ନିର୍ମାଣଧିନରେ ଭାରତର ସର୍ବପ୍ରଥମ ଭର୍ଟିକାଲ୍ ଲିଫ୍ଟ ସି ବ୍ରିଜ୍

ଚେନ୍ନାଇ: ନିର୍ମାଣ ହେଉଛି ଭାରତର ପ୍ରଥମ ଭର୍ଟିକାଲ୍ ଲିଫ୍ଟ ସି ବ୍ରିଜ୍ । କେନ୍ଦ୍ରମନ୍ତ୍ରୀ ଅଶ୍ୱୀନି ବୈଷ୍ଣବ ଏନେଇ ଟ୍ୱିଟ୍‌ କରି ସୂଚନା ଦେଇଛନ୍ତି । ତାମିଲ୍‌ନାଡୁର ରାମେଶ୍ୱରରେ ନିର୍ମାଣଧିନ ପମ୍ୱନ ବ୍ରିଜ୍‌ର କିଛି ଫଟୋ ମନ୍ତ୍ରୀ ସୋସିଆଲ୍‌ ମିଡିଆରେ ସେୟାର କରିଛନ୍ତି । ଏହି ବ୍ରିଜ୍‌ଟି ଭାରତର ପ୍ରଥମ ଭର୍ଟିକାଲ୍ ଲିଫ୍ଟ ସି ବ୍ରିଜ୍, ଯାହା ସେପ୍ଟେମ୍ବର ୨୦୨୧ ସୁଦ୍ଧା ଶେଷ ହେବାକୁ ଥିବାବେଳେ କରୋନା ମହାମାରୀ କାରଣରୁ ଏବେ ଏହାର କାମରେ ବିଳମ୍ବ ହୋଇଛି । ତେଣୁ ଏହି ସେତୁର ନିର୍ମାଣ କାମକୁ ୨୦୨୨ ସୁଦ୍ଧା ଶେଷ କରିବାକୁ ନିଷ୍ପତି ନିଆଯାଇଛି ।

ଭାରତୀୟ ରେଳ ବିଭାଗ ଦ୍ୱାରା ନିର୍ମିତ ପ୍ରାୟ ୨.୦୫ କିଲୋମିଟର ଲମ୍ୱତା ବିଶିଷ୍ଟ ଏହି ବ୍ରିଜ୍‌ ରମେଶ୍ୱରର ମୁଖ୍ୟ ରାସ୍ତାକୁ ସଂଯୋଗ କରିବ । ଯାହା ଦ୍ୱାରା ସ୍ଥାନୀୟ ତଥା ଆଖପାଖ ଲୋକମାନେ ଉପକୃତ ହୋଇପାରିବେ । ରାମେଶ୍ୱରରେ ନିର୍ମାଣଧିନ ଏହି ବ୍ରିଜ୍‌ ସହ ସଂଯୋଗ କରାଯଆଉଥିବା ମୁଖ୍ୟ ରାସ୍ତାଟି ପ୍ରାୟ ୧୦୫ ବର୍ଷ ପୁରୁଣା ହୋଇଥିବା ଜଣାପଡିଛି । କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବ ଟ୍ୱିଟ୍‌ ଦ୍ୱାରା ଫଟୋ ସେୟାର କରିବା ସହ ଲେଖିଛନ୍ତି ଯେ, ‘ଏହି ନୂଆ ପମ୍ୱନ ବ୍ରିଜ୍‌ ହେଉଛି ଭାରତର ପ୍ରଥମ ଭର୍ଟିକାଲ ସି ବ୍ରିଜ୍‌ । ଏହାକୁ ୨୦୨୨ ସୁଦ୍ଧା ନିର୍ମାଣ କରାଯିବାର ଟାର୍ଗେଟ୍‌ ରଖାଯାଇଛି’ ।

New Pamban Bridge, India’s first vertical lift Railway sea bridge.
Target #Infra4India March 2022. pic.twitter.com/8HnqnIFW3W

— Ashwini Vaishnaw (@AshwiniVaishnaw) October 6, 2021

Also Read

ଶେଷ ହେଲା ମୋଦିଙ୍କ ଉପହାରର ନିଲାମ, ଜାଣନ୍ତୁ କାହାର ମୂଲ୍ୟ ସବୁଠୁ ଅଧିକ

ଖୋର୍ଦ୍ଧାରେ କମୁନି ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୨୫୦ କରୋନା ଆକ୍ରାନ୍ତ

ହଠାତ୍‌ ଘର ଭିତରେ ହେଲା ବିସ୍ଫୋରଣ, ତା’ପରେ...

୨ କିଲୋମିଟରରୁ ଅଧିକ ଲମ୍ବାତା ବିଶିଷ୍ଟ ଏହି ସେତୁ ନିର୍ମାଣ ପାଇଁ ପ୍ରାୟ ୨୫୦ କୋଟି ଟଙ୍କା ଖର୍ଚ୍ଚ ହେବ । ଏଥିରେ ସେଜର ରୋଲିଂ ଲିଫ୍ଟ ଟେକ୍ନୋଲୋଜିର ବ୍ୟବସ୍ଥା ରହିଛି ଯାହା ଫଳରେ ସମୁଦ୍ରରେ ଯାଉଥିବା ବଡ ଯାହାଯ ଆସିଲେ ବ୍ରିଜ୍‌ଟି ଖୋଲିଯିବ । କାରଣ ବ୍ରଜ୍‌ର ଦୁଇ ପାର୍ଶରେ ସେନ୍ସରର ସୁବିଧା ରହିଛି । ପୁରୁଣା ବ୍ରିଜ୍‌ରେ ସର୍ଜନ୍‌ ସ୍ପେନ୍‌ର ବ୍ୟବସ୍ଥା ରହିଥିଲା ଯେଉଁଥିରେ ବିମାନ ଯିବା ପାଇଁ ହାତ ସାହାର୍ଯ୍ୟରେ ପରିଚାଳିତ କରାଯାଉଥିଲା । ହେଲେ ନୂଆ ସେତୁ ଏକ ଇଲେକ୍ଟ୍ରୋ-ମେକାନିକାଲ୍ କଣ୍ଟ୍ରୋଲ ସିଷ୍ଟମ୍ ଦ୍ୱାରା ପରିଚାଳନା କରାଯିବ । ଯାହାର ଫଟୋ ରେଳ ମନ୍ତ୍ରୀ ସେୟାର କରିଛି । ଏହାସହ ସେ କହିଛନ୍ତି, "ଦୁଇ ଟ୍ରାକ୍ ବିଶିଷ୍ଟ ଅତ୍ୟାଧୁନିକ ସେତୁ ଦେଶର ପ୍ରଥମ ଭର୍ଟିକାଲ୍ ଲିଫ୍ଟ ସେତୁ ଯାହାର ନିର୍ମାଣ କାମ ୨୦୨୨ ମାର୍ଚ୍ଚ ମାସ ସୁଦ୍ଧା ଶେଷ ହେବ ।"