ୍ୟାଣ୍ଡ୍‌ ମାଧ୍ୟମରେ ମାଗଣାରେ କଲ୍‌ କରି ଏହାର ଫାଇଦା ଉଠାଇ ପାରିବେ।

You might also like