ଶହେ କୋଟି ଟିକାକରଣ ନେଇ ସ୍ପେଇସ୍‌ଜେଟ୍‌ର ସେଲିବ୍ରେସନ୍‌

ନୂଆଦିଲ୍ଲୀ: ଦେଶରେ ୧୦୦ କୋଟି ଟିକାକରଣକୁ ନେଇ ସେଲିବ୍ରେସନ୍ କରିଛି ସ୍ପାଇସଜେଟ ଏୟାରଲାଇନ୍ସ । ବିମାନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ସ୍ୱାସ୍ଥ୍ୟକର୍ମୀଙ୍କ ଫଟୋ ଲଗାଯାଇଛି । ଏତେ କମ୍ ମାସ ଭିତରେ ୧୦୦ କୋଟି ଟୀକାକରଣ ସମ୍ଭବ ହୋଇଥିବାରୁ ସ୍ପାଇସଜେଟ ପକ୍ଷରୁ ଏଭଳି ନିଆରା ପ୍ରୟାସ କରାଯାଇଛି । ବିମାନ ବାହାରେ ଠିଆ ହୋଇ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମନସୁଖ ମାଣ୍ଡଭ୍ୟ, ସ୍ୱାସ୍ଥ୍ୟ ରାଷ୍ଟ୍ରମନ୍ତ୍ରୀ ଭାରତୀ ପ୍ରବୀଣ ପାଓ୍ୱାର ଏବଂ ସ୍ପାଇସଜେଟ ସିଏମଡି ଅଜୟ ସିଂ ବିଜୟ ସଙ୍କେତ ଦେଇଛନ୍ତି ।

Also Read

ପାଟି ନଖୋଲୁଣୁ ରୋଜଗାର କରୁଛି ୭୫ ହଜାର ଟଙ୍କା

ଆରମ୍ଭ ହେବ ନବମ ଶ୍ରେଣୀର ପ୍ରଥମ ସମ୍ମେଟିଭ୍ ପରୀକ୍ଷା

ଏମିତି ଆମ ଦେଶ : ହିନ୍ଦୁଙ୍କ ଶ୍ମଶାନ ପାଇଁ ଜାଗା ଛାଡିଲେ ମୁସଲମାନ

ସେହିଭଳି ଦେଶରେ ୧୦୦ କୋଟି ଟିକାକରଣକୁ ନେଇ ବାଲିରେ ଚିତ୍ର ଆଙ୍କିଛନ୍ତି ଅନ୍ତର୍ଜାତୀୟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ । ପୁରୀ ବେଳାଭୂମିରେ ବାଲିରେ ଏକ ସୁନ୍ଦର ଚିତ୍ର କରି ପ୍ରଧାନମନ୍ତ୍ରୀଙ୍କ ସମେତ ପୂରା ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି । ବାଲିରେ ଭାରତର ମାନଚିତ୍ର କରି ଟିକା ଦେବାର ନିଖୁଣ ଚିତ୍ର ଆଙ୍କିଛନ୍ତି ସୁଦର୍ଶନ ପଟ୍ଟନାୟକ।

Congratulations India for reaching the milestone of one billion #Covid_19 vaccinations.
My SandArt at Puri beach.#VaccineCentury #LargestVaccineDrive pic.twitter.com/gKKGSVUJcu

— Sudarsan Pattnaik (@sudarsansand) October 21, 2021

ଅନ୍ୟପଟେ ରାଜ୍ୟରେ ଶିଶୁମାନଙ୍କ ଟିକାକରଣ ପାଇଁ ଆରମ୍ଭ ହୋଇଛି ପ୍ରସ୍ତୁତି । ଆସନ୍ତାକାଲି ସବୁ ରାଜ୍ୟର ଅଧିକାରୀଙ୍କୁ ଭର୍ଚୁଆଲ ମୋଡ୍‌ରେ ପ୍ରଶିକ୍ଷଣ ଦିଆଯିବ । ଏହାପରେ ରାଜ୍ୟ ସରକାର ଜିଲ୍ଲା ସ୍ତରୀୟ ଅଧିକାରୀଙ୍କୁ ପ୍ରଶିକ୍ଷଣ ଦେବେ । ଶିଶୁଙ୍କୁ କୋଭାକ୍ସିନ୍ ଟିକା ଦେବା ପାଇଁ କେବଳ ଏକ୍ପପର୍ଟ କମିଟି ଅନୁମୋଦନ କରିଛି । ଏହାପରେ DCGIର ଅନୁମୋଦନକୁ ଅପେକ୍ଷା କରାଯାଇଛି । ତେବେ ୨ରୁ ୧୮ ବର୍ଷ ବୟସର ସବୁ ପିଲାଙ୍କୁ ଟିକା ଦିଆଯିବ କି କିଛି ନିର୍ଦ୍ଦିଷ୍ଟ ବର୍ଗଙ୍କୁ ଦିଆଯିବ ସେନେଇ ସ୍ପଷ୍ଟ ହୋଇନଥିବା ପରିବାର କଲ୍ୟାଣ ନିର୍ଦ୍ଦେଶକ କହିଛନ୍ତି ।