• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Sarbeswar

News Highlights

  • ଏୟାର ଇଣ୍ଡିଆକୁ ନେଇ ବଡ଼ ମନ୍ତବ୍ୟ ଦେଲେ ପୀୟୂଷ

  • କହିଲେ, ଏ ପର୍ଯ୍ୟନ୍ତ ନେଇନାହାନ୍ତି ନିଷ୍ପତ୍ତି

ନୂଆଦିଲ୍ଲୀ: ଏୟାର ଇଣ୍ଡିଆକୁ ଟାଟା ନେଇ ନା ନାହିଁ। ଏହାକୁ ନେଇ ସାରା ଦେଶରେ ବେଶ ଚର୍ଚ୍ଚା ଚାଲିଛି। କିନ୍ତୁ ଏନେଇ ଆଜି ପ୍ରତିକ୍ରିୟା ରଖିଛନ୍ତି ବାଣିଜ୍ୟ ଏବଂ ଉଦ୍ୟୋଗ ମନ୍ତ୍ରୀ ପୀୟୁଷ ଗୋୟଲ। ସେ କହିଛନ୍ତି ଯେ ସରକାର ଏପର୍ଯ୍ୟନ୍ତ ଏୟାର ଇଣ୍ଡିଆ ଉପରେ କୌଣସି ନିଷ୍ପତ୍ତି ନେଇନାହାଁନ୍ତି। ଏଥି ସହିତ, ଏହାର ବିଡର ବିଜେତା ନିର୍ବାଚନ ଏକ ସ୍ଥିର ପ୍ରକ୍ରିୟା ମାଧ୍ୟମରେ କରାଯିବ ।

ଏଠାରେ ସ୍ପଷ୍ଟ କରୁଛୁ କି, ପୀୟୁଷ ଗୋୟଲ ବର୍ତ୍ତମାନ ଦୁବାଇ ଏକ୍ସପୋରେ ପାଇଁ ଦୁବାଇ ଗସ୍ତରେ ଅଛନ୍ତି। ସାମ୍ବାଦିକମାନଙ୍କ ପ୍ରଶ୍ନର ଉତ୍ତର ଦେଇ ସେ କହିଛନ୍ତି ଯେ ମୁଁ ଗତକାଲି ଠାରୁ ଦୁବାଇରେ ଅଛି । ତେଣୁ ମୁଁ ଯେତିକି ସୂଚନା ପାଇଛି ସରକାର ଏୟାର ଇଣ୍ଡିଆ ଉପରେ କୌଣସି ନିଷ୍ପତ୍ତି ନେଇ ନାହାନ୍ତି। କିନ୍ତୁ ପୀୟୂଷ କହିଛନ୍ତି, ଏନେଇ ସରକାର ଚିନ୍ତା କରୁଛନ୍ତି ଏବଂ ଏଥିପାଇଁ ବିଡ୍ ଡକାଯାଇଥିଲା ଏବଂ ସରକାରଙ୍କ ବରିଷ୍ଠ ଅଧିକାରୀମାନେ ଏହାର ମୂଲ୍ୟାଙ୍କନ ମଧ୍ୟ କରୁଛନ୍ତି। ଏହାସହ ଏହାର ଏକ ସମ୍ପୂର୍ଣ୍ଣ ପ୍ରକ୍ରିୟା ଅଛି ଏବଂ ଏହାକୁ ଅନୁସରଣ କରି ଠିକ୍ ସମୟରେ ଏୟାର ଇଣ୍ଡିଆ ବିଜେତାଙ୍କ ନାମ ଘୋଷଣା କରାଯିବ। ବାସ୍ତବରେ ପୀୟୁଷ ଗୋୟଲଙ୍କୁ ଏୟାର ଇଣ୍ଡିଆ ପାଇଁ ଟାଟା ଗ୍ରୁପ ଚୟନ କରାଯିବା ଖବର ଉପରେ ଏକ ପ୍ରଶ୍ନ ପଚରାଯାଇଥିଲା। ଶୁକ୍ରବାର ଦିନ ମିଡିଆରେ ସୂତ୍ର ଦର୍ଶାଇ ଏୟାର ଇଣ୍ଡିଆ ପାଇଁ ଟାଟା ଗ୍ରୁପ ଚୟନ ହେବାର ଖବର ଆସିଥିଲା। ଯାହା ପରେ ସରକାର ଏହାକୁ ପ୍ରତ୍ୟାଖ୍ୟାନ କରିଥିଲେ।

ଡିପିଏମ୍ ବିଭାଗ (ଡିପିଏମ୍) ସଚିବ ତୁହିନ୍ କାଣ୍ଟ ପାଣ୍ଡେ ଶୁକ୍ରବାର ଦିନ ଏଭଳି ରିପୋର୍ଟକୁ ଅସ୍ୱୀକାର ମଧ୍ୟ କରିଛନ୍ତି। ସେ ଟୁଇଟ୍ କରି କହିଛନ୍ତି ଯେ ସରକାର ଏ ସମ୍ପର୍କରେ କୌଣସି ନିଷ୍ପତ୍ତି ନେଇନାହାଁନ୍ତି। ପିଟିଆଇର ଖବର ଅନୁଯାୟୀ, ପୀୟୁଷ ଗୋୟଲ ସଂଯୁକ୍ତ ଆରବ ଏମିରେଟ୍ସ (ୟୁଏଇ) ସହିତ ପ୍ରସ୍ତାବିତ ମୁକ୍ତ ବାଣିଜ୍ୟ ଚୁକ୍ତି ଉପରେ ମଧ୍ୟ ଆଲୋଚନା କରିଥିଲେ। ସେ କହିଛନ୍ତି ଯେ ବୟନ, ରତ୍ନ ଏବଂ ଅଳଙ୍କାର, ଫାର୍ମା ଏବଂ ସ୍ୱାସ୍ଥ୍ୟ ସେବା କ୍ଷେତ୍ରରେ ଭାରତୀୟ ବ୍ୟବସାୟୀଙ୍କ ପାଖରେ ଅନେକ ସୁଯୋଗ ରହିଛି। ଦୁଇ ଦେଶ ମଧ୍ୟରେ ବାଣିଜ୍ୟକୁ ସରକାର ଉତ୍ସାହିତ କରିବେ। ସେ ଯାହାବି ହେଉ ଏୟାର ଇଣ୍ଡିଆକୁ ନେଇ ଏବେ ବି କଳ୍ପନାଜଳ୍ପନା ଲାଗି ରହିଛି।