• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Pramod Behera

News Highlights

  • 'ଭୁଜ୍: ଦି ପ୍ରାଇଡ୍ ଅଫ୍ ଇଣ୍ଡିଆ'ର ପ୍ରଥମ ଗୀତ 'ହଞ୍ଜୁଗମ୍' ରିଲିଜ୍

  • ଅଜୟ ଦେବଗନ ଏବଂ ପ୍ରଣିତା ସୁଭାଷଙ୍କ ଉପରେ ସୁଟିଂ

  • ଦୁହିଁଙ୍କ ରୋମାଣ୍ଟିକ୍ ଯୋଡି ଦର୍ଶକଙ୍କ ମନ ମୋହୁଛି

ମୁମ୍ବାଇ: ବଲିଉଡର ଆଙ୍ଗ୍ରି ୟଙ୍ଗମ୍ୟାନ୍ ଅଜୟ ଦେବଗନଙ୍କ ଫିଲ୍ମ 'ଭୁଜ : ଦ ପ୍ରାଇଡ୍ ଅଫ୍ ଇଣ୍ଡିଆ'କୁ ପ୍ରଶଂସକମାନେ ଉତ୍ସାହର ସହିତ ଅପେକ୍ଷା କରିଛନ୍ତି। ଫିଲ୍ମର ନାମ ସୂଚାଉଛି ଯେ, ଫିଲ୍ମ ଦେଶପ୍ରେମରେ ପରିପୂର୍ଣ୍ଣ ହୋଇଥିବ। ଦେଶ ପ୍ରେମର କାହାଣୀ ଉପରେ ଆଧାରିତ ଏହି ଚଳଚ୍ଚିତ୍ର ଅଗଷ୍ଟ ୧୩ରେ ଡିସ୍ନି ପ୍ଲସ୍ ହଟ୍‌ଷ୍ଟାର୍ ଭିଆଇପିରେ ମୁକ୍ତିଲାଭ କରିବ। ଏହି ଚଳଚ୍ଚିତ୍ରର ଟିଜର ଏବଂ ଟ୍ରେଲରରେ ପୂର୍ବରୁ ଫିଲ୍ମର ଝଲକ ଦେଖାଇଦିଆ ସରିଛି। ଏହି ଚଳଚ୍ଚିତ୍ରର ପ୍ରଥମ ଗୀତ ମଧ୍ୟ ବର୍ତ୍ତମାନ ରିଲିଜ୍ ହୋଇଛି । ଗୀତର ଲିରିକ୍ସ କିଛି ଅଲଗା, ତେଣୁ ପ୍ରଶଂସକମାନଙ୍କ ମୁହଁରେ ଏହା ଖୁବ୍ ଶୀଘ୍ର ଆସିବ ବୋଲି ଆଶା କରାଯାଉଛି।

ଫିଲ୍ମ 'ଭୁଜ୍: ଦି ପ୍ରାଇଡ୍ ଅଫ୍ ଇଣ୍ଡିଆ'ର ପ୍ରଥମ ଗୀତ' ହଞ୍ଜୁଗମ୍ 'ମୁକ୍ତିଲାଭ କରିଛି। ଏହି ଗୀତ ଅଜୟ ଦେବଗନ ଏବଂ ଅଭିନେତ୍ରୀ ପ୍ରଣିତା ସୁଭାଷଙ୍କ ଉପରେ ସୁଟିଂ କରାଯାଇଛି। ଏହି ଦୁଇଜଣଙ୍କର ରୋମାଣ୍ଟିକ୍ ଯୋଡି ହିଁ ଗୀତଟିକୁ ଆଶ୍ଚର୍ଯ୍ୟଜନକଭାବେ ରିଲିଜ୍ ହେବା ମାତ୍ରେ ସୋସିଆଲ ମିଡିଆରେ ଚହଳ ପକେଇ ଦେଇଛି। ଟି-ସିରିଜ୍‌ର ୟୁଟ୍ୟୁବ୍‌ ଚ୍ୟାନେଲ୍‌ରେ ରିଲିଜ୍ ହେବାର କିଛି ଘଣ୍ଟା ମଧ୍ୟରେ ୧୧ ଲକ୍ଷ ୪୮ ହଜାରରୁ ଅଧିକ ଭିଉ ମିଳିସାରିଛି। ଏହି ଗୀତରେ ଅଜୟ ବାୟୁସେନା ଅଧିକାରୀଙ୍କ ଭୂମିକାରେ ଅତି ନିଆର ଶୈଳୀରେ ନଜର ଆସିଛନ୍ତି। ଏହି ଗୀତଟି ଦେବଶି ଖଣ୍ଡୁରୀ ଲେଖିଛନ୍ତି ଏବଂ ଜୁବିନ୍ ନୌଟିଆଲ୍ ଗାଇଛନ୍ତି। ଗୀତଟି ବାୟୁସେନାର ଏକ ଅଫିସିଆଲ୍ ପାର୍ଟି ଭଳି ଲାଗୁଥିବା ବେଳେ ଯେଉଁଠାରେ ଅଜୟ ଏବଂ ପ୍ରଣିତା ଗୀତ ଗାଇବା ସହିତ ଜମେଇକି ନାଚୁଥିବାର ନଜର ଆସିଛନ୍ତି।

ପ୍ରକାଶଥାଉ ଯେ ସାଉଥ୍‌ ଫିଲ୍ମ ଇଣ୍ଡଷ୍ଟ୍ରିର ଅଭିନେତ୍ରୀ ପ୍ରଣିତା ସୁଭାଷ 'ହଙ୍ଗାମ-୨' ଏବଂ ହିନ୍ଦୀ ଚଳଚ୍ଚିତ୍ର ଇଣ୍ଡଷ୍ଟ୍ରିରେ 'ଭୁଜ' ସହିତ ଡେବ୍ୟୁ କରୁଛନ୍ତି। ତାଙ୍କ ବ୍ୟତୀତ ସୋନାକ୍ଷୀ ସିହ୍ନା, ନୋରା ଫତେହି ଏବଂ ସଞ୍ଜୟ ଦତ୍ତ ମଧ୍ୟ ଏହି ଫିଲ୍ମରେ ନଜରକୁ ଆସିବେ।

୧୯୭୧ ମସିହାର ଭାରତ-ପାକିସ୍ତାନ ଯୁଦ୍ଧର ପୃଷ୍ଠଭୂମି ଉପରେ ଆଧାରିତ 'ଭୁଜ: ଦି ପ୍ରାଇଡ୍ ଅଫ୍ ଇଣ୍ଡିଆ'ର କାହାଣୀ। ଏହି ଚଳଚ୍ଚିତ୍ରରେ ଅଜୟ ଭାରତୀୟ ବାୟୁସେନା ସ୍କ୍ୱାଡ୍ରୋନ୍ ମୁଖ୍ୟ ବିଜୟ କର୍ଣ୍ଣିକଙ୍କ ଭୂମିକାରେ ଅଛନ୍ତି, ଯିଏ ସେତେବେଳେ ଭୁଜ୍‌ ବିମାନବନ୍ଦରର ଦାୟିତ୍ୱରେ ଥିଲେ। ଏହି ଫିଲ୍ମ ଗାଁର ଲୋକଙ୍କ ସାହାଯ୍ୟରେ ବାୟୁସେନା ବେସ୍‌ ପ୍ରସ୍ତୁତ କରିବାର କାହାଣୀ ସହ ସୈନିକମାନେ ସମ୍ମୁଖୀନ ହେଉଥିବା ଅସୁବିଧା ବିଷୟରେ ଦର୍ଶକଙ୍କୁ ଅବଗତ କରାଇବ ।