ପୁଣି ବଢ଼ିଲା ସୁନା ଦର

ନୂଆଦିଲ୍ଲୀ: ଲଗାତାର ଭାବେ ସୁନା ଦର ବଢ଼ିବାରେ ଲାଗିଛି। ଆଜି ସୁନା ଦର ୩୮୦ ଟଙ୍କା ବଢ଼ିବା ସହ ୨୨ କ୍ୟାରେଟ୍ ସୁନା ଦର ୩୭ ହଜାର ଟଙ୍କା ପାର୍‌ କରିଛି। ଭୁବନେଶ୍ୱରରେ ୧୦ ଗ୍ରାମ ସୁନା ୩୭ ହଜାର ଟଙ୍କାରୁ ଅଧିକ ଦାମରେ ବିକ୍ରି ହେଉଥିବା ଜଣାପଡ଼ିଛି।

ସେହିପରି ୨୪ କ୍ୟାରେଟ୍ ସୁନା ଦର ୪୦ ହଜାର ଟଙ୍କା ଟପି ସାରିଛି। ଚଳିତ ମାସ ପ୍ରଥମ ସପ୍ତାହରୁ ଲଗାତାର ଭାବେ ସୁନା ଦର ବଢ଼ିବାରେ ଲାଗିଛି।

ଗତ ୧୪ରୁ ୧୭ ତାରିଖ ମଧ୍ୟରେ ସୁନା ଦର କିଛି ମାତ୍ରାରେ କମିଥିଲେ ମଧ୍ୟ ପୁଣି ଥରେ ଏହାର ଦର ବଢ଼ିଛି।

ଆମେରିକା ଏବଂ ଚୀନ୍‌ ମଧ୍ୟରେ ଟ୍ରେଡ୍‌ ୱାର୍(ବାଣିଜ୍ୟକ ଯୁଦ୍ଧ)କୁ ନେଇ ବହୁ ମୂଲ୍ୟ ଧାତୁର ଦର ବୃଦ୍ଧି ଘଟିଛି।

You might also like