‘ତେରି ବାହୋ ମେଁ ମର୍‌ ଜାଏ ହମ୍‌…’ ଗୀତରେ ନାଚୁଥିବା ବେଳେ ଚାଲିଗଲା ଜୀବନ

ରାଜସ୍ଥାନ : ସୋସିଆଲ୍ ମିଡିଆରେ ଏକ ଭିଡିଓ ଖୁବ୍ ଭାଇରାଲ୍ ହୋଇଛି। ଭିଡିଓଟିକୁ ଯିଏବି ଦେଖିବ ଆଶ୍ଚର୍ଯ୍ୟ ହୋଇଯିବ। ଏହି ଭାଇରାଲ୍ ଭିଡିଓଟି  ରାଜସ୍ଥାନସ୍ଥିତ ଯୋଧପୁରର କୌଣସି ଏକ ବିବାହ ଉତ୍ସବର ବୋଲି କୁହାଯାଉଛି। ଯେକେହି ଏହି ଭାଇରାଲ୍ ଭିଡିଓକୁ ଦେଖିଲାପରେ ନିଶ୍ଚୟ ଅନୁଭବ କରିବ ଯେ , ସତରେ ଏ ଜୀବନଟା ପାଣି ଫୋଟକା ପରି । କୌଣସି ଭରସା ନାହିଁ ଏ ନିଶ୍ୱାସକୁ । ମୃତ୍ୟୁ ଯେ ଏମିତି ଆସେ ଆପଣ କେବେ ବିଶ୍ୱାସ କରିପାରିବେନି। କାରଣ ଏହି ଭିଡିଓଟିରେ ଏମିତି କିଛି ଦେଖିବାକୁ ପାଇବେ।

ଭିଡିଓରେ ନଜର ଆସୁଛନ୍ତି ଜଣେ ଯୁବକ ଓ ଜଣେ ଯୁବତୀ। ଏକ ବିବାହ ଉତ୍ସବର ମାହୋଲ୍‌। ଉଭୟ ଫିଲ୍ମ ଗୀତର ତାଳେତାଳେ ଷ୍ଟେଜ୍‌ ଉପରେ ନାଚୁଛନ୍ତି। ସେଠାରେ ଉପସ୍ଥିତ ଅନ୍ୟ ଲୋକମାନେ ମଧ୍ୟ ଉପଭୋଗ କରୁଛନ୍ତି ସେମାନଙ୍କର ନୃତ୍ୟକୁ। ବ୍ୟାକ୍‌ଗ୍ରାଉଣ୍ଡରେ ‘ଦିଲ୍‌ୱାଲେ ଦୁଲହନିଆ ଲେ ଯାଏଙ୍ଗେ’ ଫିଲ୍ମର ଟାଇଟଲ୍‌ ସଙ୍ଗ୍‌ ‘ତୁଝେ ଦେଖା ତୋ ୟେ ଜାନା ସନମ୍‌’ ବାଜୁଛି। ରୋମାଣ୍ଟିକ୍‌ ମୁଡ୍‌ରେ ଏହି ଦୁଇଜଣ ନାଚୁଛନ୍ତି। ଯେମିତି ଗୀତର ‘ତେରି ବାହୋ ମେଁ ମର୍‌  ଜାଏ ହମ୍‌…’ ବାଜୁଛି ଯୁବକ ଜଣକ  ହଠାତ୍‌  ତଳେ ପଡିଯାଉଛନ୍ତି। ମିଡିଆ ରିପୋର୍ଟ ଅନୁସାରେ ଯୁବକ ଜଣକ ତଳେ ପଡିବା କ୍ଷଣି ମରିଯାଉଛନ୍ତି। କୁହାଯାଉଛି ଯେ, ହାର୍ଟଆଟାକ୍‌ରେ ତାଙ୍କର ମୃତ୍ୟୁ ହୋଇଛି।

ମିଳିଥିବା ସୂଚନା ଅନୁସାରେ,ମୃତ ଯୁବକଙ୍କ ନାଁ ବିଜୟ। ସେ ରାଜସ୍ଥାନର ବାଡମେଡ୍‌ରେ ରହୁଥିଲେ। କୌଣସି ଏକ ବିବାହ ଉତ୍ସବରେ ଯୋଗ ଦେବାକୁ ସେ  ଯୋଧପୁର ଯାଇଥିଲେ। କିଛି ମିଡିଆ ରିପୋର୍ଟ ଅନୁସାରେ, ମୃତ ଯୁବକ ଯେଉଁ ଯୁବତୀଙ୍କ ସହ ନାଚୁ ଥିଲେ , ସେ ତାଙ୍କର ସ୍ତ୍ରୀ । ଆଉ କିଛି ରିପୋର୍ଟ ମୁତାବିକ୍‌ ସେ ଦୁହେଁ ସ୍ୱାମୀ-ସ୍ତ୍ରୀ ନଥିଲେ। ସେଠାରେ ହିଁ ଦୁହିଁଙ୍କର ଭେଟ ହୋଇଥିଲା।

ଦେଖନ୍ତୁ ଏହି ଭିଡ଼ିଓ-

Comments
Loading...