ଜିମ୍‌ରେ ଚାଲିଥିଲା ରାସଲୀଳା :  ସ୍ୱାମୀ ଓ ପ୍ରେମିକାକୁ ଚପଲରେ ସେକି ନେଇଗଲେ ସ୍ତ୍ରୀ . . .

ଭୋପାଳ :  ’ପିଲାଙ୍କୁ ଛାଡ଼ି, ଝିଅ ବୁଲଉଛୁ । ମୁଁ ଘରେ କାମ କରିବି, ତୁ ବାହାରେ ରାତି ରଙ୍ଗୀନ୍ କରିବୁ ।’ବ୍ୟାୟାମ କରିବାକୁ ଜିମ ଯାଇଥିବା ଯୁବକ ଅନ୍ୟ ଯୁବତୀ ପ୍ରେମରେ ଉବୁଟୁବୁ ହେଉଥିଲେ । ଆଉ ଠିକ୍ ସମୟରେ ଜିମ୍‌ରେ ପହଞ୍ଚି ସ୍ୱାମୀ ଓ ତା’ର ପ୍ରେମିକାକୁ ଉତ୍ତମ ମଧ୍ୟମ ଦେଲେ ସ୍ତ୍ରୀ । ଭୋପାଳ ସହରର କୋହେଫିଜା ଅଞ୍ଚଳରେ ଏପରି ଏକ ଘଟଣା ଘଟିଛି । ଜଣେ ଯୁବକ ଓ ଯୁବତୀଙ୍କୁ ମାଡ ମାରିବାର ଭିଡିଓ ଭାଇରାଲ ହେଉଛି । ମାଡ ମାରୁଥିବା ମହିଳା ଜଣକ ଯୁବକଙ୍କ ସ୍ତ୍ରୀ ଏବଂ ଭିଡିଓରେ ଦେଖାଯାଇଥିବା ଅନ୍ୟ ଯୁବତୀ ଜଣକ ତାଙ୍କର ପ୍ରେମିକା ବୋଲି କୁହାଯାଉଛି । ଏହାସହ ଛାଡପତ୍ର ଏବଂ ମକଦ୍ଦମା ଭଳି ଶବ୍ଦ ମଧ୍ୟ ଭିଡିଓରେ ଶୁଣିବାକୁ ମିଳୁଛି । ବର୍ତ୍ତମାନ ମାମଲା ପୋଲିସ ପାଖରେ ପହଞ୍ଚିବା ପରେ ତଦନ୍ତ ଆରମ୍ଭ ହୋଇଛି ।

मध्य प्रदेश: भोपाल के कोहेफिजा इलाके में जिम में महिला ने पति और उसकी गर्लफ्रेंड को जमकर पीटा। युवती का आरोप है कि कि पति का युवती से अफेयर है।#Bhopal #ViralVideo pic.twitter.com/J3QZJEbKrV

— Hindustan (@Live_Hindustan) October 18, 2021

ଭୋପାଳର କୋହେଫିଜା ଥାନା ଅଞ୍ଚଳରେ ଏକ ୟୁନିସେକ୍ସ ଜିମ୍ ଅଛି । ଜଣେ ବିବାହିତ ଯୁବକ ପ୍ରତିଦିନ ସେଠାରକୁ ବ୍ୟାୟାମ କରିବାକୁ ଯାଉଥିଲେ । ନିତି ପ୍ରତିଦିନ ଯିବାଆସିବା ମଧ୍ୟରେ ସେଠାକୁ ପୂର୍ବରୁ ଆସୁଥିବା ଜଣେ ଯୁବତୀଙ୍କ ସହ ତାଙ୍କର ବନ୍ଧୁତା ହୋଇଗଲା । ତେବେ ଉଭୟଙ୍କ ବନ୍ଧୁତା ଖୁବ୍ ଶୀଘ୍ର ପ୍ରେମରେ ପରିଣତ ହୋଇଥିଲା । ବିବାହିତ ବୋଲି ନିଜକୁ ଭୁଲିଗଲେ ଯୁବକ । ତେବେ କୌଣସି ସୂତ୍ରରୂ ସ୍ୱାମୀର ପାପପ୍ରଣୟ କଥା ଜାଣି ପାରିଥିଲେ ସ୍ତ୍ରୀ । ଆଉ ଜାଣିବା ମାତ୍ରେ ସ୍ୱାମୀ ଏବଂ ପ୍ରେମିକାର ଚୋରି ଧରିବାକୁ ଜିମରେ ପହଞ୍ଚି ଯାଇଥିଲେ । ଆଉ ଭାଗ୍ୟ କୁହ କି ଦୁର୍ଭାଗ୍ୟ ସେଠାରେ ଉପସ୍ଥିତ ଥିଲେ ସ୍ୱାମୀ ଓ ପ୍ରେମିକା । 

ଯୁବକଙ୍କର ସ୍ତ୍ରୀ ତାଙ୍କ ସହ ଜଣେ ବୁର୍ଖା ପିନ୍ଧା ମହିଳାଙ୍କୁ ସାଥୀରେ ନେଇ ଜିମ୍ ଯାଇଥିଲେ । ଆଉ ଭିଡିଓରେ ସେ ସର୍ଟସ ଓ-ସାର୍ଟ ପିନ୍ଧିଥିବା ସ୍ୱାମୀଙ୍କୁ ମାଡ ମାରୁଥିବାର ଦେଖିବାକୁ ମିଳୁଛି । ଅନ୍ୟପଟେ ରସିକ ସ୍ୱାମୀ ଜଣକ ପ୍ରେମିକାକୁ ବଞ୍ଚାଇବାକୁ ଚେଷ୍ଟା କରୁଛନ୍ତି, ହେଲେ ସ୍ତ୍ରୀ କ’ଣ ମାନୁଛନ୍ତି । ଉଭୟଙ୍କୁ ନିର୍ଦ୍ଧୁମ ଛେଚି ଚାଲିଛନ୍ତି । ତେବେ ଏହି ସମୟରେ ମହିଳା ଜଣକ କହୁଛନ୍ତି, ମୁଁ ପିଲା ଛୁଆକୁ ଧରି ଘର କାମ କରିବି । ଆଉ ବାହାରେ ତୁ ରାସଲୀଳା କରିବୁ । ସେପଟେ ଯୁବକ ଜଣକ ଭିଡିଓରେ କହୁଛନ୍ତି, ମୁଁ ତାଙ୍କୁ ତଲାକ୍ ଦେଇସାରିଛି । ତେବେ ଏନେଇ ପୋଲିସକୁ ଖବର ଦିଆଯାଇଥିଲା । ଆଉ ଅଭିଯୋଗ ପରେ ଘଟଣାସ୍ଥଳରେ ପହଞ୍ଚିଥିଲା ପୋଲିସ୍ ।  ଏବେ ଉଭୟଙ୍କୁ ବୁଝାସୁଝା କରି ଅଲଗା କରିବା ସହ ତଦନ୍ତ ଆରମ୍ଭ କରିଛି ।