ଥମିନି ଦ୍ୱିତୀୟ ଲହର, ଟଳିନି ମହାମାରୀ ଡର ! ପାଖେଇ ଆସୁଛି ପାର୍ବଣ, ଭିଡ଼ କରିବାକୁ ବାରଣ

ଭୁବନେଶ୍ୱର: ଥମିନି ଦ୍ୱିତୀୟ ଲହର, ଟଳିନି ମହାମାରୀ ଡର । ପାଖେଇ ଆସୁଛି ପାର୍ବଣ, ଭିଡ଼ କରିବାକୁ ବାରଣ ।  ଆଗକୁ ଆସୁଛି ଗଣେଶ ପୂଜା, ଦଶହରା ଏବଂ ଦୀପାବଳି ଭଳି ପର୍ବ । ତେଣୁ ପୂଜା ଋତୁରେ କରୋନାର ଦୃତ ସଂକ୍ରମଣ ରୋକିବାକୁ ଦେଶବାସୀଙ୍କୁ ଆଗୁଆ ସତର୍କ କରାଇଛି କେନ୍ଦ୍ର ସରକାର । ଆଇସିଏମ୍‌ଆର ନିର୍ଦ୍ଦେଶକ ଜେନେରାଲ ବଳରାମ ଭାର୍ଗବ କହିଛନ୍ତି-ପାର୍ବଣରେ ଭିଡ଼ ହେଲେ, ସଂକ୍ରମଣ ପୁଣି ବଢ଼ିବ । ଲୋକଙ୍କ ବଡ଼ ଧରଣର ଏକତ୍ରୀକରଣ ଆଦୌ ନହେବା ଉଚିତ୍ । ଯଦି ମେଳା କିମ୍ବା ଉତ୍ସବରେ ଯୋଗଦେବାକୁ ନିହାତି ଦରକାର ପଡେ, ସେଥିପାଇଁ କରୋନାର ଦୁଇଟି ଯାକ ଡୋଜ୍ ନିଶ୍ଚୟ ନେବା ଦରକାର ।

Also Read

ନିଅଣ୍ଟିଆ ବର୍ଷା ଦାଉରେ ମାଟି ଫାଟି ଆଁ, ଚାଷୀର ଭାତହାଣ୍ଡି ଶୁଖିଲା ପଡ଼ିଛି

କାଶ୍ମୀରକୁ ନେଇ ବିବାଦୀୟ ବୟାନ୍‌ ଦେଲେ ତାଲିବାନ୍‌ ମୁଖ୍ୟ

ମୁଲ୍ଲା ବରାଦର ହେବେ ଆଫଗାନ୍‌ ସରକାରର ମୁଖ୍ୟ

ଏଥିସହ ଆସନ୍ତା ଅକ୍ଟୋବର ପୂର୍ବରୁ ଯୁବ ବର୍ଗଙ୍କୁ ଅତିକମ୍‌ରେ ପ୍ରଥମ ଡୋଜ୍ ଟିକାକରଣ ସାରିବାକୁ ଲକ୍ଷ୍ୟ ରଖାଯାଇଥିବା ସୂଚନା ଦେଇଛନ୍ତି ଭାର୍ଗବ । କେରଳ, ମହାରାଷ୍ଟ, ତାମିଲନାଡୁ ଓ ଆନ୍ଧ୍ର ପ୍ରଦେଶରେ ଏବେ ବି ୪୨ରୁ ଅଧିକ ଜିଲ୍ଲାରେ ଦୈନିକ ସଂକ୍ରମଣ ଶହେ ଉପରେ ରହୁଛି । ତେଣୁ ଆଗକୁ ପାର୍ବଣ ସମୟରେ ଏଥିପ୍ରତି ସଜାଗ ରହିବା ଜରୁରୀ । ତେବେ ପାର୍ବଣରେ ସାମିଲ ହେବାକୁ ଥିଲେ ଡବଲ ଡୋଜ୍ କରୋନା ଟିକା ନେବା ଜରୁରୀ ବୋଲି କେନ୍ଦ୍ରରୁ ଏ ସମ୍ପର୍କିତ କୌଣସି ପ୍ରକାର ନିର୍ଦ୍ଦେଶନାମା ରାଜ୍ୟକୁ ଆସିନଥିବା ସ୍ପଷ୍ଟ କରିଛନ୍ତି ସ୍ୱାସ୍ଥ୍ୟ ନିର୍ଦ୍ଦେଶକ । ତାସହ କହିଛନ୍ତି-ଟିକାକରଣ ସହ ଏବେ ସେରୋ ସର୍ଭେ ଚାଲିଛି । ଅଦ୍ୟାବଧି ରାଜ୍ୟରେ କେତେ ଟୀକା ଦିଆଯାଇଛି, ତାର ଅନୁଧ୍ୟାନ କରି ସରକାର ଖୁବଶୀଘ୍ର ମେଳା ଗାଇଡଲାଇନ୍ ସ୍ଥିର କରିବେ ବୋଲି ଜଣାପଡ଼ିଛି ।

ସେପଟେ ଗତ କିଛି ଦିନ ଧରି ଦେଶରେ ସଂକ୍ରମଣ ଗ୍ରାଫ୍ ତଳମୁହାଁ ହେବା ପରେ, ଏବେ ପୁଣି ୫୦ ହଜାର ମୁହାଁ ହେଲାଣି । ଗତ ୨୪ ଘଣ୍ଟାରେ ୪୫ ହଜାର ୩୫୨ ନୂଆ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୩୬୬ଜଣଙ୍କ ମୃତ୍ୟୁ ଘଟିଛି । ଯାହା ମଧ୍ୟରୁ କେବଳ କେରଳରୁ ନୂଆ ପଜିଟିଭ୍ ସଂଖ୍ୟା, ୩୨ ହଜାରରୁ ଅଧିକ ଥିବାବେଳେ ୧୮୮ ଆକ୍ରାନ୍ତଙ୍କ ପ୍ରାଣ ଯାଇଛି । ଏପଟେ ରାଜ୍ୟରେ ବି ଦୈନିକ ସଂକ୍ରମଣ ୪ ଦିନ ଧରି ୮ଶହ ତଳେ ରହିବା ପରେ ଆଜି ପୁଣି ୮୪୯ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି ।

Also Read

ସମୁଦ୍ର କୂଳରେ ସନୀ ଲିଓନେଙ୍କ ବୋଲ୍ଡ ଅବତାର

ରାସ୍ତାରେ ଚଲାଇଲେନି, ପଡ଼ି ପଡ଼ି ଖତ ହେଲା ! ତା’ପରେ ୧୨୧ ବସ୍‌କୁ କବାଡ଼ିଆରେ ବିକି ଦେଲେ

ଦୁନିଆର ସବୁ ବଡ ଘଟଣା ପଛରେ ଇଲୁମିନାଟୀର ହାତ!

ତେବେ ପ୍ରାୟ ମାସେ ପାଖାପାଖି ଦୈନିକ ୬୦ ପାର୍ ମହାମାରୀ ମୃତ୍ୟୁରେ ୨ ଦିନ ତଳେ ହଠାତ୍ ଲାଗିଛି ବଡ଼ ବ୍ରେକ୍ । ସ୍ୱାସ୍ଥ୍ୟ ବିଭାଗର ସେପ୍ଟେମ୍ବର ୨ ତଥ୍ୟ ଅନୁସାରେ ୬ଜଣଙ୍କ କରୋନାରେ ମୃତ୍ୟୁ ଘଟିଥିବା ବେଳେ ଆଜିର ତଥ୍ୟରେ ୭ଜଣଙ୍କ ପ୍ରାଣ ଯାଇଛି । ଏହାକୁ ମିଶାଇ ରାଜ୍ୟରେ କୋଭିଡ୍ ମୃତ୍ୟୁ ୮ହଜାର ୩୫ ଛୁଇଁଛି । ଏସମ୍ପର୍କରେ ପ୍ରତିକ୍ରିୟା ରଖି ସ୍ୱାସ୍ଥ୍ୟ ନିର୍ଦ୍ଦେଶକ କହିଛନ୍ତି ମହାମାରୀ ପିକରେ ଥିଲାବେଳେ ଅଡିଟ୍ ହୋଇପାରି ନଥିଲା । ତେଣୁ ସେଗୁଡିକର ଅଡିଟ୍ ସରିବା ପରେ ଯାହା ତଥ୍ୟ ଆସୁଛି ଦିଆଯାଉଛି ।

ଏଣେ ରାଜ୍ୟରେ ନୂଆ ଆକ୍ରାନ୍ତଙ୍କ ମଧ୍ୟରେ ଶିଶୁଙ୍କ ସଂଖ୍ୟା ବଢୁଥିବା ନେଇ ପ୍ରତିକ୍ରିୟା ରଖିଛନ୍ତି ଡିଏମ୍ଇଟି କହିଛନ୍ତି । ଟିକାକରଣ ହୋଇନଥିବାରୁ ଶିଶୁ ମାନେ ଅଧିକ ସଂକ୍ରମିତ ହେବେ । ତୃତୀୟ ଲହର ଏବେବି ଆକଳନ ସ୍ତରରେ ରିହଛି । ତଥାପି ଆମକୁ ପ୍ରସ୍ତୁତ ରହିବାକୁ ପଡିବ ।